ଜୁନ୍‌ ୨୬ ତାରିଖରୁ ଆର୍ୟାଲାଣ୍ଡ ବିପକ୍ଷରେ ୨ ମ୍ୟାଚ୍‌ ବିଶିଷ୍ଟ ଟି-୨୦ ସିରିଜ୍‌ ଖେଳିବ ଟିମ୍ ଇଣ୍ଡିଆ । ଏଥିପାଇଁ ପୂର୍ବରୁ ଦଳ ଘୋଷଣା ସରିଛି । କିନ୍ତୁ ରବିବାର ଆର୍ୟାଲାଣ୍ଡ ଗସ୍ତ ପାଇଁ ଘୋଷଣା ହୋଇଥିବା ଦଳରେ ଏକ ବଡ଼ ପରିବର୍ତ୍ତନ ହୋଇଛି । ବିସିସିଆଇ ଆନୁଷ୍ଠାନିକ ଭାବରେ ଘୋଷଣା କରିଛି ଯେ ସ୍ପିନର ବରୁଣ ଚକ୍ରବର୍ତ୍ତୀ ଆର୍ୟାଲ୍ୟାଣ୍ଡ ଗସ୍ତରୁ ବାଦ ପଡ଼ିଛନ୍ତି । ସେ ସେଣ୍ଟର ଅଫ୍ ଏକ୍ସଲେନ୍ସରେ ତାଙ୍କ ପୁନର୍ବାସର ଶେଷ ପର୍ଯ୍ୟାୟ ଦେଇ ଗତି କରୁଛନ୍ତି ।

ବରୁଣ ଚକ୍ରବର୍ତ୍ତୀ ବର୍ତ୍ତମାନ ତାଙ୍କ ବାମ ଆଙ୍ଗୁଠିରେ ହେୟାରଲାଇନ୍ ଫ୍ରାକ୍ଚରରୁ ସୁସ୍ଥ ହେବା ପରେ ପୁନର୍ବାସ ପାଇଁ ସେଣ୍ଟର ଅଫ୍ ଏକ୍ସଲେନ୍ସରେ ଅଛନ୍ତି ବୋଲି ବିସିସିଆଇ କହିଛି । ଆଇପିଏଲ ସମୟରେ ବରୁଣଙ୍କ ହାତରେ ଏହି ଆଘାତ ଲାଗିଥିଲା । ଏହି କାରଣରୁ ସେ ଆର୍ୟାଲାଣ୍ଡ ବିପକ୍ଷ ଟି-୨୦ ସିରିଜରୁ ବାଦ୍ ପଡ଼ିଛନ୍ତି ।

ଅଧିନାୟକ ଭାବରେ ଶ୍ରେୟସ ଆୟରଙ୍କ ପ୍ରଥମ ଗସ୍ତ

ସୂର୍ଯ୍ୟକୁମାର ଯାଦବ ଭାରତକୁ ଟି-୨୦ ଅଧିନାୟକ ଭାବରେ ଭାରତକୁ ବିଶ୍ବକପ୍‌ ଟ୍ରଫି ଦେଇଥିଲେ । କିନ୍ତୁ ଏବେ ସୂର୍ଯ୍ୟକୁମାରଙ୍କ ସ୍ଥାନରେ ବିସିସିଆଇ ଆୟରଙ୍କୁ ଅଧିନାୟକତ୍ବ ଦାୟିତ୍ବ ଦେଇଛି । ଆୟରଙ୍କ ସାମ୍ନାରେ ଏକ ଚ୍ୟାଲେଞ୍ଜ ହେଉଛି ବୈଭବ ସୂର୍ଯ୍ୟବଂଶୀଙ୍କୁ ଦଳରେ କାହା ସ୍ଥାନରେ ସୁଯୋଗ ଦେବେ । କାହିଁକି ନା ଭାରତ ପାଖରେ ପୂର୍ବରୁ ସଞ୍ଜୁ ସାମସନ, ଅଭିଷେକ ଶର୍ମା ଏବଂ ଇଶାନ କିଶାନଙ୍କ ଭଳି ଅନେକ ଓପନିଂ ବିକଳ୍ପ ଅଛି, ଯେଉଁମାନେ ପୂର୍ବରୁ ଭଲ ପ୍ରଦର୍ଶନ କରିଛନ୍ତି । ତେଣୁ ଆର୍ୟାଲାଣ୍ଡ ଗସ୍ତ ଟିମ୍ ଇଣ୍ଡିଆ ବେଶ୍‌ ଗୁରୁତ୍ବପୂର୍ଣ୍ଣ ଅଟେ ।

ଆର୍ୟାଲାଣ୍ଡ ଗସ୍ତ ପାଇଁ ଭାରତୀୟ ଟି-୨୦ ଦଳ

ଶ୍ରେୟସ ଆୟର (ଅଧିନାୟକ), ଅଭିଷେକ ଶର୍ମା, ସଞ୍ଜୁ ସାମସନ (ଓ୍ବିକେଟକିପର), ଇଶାନ କିଶାନ (ଓ୍ବିକେଟକିପର), ଶିବମ ଦୁବେ, ତିଲକ ବର୍ମା (ଉପ-ଅଧିନାୟକ), ନୀତିଶ କୁମାର ରେଡ୍ଡୀ, ଅକ୍ଷର ପଟେଲ, ୱାଶିଂଟନ ସୁନ୍ଦର, ରବି ବିଷ୍ଣୋଇ, ହର୍ଷିତ ରାଣା, ଅର୍ଶଦୀପ ସିଂହ, ପ୍ରିନ୍ସ ଯାଦବ, ବୈଭବ ସୂର୍ଯ୍ୟବଂଶୀ, ପ୍ରସିଦ୍ଧ କ୍ରିଷ୍ଣା