ଫେବ୍ରୁଆରୀ ୭ରୁ ଆରମ୍ଭ ହୋଇଛି ଟି-୨୦ ବିଶ୍ବକପ୍‌ । ପ୍ରଥମ ମ୍ୟାଚରେ ଭାରତ ଆମେରିକାକୁ ଭେଟିଥିଲା । ଏହି ମ୍ୟାଚ୍‌ରେ ସୂର୍ଯ୍ୟକୁମାର ଯାଦବଙ୍କ ଦମଦାର ବ୍ୟାଟିଂ ବଳରେ ଭାରତ ମ୍ୟାଚ୍‌କୁ ନିଜ ନାମରେ କରିଥିଲା । ଟିମ୍‌ ଇଣ୍ଡିଆ ତା'ର ପରବର୍ତ୍ତୀ ମ୍ୟାଚ୍‌ ଫେବ୍ରୁଆରୀ ୧୨ ତାରିଖରେ ନାମିବିଆ ବିପକ୍ଷରେ ଖେଳିବ । କିନ୍ତୁ ଏହି ମ୍ୟାଚ୍‌ ପୂର୍ବରୁ ଟିମ୍ ଇଣ୍ଡିଆ ପାଇଁ ଖରାପ ଖବର ଆସିଛି । କାରଣ ଓପନର ଅଭିଷେକ ଶର୍ମା ଅସୁସ୍ଥ ହୋଇପଡ଼ିଛନ୍ତି । ଭାରତର ପରବର୍ତ୍ତୀ ମ୍ୟାଚ୍ ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ଖେଳାଯିବ, ଯେଉଁଠାରେ ଖେଳାଳିମାନେ ମଙ୍ଗଳବାର ଅଭ୍ୟାସ କରିଥିଲେ । କିନ୍ତୁ ଏହି ପ୍ରାକ୍ଟିସ୍‌ ସେସନ୍‌ରେ ଅଭିଷେକ ଶର୍ମା ସାମିଲ ହୋଇନଥିଲେ ।

ମଙ୍ଗଳବାରର ଅଧିକାଂଶ ଭାରତୀୟ ଖେଳାଳି ପ୍ରାକ୍ଟସ୍‌ କରିଥିଲେ । ଆଘାତରୁ ଫେରିଥିବା ଅଲରାଉଣ୍ଡର ୱାଶିଂଟନ ସୁନ୍ଦର ମଧ୍ୟ ଟିମ୍ ଇଣ୍ଡିଆ ସହିତ ଦିଲ୍ଲୀରେ ଅଛନ୍ତି। ସୁନ୍ଦରଙ୍କୁ ମଧ୍ୟ ଅଭ୍ୟାସ କରୁଥିବାର ଦେଖିବାକୁ ମିଳିଥିଲା । ପ୍ରଶିକ୍ଷକ ରିଆନ ଟେନ ଡୋଶାଟେ କହିଛନ୍ତି ଯେ ଅଭିଷେକ ଶର୍ମା ଏବେ ବି ଅସୁସ୍ଥ ଅଛନ୍ତି । ଏହା ଉଲ୍ଲେଖ କରିବା ଉଚିତ ଯେ ସେ ଅସୁସ୍ଥ ଥିବା ସମୟରେ ଆମେରିକା ବିପକ୍ଷରେ ମ୍ୟାଚ୍ ଖେଳିଥିଲେ ।

ଭାରତୀୟ ଫିଲ୍ଡିଂ କୋଚ୍‌ କହିଛନ୍ତି, "ଅଭିଷେକ ଶର୍ମା ବର୍ତ୍ତମାନ ପେଟ ସମସ୍ୟାରେ ପୀଡିତ । ଆମେ ଆଶା କରୁଛୁ ଯେ ସେ ଦୁଇ ଦିନ ମଧ୍ୟରେ ସମ୍ପୂର୍ଣ୍ଣ ସୁସ୍ଥ ହୋଇ ପରବର୍ତ୍ତୀ ମ୍ୟାଚ୍ ପାଇଁ ଉପଲବ୍ଧ ହେବେ।" ଅଭିଷେକ ଆମେରିକା ବିପକ୍ଷ ମ୍ୟାଚରେ ପ୍ରଥମ ବଲ୍‌ରେ ଆଉଟ୍ ହୋଇଥିଲେ ଏବଂ ଅସୁସ୍ଥତା ଯୋଗୁଁ ଫିଲ୍ଡିଂ କରିବାକୁ ମଧ୍ୟ ଆସି ନଥିଲେ ।

ସଞ୍ଜୁ ସାମସନଙ୍କୁ ସ୍ଥାନ ମିଳିବ କି ?

ସଞ୍ଜୁ ସାମସନଙ୍କୁ ମଧ୍ୟ ନେଟ୍ସରେ ଝାଳ ବୁହାଉଥିବାର ଦେଖାଯାଇଥିଲା । ଅନୁମାନ କରାଯାଉଛି ଯେ ଯଦି ଅଭିଷେକ ଶର୍ମା ଫେବୃଆରୀ ୧୨ ତାରିଖ ପୂର୍ବରୁ ଫିଟ୍ ନହୁଅନ୍ତି, ତେବେ ଏହା ସଞ୍ଜୁ ସାମସନଙ୍କୁ ଦଳକୁ ଫେରିପାରନ୍ତି । ଲଗାତାର ଇନିଂସ ଓପନିଂ କରିବାର ସୁଯୋଗ ପାଉଥିବା ସାମସନ କିନ୍ତୁ ବିଶ୍ୱକପର ପ୍ରଥମ ମ୍ୟାଚ୍‌ରେ ଇଶାନ କିଶାନ ଅଭିଷେକ ଶର୍ମାଙ୍କ ସହ ଇନିଂସ ଓପନ କରିଥିଲେ ।

ଭାରତୀୟ ଦଳ ଟି-୨୦ ବିଶ୍ୱକପ୍ ୨୦୨୬ର ପ୍ରଥମ ମ୍ୟାଚ୍ ଆମେରିକା ବିପକ୍ଷରେ ୨୯ ରନରେ ଜିତିଥିଲା । ଟିମ୍ ଇଣ୍ଡିଆ ପରବର୍ତ୍ତୀ ମ୍ୟାଚ୍ ୧୨ ତାରିଖରେ ନାମ୍ବିଆ ସହିତ ମୁକାବିଲା କରିବ, ତା’ପରେ ଫେବୃଆରୀ ୧୫ ତାରିଖରେ ବହୁ ଚର୍ଚ୍ଚିତ ଭାରତ ବନାମ ପାକିସ୍ତାନ ମ୍ୟାଚ୍ ହେବ। ଏହି ମ୍ୟାଚ୍ ପାଇଁ ଟିମ୍ ଇଣ୍ଡିଆ କଲମ୍ବୋ ଯାତ୍ରା କରିବ।