ବିଜୟ ହଜାରେ ଟ୍ରଫିରେ ଓଡ଼ିଶାର କ୍ରମାଗତ ଦ୍ବିତୀୟ ପରାଜୟ । ହରିୟାଣା ୪ ଓ୍ବିକେଟରେ ପରାଜୟ ପରେ ଏବେ ଓଡ଼ିଶାକୁ ହରାଇଲା ଗୁଜରାଟ । ମଙ୍ଗଳବାର ବେଙ୍ଗାଲୁରୁରେ ମୁହାଁମୁହିଁ ହୋଇଥିଲେ ଓଡ଼ିଶା-ଗୁଜରାଟ । ଏହି ମ୍ୟାଚ୍‌ରେ ପ୍ରଥମେ ଟସ୍‌ ଜିତି ବୋଲିଂ ନିଷ୍ପତ୍ତି ନେଇଥିଲା ଓଡ଼ିଶା ।

ଅଧିକ ପଢ଼ନ୍ତୁ: ନ୍ୟୁଜିଲାଣ୍ଡ ସିରିଜ ପୂର୍ବରୁ ଆସିଲା ବଡ଼ ଖବର: ବିରାଟ କୋହଲି ଆଉ ଖେଳିବେନି ଏହି ମ୍ୟାଚ

ପ୍ରଥମେ ବ୍ୟାଟିଂ କରି ଗୁଜରାଟର ଦୁଇ ଓପନର ଦମଦାର ଆରମ୍ଭ କରିଥିଲେ । ଯାହାଫଳରେ ଗୁଜରାଟ ନିର୍ଦ୍ଧାରିତ ୫୦ ଓଭରରେ ୬ ଓ୍ବିକେଟ୍‌ ହରାଇ ୩୩୩ ରନ୍‌ର ବିଶାଳ ସ୍କୋର କରିଥିଲା । ଗୁଜରାଟ ପକ୍ଷରୁ ଅକ୍ସର ପଟେଲ ୬୦ ବଲ୍‌ରେ ସର୍ବାଧିକ ୭୩ ରନ୍‌ କରିଥିବା ବେଳେ ଉର୍ଭିଲ ପଟେଲ ଓ ଆହାନ ପୋଦ୍ଦାର ୬୪ ରନ୍ କରିଥିଲେ । ସେହିପରି ଓଡ଼ିଶା ପକ୍ଷରୁ ଅଧିନାୟକ ବିପ୍ଳବ ସାମନ୍ତରାୟ ସର୍ବାଧିକ ଦୁଇ ଓ୍ବିକେଟ୍‌ ନେଇଥିଲେ ।

୩୩୪ ରନ୍‌ର ଟାର୍ଗେଟ୍‌ ନେଇ ପଡ଼ିଆକୁ ଓହ୍ଲାଇଥିବା ଓଡ଼ିଶା ଆରମ୍ଭରୁ ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା । ପ୍ରଥମ ୧୦ ଓଭରରେ ୪ ଓ୍ବିକେଟ୍‌ ହରାଇ ବ୍ୟାକଫୁଟ୍‌କୁ ଆସିଥିଲା ଓଡ଼ିଶା । ଗୁଜରାଟ ଅଧିନାୟକ ଚିନ୍ତନ ଗାଜାଙ୍କ ଆକ୍ରମଣାତ୍ମକ ବୋଲିଂ ଫଳରେ କୌଣସି ଓଡ଼ିଶା ବ୍ୟାଟ୍ସମ୍ୟାନ୍‌ ବଡ଼ ସ୍କୋର କରିପାରିନଥିଲେ । ଶେଷରେ ମାତ୍ର ୧୦୦ ରନ୍‌ରେ ହିଁ ଓଡ଼ିଶା ଅଲଆଉଟ୍‌ ହୋଇଥିଲା । ଓଡ଼ିଶା ପକ୍ଷରୁ ଅଧିନାୟକ ବିପ୍ଳବ ସାମନ୍ତରାୟ ସର୍ବାଧିକ ୨୨ ରନ୍‌ କରିଥିଲେ । ସେହିପରି ଗୁଜରାଟ ପକ୍ଷରୁ ଚିନ୍ତନ ଗାଜା ୬ଟି ଓ୍ବିକେଟ ଅକ୍ତିଆର କରିଥିଲେ ।