ବୁଧବାର ଆଇପିଏଲର ୩୨ତମ ମ୍ୟାଚ୍‌ରେ ମୁହାଁମୁହିଁ ହେଉଛନ୍ତି ରାଜସ୍ଥାନ ରୟାଲ୍ସ ଏବଂ ଲକ୍ଷ୍ନୌ ସୁପରଜିଆଣ୍ଟସ । ଏହି ମ୍ୟାଚରେ ସମସ୍ତଙ୍କ ନଜର ବୈଭବ ସୂର୍ଯ୍ୟବଂଶୀ ଉପରେ ଥିଲା । କିନ୍ତୁ ବୈଭବ କେବଳ ୮ ରନ କରି ଆଉଟ୍‌ ହୋଇଥିଲେ ।୮ ରନର ଏହି ଛୋଟ ଇନିଂସ ସତ୍ତ୍ୱେ ବୈଭବ ଏକ ବଡ଼ ରେକର୍ଡ ହାସଲ କରିଛନ୍ତି । ସୂର୍ଯ୍ୟବଂଶୀ ଏବେ IPL ଇତିହାସରେ ୫୦୦ ରନ୍‌ ବଲ୍‌ ଦୃଷ୍ଟିରୁ କରିବାରେ ଦ୍ରୁତତମ ବ୍ୟାଟ୍ସମ୍ୟାନ୍ ହୋଇସାରିଛନ୍ତି । ସେ ଏହି ସଫଳତା ହାସଲ କରିଥିବା ସବୁଠାରୁ ଯୁବ ଖେଳାଳି ମଧ୍ୟ ହୋଇଛନ୍ତି । ଏହାର ଅର୍ଥ ହେଉଛି ବୈଭବ ଡବଲ ସଫଳତା ହାସଲ କରିଛନ୍ତି ।

ବୈଭବ ମ୍ୟାଚ୍ ସମୟରେ ଦ୍ୱିତୀୟ ଓଭରର ଦ୍ୱିତୀୟ ବଲରେ ଚୌକା ମାରି ଏହି ସଫଳତା ହାସଲ କରିଥିଲେ । ମାତ୍ର ୨୨୨ ବଲରେ ୫୦୦ ରନ ହାସଲ କରି ସେ ଅଷ୍ଟ୍ରେଲିୟ କିମ୍ବଦନ୍ତୀ ଗ୍ଲେନ୍ ମ୍ୟାକ୍ସୱେଲଙ୍କୁ ପଛରେ ପକାଇ ଦେଇଥିଲେ । ଯିଏ IPL ରେ ୨୬୦ ବଲ୍‌ ଖେଳି ୫୦୦ ରନ ପୂରଣ କରିଥିଲେ । ସେହିପରି ପ୍ରିୟାଂଶ ଆର୍ଯ୍ୟ ଏହି ସଫଳତା ପାଇବା ପାଇଁ ୨୭୮ ବଲ୍ ସାମ୍ନା କରିଥିଲେ ଏବଂ ବୀରେନ୍ଦ୍ର ସେହୱାଗ ୨୮୦ ବଲ୍ ସାମ୍ନା କରିଥିଲେ ।

ବୈଭବ ମଧ୍ୟ IPLରେ ୫୦୦ ରନ କରିଥିବା ସବୁଠାରୁ କମ୍‌ ବୟସର ଖେଳାଳି ହୋଇଛନ୍ତି । ସେ ୧୫ ବର୍ଷ ୨୬ ଦିନ ବୟସରେ ଏହି ସଫଳତା ହାସଲ କରିଥିଲେ । ପୃଥ୍ୱୀ ଶ' ୧୯ ବର୍ଷ ୧୬୪ ଦିନ ବୟସରେ ୫୦୦ IPL ରନ ପୂରଣ କରିଥିଲେ। ସଞ୍ଜୁ ସାମସନ ୧୯ ବର୍ଷ ୧୯୫ ଦିନ ବୟସରେ ଏହି ସଫଳତା ହାସଲ କରିଥିଲେ ।