ରାଜସ୍ଥାନ ରୟାଲ୍ସ (RR)ର ଯୁବ ବ୍ୟାଟ୍ସମ୍ୟାନ୍ ବୈଭବ ସୂର୍ଯ୍ୟବଂଶୀ IPL ୨୦୨୬ରେ ଚମତ୍କାର ପ୍ରଦର୍ଶନ କରୁଛନ୍ତି । ଶନିବାର ଜୟପୁରର ସୱାଇ ମାନସିଂହ ଷ୍ଟାଡିୟମରେ ଗୁଜରାଟ ଟାଇଟନ୍ସ ଓ ରାଜସ୍ଥାନ ରୟାଲ୍ସ ମୁହାଁମୁହିଁ ହୋଇଥିଲେ । ଏହି ମ୍ୟାଚ୍‌ରେ ବୈଭବ ସୂର୍ଯ୍ୟବଂଶୀ ମାତ୍ର ୧୬ ବଲ୍‌ରେ ୩୬ ରନ୍‌ କରିଥିଲେ । ଯେଉଁଥିରେ ତିନୋଟି ଛକା ଓ ତିନୋଟି ଚୌକା ସାମିଲ ଥିଲା । ଏହି ବିସ୍ଫୋରକ ଇନିଂସରେ ବୈଭବ ବଡ଼ ରେକର୍ଡ ନିଜ ନାମରେ କରିଛନ୍ତି ।

ବୈଭବ ସୂର୍ଯ୍ୟବଂଶୀ ଟି-୨୦ କ୍ରିକେଟରେ ୧୦୦ ଛକା ମାରିବାରେ ସବୁଠାରୁ ଦ୍ରୁତ ଏବଂ ସର୍ବକନିଷ୍ଠ ବ୍ୟାଟ୍ସମ୍ୟାନ୍ ହୋଇଛନ୍ତି । ସେ ମାତ୍ର ୨୯ ଟି-୨୦ ଇନିଂସରେ ଏହି ଐତିହାସିକ ସଫଳତା ହାସଲ କରିଛନ୍ତି । ବୈଭବ କେବଳ ଇନିଂସ ଦୃଷ୍ଟିରୁ ନୁହେଁ ବରଂ ବଲ୍ ଦୃଷ୍ଟିରୁ ମଧ୍ୟ ରେକର୍ଡ ଭାଙ୍ଗିଥିଲେ । ସେ ମାତ୍ର ୫୧୪ ବଲ୍‌ରେ ତାଙ୍କର ୧୦୦ତମ ଟି-୨୦ ଛକା ପୂରଣ କରିଥିଲେ । ପୂର୍ବରୁ କୌଣସି ବ୍ୟାଟ୍ସମ୍ୟାନ୍ ଏତେ କମ୍ ବଲ୍‌ରେ ଏହି ସଫଳତା ପାଇ ପାରିନାହାନ୍ତି ।

ବାସ୍ତବରେ, ବୈଭବ ସୂର୍ଯ୍ୟବଂଶୀ ଏବେ IPL ସିଜିନ୍ ସମୟରେ ପାୱାରପ୍ଲେରେ ସର୍ବାଧିକ ଛକା ମାରିଥିବା ବ୍ୟାଟ୍ସମ୍ୟାନ୍ ହୋଇଛନ୍ତି । ବୈଭବ ଏହି ସିଜିନରେ ପାୱାର ପ୍ଲେ'ରେ ମୋଟ ୩୦ଟି ଛକା ମାରିଛନ୍ତି । ସେ ଏବେ ଅଭିଷେକ ଶର୍ମାଙ୍କୁ ପଛରେ ପକାଇ ଦେଇଛନ୍ତି, ଯିଏ ୨୦୨୪ ସିଜିନରେ ପାୱାର ପ୍ଲେରେ ୨୯ଟି ଛକା ମାରିଥିଲେ । ମୋଟାମୋଟି ଭାବରେ ବୈଭବ ଚଳିତ IPL ସିଜିନରେ ୪୦ଟି ଛକା ମାରିଛନ୍ତି ।

ଏକ ଆଇପିଏଲ୍ ସିଜିନ୍‌ରେ ପାୱାର ପ୍ଲେରେ ସର୍ବାଧିକ ଛକା

୩୦ * - ବୈଭବ ସୂର୍ଯ୍ୟବଂଶୀ (୨୦୨୬)
୨୯ - ଅଭିଷେକ ଶର୍ମା (୨୦୨୪)
୨୭* - ଅଭିଷେକ ଶର୍ମା (୨୦୨୬)
୨୨ - ସନାଥ ଜୟସୁରିଆ (୨୦୦୮)
୨୨- ଟ୍ରାଭିସ୍ ହେଡ୍ (୨୦୨୪)
୨୨ -ଯଶସ୍ବୀ ଜୟସ୍ବାଲ (୨୦୨୫)

ଏକ ଆଇପିଏଲ୍ ସିଜିନ୍‌ରେ ସର୍ବାଧିକ ଛକା ମାରିଥିବା ଭାରତୀୟ ବ୍ୟାଟ୍ସମ୍ୟାନ୍‌

୪୨ - ଅଭିଷେକ ଶର୍ମା (୨୦୨୪)
୪୦ * - ବୈଭବ ସୂର୍ଯ୍ୟବଂଶୀ (୨୦୨୬)
୩୯ - ଶ୍ରେୟସ୍ ଆୟର୍ (୨୦୨୫)
୩୮ - ବିରାଟ କୋହଲି (୨୦୧୬)
୩୮ - ବିରାଟ କୋହଲି (୨୦୨୪)
୩୮ - ସୂର୍ଯ୍ୟକୁମାର ଯାଦବ (୨୦୨୫)
୩୭ - ଋଷଭ ପନ୍ତ (୨୦୧୮)

ତେବେ ଚଳିତ ସିଜିନ୍‌ରେ ବୈଭବ ସୂର୍ଯ୍ୟବଂଶୀଙ୍କ ବ୍ୟାଟିଂ କ୍ରିକେଟ ବିଶେଷଜ୍ଞ ଏବଂ ପ୍ରଶଂସକଙ୍କୁ ପ୍ରଭାବିତ କରିଛି । ଏତେ କମ୍ ବୟସରେ ଶ୍ରେଷ୍ଠ ବୋଲରଙ୍କ ବିରୁଦ୍ଧରେ ତାଙ୍କର ନିର୍ଭୀକ ବ୍ୟାଟିଂ ଦେଖି, ଅନେକ ତାଙ୍କୁ ଭାରତୀୟ କ୍ରିକେଟର ପରବର୍ତ୍ତୀ ବଡ଼ ସୁପରଷ୍ଟାର ମାନିବା ଆରମ୍ଭ କରିଛନ୍ତି ।