ଇଂଲଣ୍ଡ ବିପକ୍ଷ ସିରିଜରେ ଭାରତର ପରାଜୟ ଯେତିକି ଚର୍ଚ୍ଚାରେ ରହିଲା, ସେତିକି ଚର୍ଚ୍ଚାରେ ରହିଲେ ଯୁବ ବ୍ୟାଟ୍ସମ୍ୟାନ୍‌ ବୈଭବ ସୂର୍ଯ୍ୟବଂଶୀ । ଶେଷ ଟି-୨୦ରୁ ବାଦ ପଡ଼ିବା ପରେ ଡଗ୍‌ଆଉଟ୍‌ରେ ତାଙ୍କ ଭାବପ୍ରବଣ ମୁହୂର୍ତ୍ତର ଭିଡିଓ ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେଉଛି ।

ଇଂଲଣ୍ଡ ବିପକ୍ଷରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ୪-୦ରେ ପରାଜୟ ବରଣ କରିଛି ଟିମ୍ ଇଣ୍ଡିଆ । ଏହି ସିରିଜ୍ ବୈଭବ ସୂର୍ଯ୍ୟବଂଶୀଙ୍କ ଡେବ୍ୟୁ ପାଇଁ ମନେ ରହିବ । ୧୫ ବର୍ଷ ବୟସରେ ବିହାରର ଏହି ଷ୍ଟାର ଖେଳାଳିଙ୍କୁ ଟିମ୍ ଇଣ୍ଡିଆ ପାଇଁ ଖେଳିବାର ସୁଯୋଗ ମିଳିଥିଲା । କିନ୍ତୁ ୩ଟି ମ୍ୟାଚ୍‌ରେ ସୁଯୋଗ ପରେ ସିରିଜ୍‌ର ଶେଷ ମ୍ୟାଚ୍‌ରୁ ତାଙ୍କୁ ବାଦ୍‌ ଦିଆଯାଇଥିଲା । ଆଉ ଏସବୁ ମଧ୍ୟରେ ଏବେ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ବୈଭବ ସୂର୍ଯ୍ୟବଂଶୀଙ୍କୁ ଟିମ୍ ଇଣ୍ଡିଆରୁ ବାଦ୍‌ ଦିଆଯିବା ପରେ କାନ୍ଦୁ ଥିବାର ଦେଖିବାକୁ ମିଳୁଛି ।

Look at the way Vaibhav Suryavanshi is crying after being dropped, sitting alone in disappointment. 💔

It feels like a harsh decision by Gautam Gambhir and Shreyas Iyer. 🥹 pic.twitter.com/HbTn8Nxqrr

— Sonu (@Cricket_live247) July 11, 2026

ଦଳରୁ ବାଦ ଦିଆଯିବା ପରେ ବୈଭବ ସୂର୍ଯ୍ୟବଂଶୀ ଭାବପ୍ରବଣ ହେଲେ !

ଇଂଲଣ୍ଡ ବିପକ୍ଷରେ ଦ୍ୱିତୀୟ ଟି-୨୦ ମ୍ୟାଚରେ ଡେବ୍ୟୁ କରିଥିଲେ ଏବଂ ତାଙ୍କ କ୍ୟାରିୟରର ପ୍ରଥମ ତିନୋଟି ମ୍ୟାଚରେ ପ୍ରଭାବ ପକାଇପାରି ନଥିଲେ ବୈଭବ । ଏହି କାରଣରୁ ଅଧିନାୟକ ଶ୍ରେୟସ ଆୟର ତାଙ୍କୁ ପଞ୍ଚମ ଟି-୨୦ ପାଇଁ ଦଳରୁ ବାଦ ଦେଇଥିଲେ, ସଞ୍ଜୁ ସାମସନଙ୍କୁ ପ୍ଲେଇଂ ଇଲେଭେନକୁ ପୁଣି ଆଣିଥିଲେ । ଟିମ୍ ଇଣ୍ଡିଆରୁ ବାଦ୍‌ ପଡ଼ିବା ପରେ ସେ ଇମୋସନାଲ ହୋଇଯାଇଥିଲେ ।

ଏବେ ସୋସିଆଲ ମିଡିଆରେ ଏକ ଭିଡିଓ ବେଶ୍‌ ଭାଇରାଲ ହେଉଛି, ଯେଉଁଥିରେ ବୈଭବ ସୂର୍ଯ୍ୟବଂଶୀ ପଞ୍ଚମ ଟି-୨୦ ମ୍ୟାଚ୍ ହାରିବା ପରେ ଡଗ୍ ଆଉଟରେ ଚେୟାରରେ ବସିଥିବାର ଦେଖାଯାଉଛି ଏବଂ ତାଙ୍କ ଆଖିରେ ଲୁହ ରହିଛି । ବୈଭବ ତାଙ୍କ ଲୁହ ପୋଛି ମୁଣ୍ଡ ତଳକୁ କରି ବସିଥିଲେ ।

ବୈଭବ ସୂର୍ଯ୍ୟବଂଶୀ କିପରି ପ୍ରଦର୍ଶନ କରିଥିଲେ ?

ବୈଭବ ସୂର୍ଯ୍ୟବଂଶୀ ଇଂଲଣ୍ଡ ବିପକ୍ଷରେ ତିନୋଟି ଟି-୨୦ ମ୍ୟାଚ୍ ଖେଳିଥିଲେ, ମୋଟ ୪୨ ରନ୍ କରିଥିଲେ। ସୂର୍ଯ୍ୟବଂଶୀଙ୍କ ସର୍ବାଧିକ ସ୍କୋର ୧୫ ଥିଲା। ସମସ୍ତ ମ୍ୟାଚରେ ବୈଭବ ଆରମ୍ଭରୁ ଭଲ ସ୍ଥିତିରେ ଥିବା ଦେଖାଯାଉଥିଲେ, କିନ୍ତୁ ସେ ତାଙ୍କ ଇନିଂସକୁ ବଡ଼ ସ୍କୋରରେ ପରିଣତ କରିପାରି ନଥିଲେ ।