ମହାରାଷ୍ଟ୍ରର ଜଳଗାଓଁ ଜିଲ୍ଲାରେ ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଛି । ଏକ ଲାଇଭ୍ ମ୍ୟାଚ୍ ସମୟରେ ଜଣେ ବ୍ୟକ୍ତି କ୍ରିକେଟ୍ ପଡ଼ିଆକୁ ଏକ ଟ୍ରାକ୍ଟର ଆଣି ପିଚ୍‌କୁ ସମ୍ପୂର୍ଣ୍ଣ ନଷ୍ଟ କରିଦେଲେ । ଏହା ବ୍ୟାପକ ବିଶୃଙ୍ଖଳା ସୃଷ୍ଟି କଲା ଏବଂ ମ୍ୟାଚ୍‌କୁ ତୁରନ୍ତ ବନ୍ଦ କରିବାକୁ ପଡିଲା । ପିଚ୍‌ ଏବଂ ମ୍ୟାଚ୍‌କୁ ନଷ୍ଟ କରିବା ପରେ ଯୁବକ ଜଣକ ଟ୍ରାକ୍ଟର ସହିତ ପଡ଼ିଆ ନେଇ ଘଟଣାସ୍ଥଳରୁ ଚାଲି ଯାଇଥିଲା । ଏହି ସମୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।

Tractor Driver plows the cricket pitch mid-final in Jalgaon after the driver wasn’t invited to the tournament 😭 pic.twitter.com/LLS61mkRWJ

— Ghar Ke Kalesh (@gharkekalesh) April 18, 2026

ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳୁଛି କି, ଜଣେ ଯୁବକ କ୍ରିକେଟ୍ ପଡ଼ିଆକୁ ଏକ ଟ୍ରାକ୍ଟର ନେଇ ପଶିଥିଲେ । ଆଉ ଏହା ପରେ ପିଚ୍‌କୁ ଆସି ହଳ କରିଦେଇଥିଲେ । ଏହି ଘଟଣାଟି ଚାଲିଥିବା ଟୁର୍ଣ୍ଣାମେଣ୍ଟର ଫାଇନାଲ୍ ମ୍ୟାଚ୍‌ ସମୟରେ ଘଟିଥିବା ଜଣାପଡ଼ିଛି, ଯାହା ଦର୍ଶକଙ୍କ ମଧ୍ୟରେ ଆତଙ୍କ ସୃଷ୍ଟି କରିଥିଲା ।

ରାଗର କାରଣ କ’ଣ ଥିଲା ?

ରିପୋର୍ଟ ଅନୁଯାୟୀ, ଏହି ଭିଡିଓଟି ମହାରାଷ୍ଟ୍ରର ଜଳଗାଓଁର ଏବଂ ଟ୍ରାକ୍ଟର ଚଲାଉଥିବା ଯୁବକଙ୍କୁ ଟୁର୍ଣ୍ଣାମେଣ୍ଟକୁ ନିମନ୍ତ୍ରଣ କରାଯାଇ ନଥିଲା ବୋଲି କୁହାଯାଉଛି । ଏଥିରେ କ୍ରୋଧିତ ହୋଇ ସେ ଏହି ଚରମ ପଦକ୍ଷେପ ନେଇଥିଲେ । ମ୍ୟାଚ୍‌କୁ ବନ୍ଦ କରିବା ପାଇଁ ଯୁବକ ଜଣକ ଟ୍ରାକ୍ଟର ଆଣି ପିଚ୍‌କୁ ହଳ କରିଦେଇଥିଲେ । ପିଚ୍ କ୍ଷତି ହେବା ଫଳରେ ମ୍ୟାଚ୍ ଅଧାରୁ ବନ୍ଦ ହୋଇଥିଲା । ଯାହାଫଳରେ ଖେଳାଳି ଏବଂ ସେଠାରେ ଉପସ୍ଥିତ ଥିବା ଦର୍ଶକ ଅସନ୍ତୋଷ ପ୍ରକାଶ କରିଥିଲେ । ଭିଡିଓଟି ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି, ଲୋକମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି ।