ଶୁକ୍ରବାର ଭାରତ-ଇଂଲଣ୍ଡ ମଧ୍ୟ ଅଣ୍ଡର-୧୯ ବିଶ୍ବକପ୍‌ ଫାଇନାଲ ମ୍ୟାଚ୍‌ ଖେଳାଯାଉଛି । ଜିମ୍ବାଓ୍ବେର ହରାରେ ସ୍ପୋର୍ଟସ କ୍ଲବରେ ଏହି ମ୍ୟାଚ୍‌ ଖେଳାଯାଉଛି । ଏହି ଫାଇନାଲ ମ୍ୟାଚ୍‌ରେ ଟିମ୍ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ୍‌ ବୈଭବ ସୂର୍ଯ୍ୟବଂଶୀ ୫୫ ବଲ୍‌ରେ ଶତକ ମାରି ଇତିହାସ ସୃଷ୍ଟି ରଚିଛନ୍ତି । ଏହା ୧୯ ବର୍ଷରୁ କମ୍ ବିଶ୍ୱକପ୍ ଇତିହାସରେ ଦ୍ୱିତୀୟ ଦ୍ରୁତତମ ଶତକ । ବୈଭବ ସୂର୍ଯ୍ୟବଂଶୀ ବିଶ୍ବକପ୍‌ ଫାଇନାଲରେ ୮୦ ବଲ୍‌ରେ ୧୭୫ ରନ୍‌ର ବିସ୍ପୋରକ ଇନିଂସ ଖେଳିଛନ୍ତି । ଏଥିରେ ୧୫ ଚୌକା ଓ ୧୫ ଛକା ସାମିଲ ଅଛି ।

ଏହା ସହିତ ବୈଭବ ସୂର୍ଯ୍ୟବଂଶୀ ୧୯ ବର୍ଷରୁ କମ୍ ବିଶ୍ୱକପ୍ ସିଜିନରେ ସର୍ବାଧିକ ଛକା ମାରିଥିବା ବ୍ୟାଟ୍ସମ୍ୟାନ୍ ହୋଇଛନ୍ତି। ଏହା କରି, ବୈଭବ ଡେୱାଲ୍ଡ ବ୍ରେଭିସ୍‌ଙ୍କ ରେକର୍ଡ ଭାଙ୍ଗିଛନ୍ତି । ଡେୱାଲ୍ଡ ବ୍ରେଭିସ୍ ୨୦୨୨ ଅଣ୍ଡର-୧୯ ବିଶ୍ୱକପରେ ୧୮ ଛକା ମାରିଥିଲେ । କିନ୍ତୁ ବୈଭବ ସୂର୍ଯ୍ୟବଂଶୀ ଏବେ ଏହି ରେକର୍ଡ ଭାଙ୍ଗିଛନ୍ତି । ଏହା ବ୍ୟତୀତ ବୈଭବ ୧୯ ବର୍ଷରୁ କମ୍ ଏକଦିବସୀ କ୍ରିକେଟରେ ସର୍ବାଧିକ ରନ ସ୍କୋରର ଭାବରେ ବାବର ଆଜମଙ୍କୁ ପଛରେ ପକାଇ ଦେଇଛନ୍ତି । ବାବର ୧୯ ବର୍ଷରୁ କମ୍ ଏକଦିବସୀୟ କ୍ରିକେଟରେ ୧୨୭୧ ରନ କରିଥିଲେ ।

୧୯ ବର୍ଷରୁ କମ୍ ବିଶ୍ୱକପ୍‌ର ଗୋଟିଏ ସିଜିନରେ ସର୍ବାଧିକ ଛକା

ବୈଭବ ସୂର୍ଯ୍ୟବଂଶୀ - ୨୩* (୨୦୨୬)
ଡେୱାଲ୍ଡ ବ୍ରେଭିସ୍ - ୧୮ (୨୦୨୨)
ଫିନ୍ ଆଲେନ୍ - ୧୮ (୨୦୧୮)

୧୯ ବର୍ଷରୁ କମ୍ ବିଶ୍ୱକପ୍‌ରେ ଦ୍ୱିତୀୟ ଦ୍ରୁତତମ ଶତକ

ଏହା ବ୍ୟତୀତ ବୈଭବ ୧୯ ବର୍ଷରୁ କମ୍ ବିଶ୍ୱକପ୍‌ର ଇତିହାସରେ ଦ୍ୱିତୀୟ ଦ୍ରୁତତମ ଶତକ । ଏହି କ୍ଷେତ୍ରରେ ପ୍ରଥମ ହେଉଛନ୍ତି ୱିଲ୍ ମାଲାକଜୁକ୍, ଯିଏ ୫୧ ବଲ୍‌ରେ ଶତକ ମାରିବାର ରେକର୍ଡ ରଖିଛନ୍ତି ।

ଯୁବ ଦିନିକିଆରେ ୧୦୦ ଛକା ମାରିଥିବା ପ୍ରଥମ ବ୍ୟାଟ୍ସମ୍ୟାନ୍‌

ବୈଭବ ସୂର୍ଯ୍ୟବଂଶୀ ଯୁବ ଦିନିକିଆରେ ୧୦୦ ଛକା ମଧ୍ୟ ପୂରଣ କରିଛନ୍ତି। ବୈଭବ ୧୯ ବର୍ଷରୁ କମ୍ ଦିନିକିଆ କ୍ରିକେଟରେ ୧୦୦ଟି ଛକା ମାରିବାରେ ବିଶ୍ୱର ପ୍ରଥମ ବ୍ୟାଟ୍ସମ୍ୟାନ୍ ମଧ୍ୟ ହୋଇଛନ୍ତି। ଦ୍ୱିତୀୟ ସ୍ଥାନରେ ବାଂଲାଦେଶର ଜାୱାଦ ଅବରାର ଅଛନ୍ତି, ଯାହାଙ୍କ ନାମରେ ୧୯ ବର୍ଷରୁ କମ୍ ଦିନିକିଆରେ ୫୫ଟି ଛକା ଅଛି ।