Argus News - ବୈଭବଙ୍କ ମାଡ଼ରେ ବୋଲର ଭୟଭୀତ, ବୁମରାହ-ହେଜେଲଉଡ୍‌-ଭୁବନେଶ୍ବର...ଟାର୍ଗେଟ୍‌ରେ ସମସ୍ତେ

ଆରମ୍ଭ ହୋଇସାରିଛି ଫଟାଫଟ୍‌ କ୍ରିକେଟ୍‌ର ମହାକୁମ୍ଭ ଆଇପିଏଲ । ଆଉ ଚଳିତ ଆଇପିଏଲରେ ୧୫ ବର୍ଷୀୟ ରାଜସ୍ଥାନ ରୟାଲ୍ସ (RR) ବ୍ୟାଟ୍ସମ୍ୟାନ୍ ବୈଭବ ସୂର୍ଯ୍ୟବଂଶୀ ତାଙ୍କର ନିର୍ଭୀକ ଏବଂ ଆକ୍ରମଣାତ୍ମକ ବ୍ୟାଟିଂ ଦ୍ୱାରା ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ଚଳିତ IPL ସିଜିନରେ ବୈଭବ ସମସ୍ତ ଚାରୋଟି ମ୍ୟାଚରେ ନିରନ୍ତର ଭାବେ ଧୁଆଁଧାର ବ୍ୟାଟିଂ କରି ନିଜର ଯୋଗ୍ୟତା ପ୍ରମାଣ କରିଛନ୍ତି ।

ବୈଭବ ସୂର୍ଯ୍ୟବଂଶୀଙ୍କ ସବୁଠାରୁ ବଡ଼ ଶକ୍ତି ହେଉଛି ସେ ପ୍ରଥମ ବଲରୁ ଆକ୍ରମଣାତ୍ମକ ବ୍ୟାଟିଂ କରି ବୋଲରଙ୍କୁ ବ୍ୟାକଫୁଟକୁ ନେବା । ପ୍ରଥମ ବଲ୍‌ରେ ବଡ଼ ସଟ୍‌ ଖେଳିବା ଦ୍ବାରା ପ୍ରତିପକ୍ଷ ଦଳ ଉପରେ ଚାପ ସୃଷ୍ଟି ହୋଇଥାଏ । ସେ ଜସପ୍ରୀତ ବୁମରାହ ହୁଅନ୍ତୁ କି ଭୁବନେଶ୍ବର କୁମାର କମ୍ବା ଜୋସ୍‌ ହେଜେଲଉଡ୍‌ । ସମସ୍ତଙ୍କ ବିପକ୍ଷରେ ସୂର୍ଯ୍ୟବଂଶୀ ପ୍ରଥମ ବଲ୍‌ରୁ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରିଛନ୍ତି ।

Just Vaibhav going BANG 🫡🔥pic.twitter.com/pmj2YDY7xu

— Rajasthan Royals (@rajasthanroyals) April 10, 2026

ଚେନ୍ନାଇ ସୁପର କିଙ୍ଗ୍ସ (CSK) ବିପକ୍ଷ ମ୍ୟାଚରେ ବୈଭବ ମ୍ୟାଟ୍ ହେନରୀଙ୍କ ପ୍ରଥମ ବଲରେ ଏକ ଛକା ମାରିଥିଲେ । ଯେତେବେଳେ ଗୁଜରାଟ ଟାଇଟାନ୍ସ (GT) ବିପକ୍ଷ ମ୍ୟାଚରେ ସେ ମହମ୍ମଦ ସିରାଜଙ୍କ ପ୍ରଥମ ବଲରେ ଏକ ଚୌକା ମାରି ତାଙ୍କର ଉଦ୍ଦେଶ୍ୟ ସ୍ପଷ୍ଟ କରିଥିଲେ ।

ସେହିପରି ମୁମ୍ବାଇ ଇଣ୍ଡିଆନ୍ସ (MI) ବିପକ୍ଷ ମ୍ୟାଚ୍‌ରେ ବୈଭବ ସୂର୍ଯ୍ୟବଂଶୀ ଜସପ୍ରିତ ବୁମରାହଙ୍କ ପ୍ରଥମ ବଲ୍‌ରେ ଛକା ମାରି ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲେ । ପରେ ସେ ଟ୍ରେଣ୍ଟ ବୋଲ୍ଟଙ୍କୁ ଛକା ମାରି ସ୍ୱାଗତ କରିଥିଲେ । ସେହିପରି ଶାର୍ଦ୍ଦୁଳ ଠାକୁରଙ୍କ ପ୍ରଥମ ବଲ୍‌ରେ ଏକ ଛକା ମାରି ନିଜର ପ୍ରତିଷ୍ଠା ବଜାୟ ରଖିଥିଲେ ବୈଭବ ସୂର୍ଯ୍ୟବଂଶୀ ।

ସେହିପରି ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର (RCB) ବିପକ୍ଷ ମ୍ୟାଚ୍‌ରେ ସେ ଭୁବନେଶ୍ୱର କୁମାରଙ୍କ ପ୍ରଥମ ବଲ୍‌ରେ ଚୌକା ମାରିଥିଲେ । ତା’ପରେ ସେ ଅଷ୍ଟ୍ରେଲିୟ ଦ୍ରୁତ ବୋଲର ଜୋଶ୍ ହେଜେଲଉଡ୍‌ଙ୍କୁ ଚୌକା ଏବଂ ଛକା ମାରି ତାଙ୍କ ଆଭିମୁଖ୍ୟ ସ୍ପଷ୍ଟ କରିଥିଲେ ।

ଗତ ସିଜିନରେ ତାଙ୍କର IPL ଡେବ୍ୟୁରେ ବୈଭବ ସୂର୍ଯ୍ୟବଂଶୀ ପ୍ରଥମ ବଲ୍‌ରେ ଛକା ମାରି ଆଇପିଏଲ କ୍ୟାରିୟର ଆରମ୍ଭ କରିଥିଲେ । ସେ ଶାର୍ଦ୍ଦୁଳ ଠାକୁରଙ୍କ ବଲରେ ଛକା ସହ ଆରମ୍ଭ କରିଥିଲେ ।