IPL ୨୦୨୬ ମଧ୍ୟରେ ଅବସର ଘୋଷଣା କରିଛନ୍ତି ପୂର୍ବତନ ଭାରତୀୟ ଅଲରାଉଣ୍ଡର ବିଜୟ ଶଙ୍କର । ବିଜୟ ଟିମ୍ ଇଣ୍ଡିଆ ପାଇଁ ବିଶ୍ୱକପ୍ ଖେଳିଛନ୍ତି ଏବଂ ବିଭିନ୍ନ IPL ଦଳରେ ପାଇଁ ଅନେକ ମ୍ୟାଚ୍‌ ଖେଳିଛନ୍ତି । ଏବେ, ସେ ସବୁଦିନ ପାଇଁ ବୃତ୍ତିଗତ କ୍ରିକେଟରୁ ବିଦାୟ ନେଇଛନ୍ତି । ବିଜୟ ଶଙ୍କର ସୋସିଆଲ ମିଡିଆରେ ଏକ ଭାବପ୍ରବଣ ପୋଷ୍ଟରେ ତାଙ୍କର ଅବସର ଘୋଷଣା କରିଛନ୍ତି। ସେ ପ୍ରତ୍ୟେକ ସୁଯୋଗ ପାଇଁ ତାଙ୍କର ସମସ୍ତ IPL ଦଳ ଏବଂ BCCIକୁ ଧନ୍ୟବାଦ ଜଣାଇଛନ୍ତି ।

ଇନଷ୍ଟାଗ୍ରାମରେ ଏକ ପୋଷ୍ଟରେ, ବିଜୟ ଶଙ୍କର ଘୋଷଣା କରିଛନ୍ତି ଯେ ସେ ଘରୋଇ କ୍ରିକେଟ ଏବଂ IPL ରୁ ଅବସର ନେଉଛନ୍ତି । ସେ ଆଉ ଘରୋଇ ଲିଗରେ ମଧ୍ୟ ଖେଳିବେ ନାହିଁ । ବିଜୟଙ୍କ ୧୪ ବର୍ଷର ବୃତ୍ତିଗତ କ୍ରିକେଟ କ୍ୟାରିୟର ଶେଷ ହୋଇଯାଇଛି ।

View this post on Instagram

A post shared by Vijay Shankar (@vijay_41)

ତାଙ୍କ ବିବୃତ୍ତିରେ, ବିଜୟ ଶଙ୍କର ଲେଖିଛନ୍ତି, "କ୍ରିକେଟ ହେଉଛି ମୋର ଜୀବନ । ମୁଁ ୧୦ ବର୍ଷ ବୟସରେ ଖେଳିବା ଆରମ୍ଭ କରିଥିଲି ଏବଂ ୨୫ ବର୍ଷ ପରେ ପ୍ରତ୍ୟେକ ସ୍ତରରେ ଖେଳିବାର ସୁଯୋଗ ପାଇଁ ମୁଁ କୃତଜ୍ଞ । ମୋ ଦେଶକୁ ପ୍ରତିନିଧିତ୍ୱ କରିବା ମୋ ପାଇଁ ସବୁଠାରୁ ବିଶେଷ ମୁହୂର୍ତ୍ତ ଥିଲା । ମୁଁ ନୂତନ ସୁଯୋଗର ଲାଭ ଉଠାଇବା ପାଇଁ ଘରୋଇ କ୍ରିକେଟ ଏବଂ IPL ରୁ ଅବସର ନେବାକୁ ନିଷ୍ପତ୍ତି ନେଇଛି । ସମସ୍ତଙ୍କୁ ଧନ୍ୟବାଦ ।"

ଅଧିକ ପଢ଼ନ୍ତୁ: କେବଳ ୫୮ ରନ୍‌ ଆଉ… IPLରେ କିଙ୍ଗ୍‌ କୋହଲି କରିଦେବେ ବଡ଼ କାରନାମା

ବିଜୟ ଶଙ୍କରଙ୍କୁ IPL ୨୦୨୫ ପରେ CSK ରିଲିଜ୍‌ କରିଥିଲା । ସେ IPL ୨୦୨୬ ମିନି ନିଲାମରେ ତାଙ୍କ ନାମ ଦେଇଥିଲେ କିନ୍ତୁ କୌଣସି ଫ୍ରାଞ୍ଚାଇଜ୍‌ ତାଙ୍କୁ କିଣିନଥିଲେ । ବିଜୟ ଶଙ୍କର ୨୦୧୪ରେ ତାଙ୍କର IPL ଡେବ୍ୟୁ କରିଥିଲେ । ସେ ଚେନ୍ନାଇ ସୁପର କିଙ୍ଗ୍ସ, ଦିଲ୍ଲୀ କ୍ୟାପିଟାଲ୍ସ, ସନ୍‌ ରାଇଜର୍ସ ହାଇଦ୍ରାବାଦ ଓ ଗୁଜରାଟ ଟାଇଟନ୍ସ ପାଇଁ ଆଇପିଏଲରେ ଖେଳିଛନ୍ତି । ସେ ଆଇପିଏଲରେ ୭୮ ମ୍ୟାଚ୍‌ ଖେଳି ୧୨୩୩ ରନ୍‌ କରିଛନ୍ତି ।

ବିଜୟ ଶଙ୍କର ୨୦୧୯ ODI ବିଶ୍ୱକପରେ ଟିମ୍ ଇଣ୍ଡିଆର ଅଂଶ ଥିଲେ । ସେ ଭାରତ ପାଇଁ ମୋଟ ୨୧ ମ୍ୟାଚ୍ ଖେଳିଛନ୍ତି। ୧୨ ODI ରେ ବିଜୟ ୨୨୩ ରନ୍ ସହ ୪ ଓ୍ବିକେଟ ନେଇଛନ୍ତି । ଯେତେବେଳେ କି ୯ଟି T20 ଆନ୍ତର୍ଜାତୀୟ ମ୍ୟାଚରେ ସେ ୧୦୧ ରନ୍‌ କରି ୫ ଓ୍ବିକେଟ୍‌ ନେଇଛନ୍ତି ।