ବିଜୟ ହଜାରେ ଟ୍ରଫିରେ ଚମକିଛନ୍ତି ବିରାଟ କୋହଲି । ବହୁ ପ୍ରତୀକ୍ଷାର ଅନ୍ତ ଘଟାଇ ବିରାଟ କୋହଲି ଖେଳିଛନ୍ତି ଶତକୀୟ ପାଳି । ବୁଧବାର କ୍ରିକେଟର ଏହି ତାରକା ନିଜ ଦଳ ପାଇଁ ଶତକ ମାରିଛନ୍ତି । ହ୍ଵାଇଟ୍ ବଲ୍ କ୍ରିକେଟ୍‌ରେ ବିରାଟ ଆଜି ବି ଆଗରେ ଅଛନ୍ତି ବୋଲି ପ୍ରମାଣିତ କରିଛନ୍ତି । ସେପଟେ କିନ୍ତୁ ରନ୍ ମେସିନ ବିରାଟଙ୍କୁ ଦେଖିବାକୁ ଫ୍ୟାନ୍ସଙ୍କ ମଧ୍ୟରେ ଭିଡ ଦେଖିବାକୁ ମିଳିଥିଲା। ସାରା ବିଶ୍ୱରେ ତାଙ୍କର ଅଗଣିତ ଫ୍ୟାନ୍ସ । ବିରାଟଙ୍କ ଏକ ଝଲକ ପାଇବାକୁ କୌଣସି ସୁଯୋଗ ହତଛଡା କରନ୍ତି ନାହିଁ ପ୍ରଶଂସକ ।

କୋହଲିଙ୍କ ବ୍ୟାଟିଂ ଦେଖିବା ପାଇଁ ଛାଡିଦିଅନ୍ତି ସବୁ କାମ । ବିଜୟ ହଜାରେ ଟ୍ରଫିର ଟୁର୍ଣ୍ଣାମେଣ୍ଟରେ ଫ୍ୟାନ୍ସ ବିରାଟଙ୍କ ବ୍ୟାଟିଂ ଦେଖିବାକୁ ନିଆରା ଉପାୟ ଅବଲମ୍ବନ କରିଛନ୍ତି । ସେମାନେ ଗଛରେ ଚଢି ବିରାଟଙ୍କ ଝଲକ ପାଇଛନ୍ତି । ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।ବିରାଟ ମଧ୍ୟ ଫ୍ୟାନଙ୍କୁ ନିରାଶ କରିନଥିଲେ । ସେ ଦମଦାର ବ୍ୟାଟିଂ କରି ଶତକ ହାସଲ କରିଥିଲେ । କିନ୍ତୁ ଏଥର ଶତକ ଥିଲା ଖୁବ୍ ନିଆରା । କାରଣ ଦୀର୍ଘ ୧୭ ବର୍ଷ ପରେ ସେ ବିଜୟ ହଜାରେ ଟ୍ରଫିରେ ନଜର ଆସିଛନ୍ତି । ହେଲେ ଏଥର ସେ କ୍ରିଜକୁ ଯିବା ବେଳେ ବିରାଟ ବିରାଟ ନାରା ଶୁଣିବାକୁ ମିଳିନଥିଲା । ସେ ସଟ୍ ଖେଳିଲେ ବି ଗ୍ୟାଲେରୀରେ ତାଳିମାଡ ହେଉନଥିଲା ।

ଏଥିସହ ପଢ଼ନ୍ତୁ: କାହିଁକି ଏହି ଦେଶରେ ଜାନୁଆରୀ ୭ରେ ହୁଏ ଖ୍ରୀଷ୍ଟମାସ ?

ଚାଲିଛି ବିଜୟ ହଜାରେ ଟ୍ରଫି । ବୁଧବାର ଦିଲ୍ଲୀ ଆନ୍ଧ୍ର ବିପକ୍ଷରେ କର୍ଣ୍ଣାଟକରେ ମୁକାବିଲା ଖେଳିଥିଲା । ମ୍ୟାଚର ଆକର୍ଷଣ ଥିଲେ ବିରାଟ କୋହଲି । ତେବେ ଆଇପିଏଲ ବିଜୟ ଶୋଭାଯାତ୍ରାରେ ଘଟିଥିବା ଦଳାଚକଟା କାରଣରୁ ଷ୍ଟାଡିୟମକୁ ଦର୍ଶକଙ୍କ ପ୍ରବେଶ ଉପରେ ରୋକ୍ ଲାଗିଥିଲା । ଯାହା ଦର୍ଶକଙ୍କୁ ନିରାଶ କରିଥିଲା । ହେଲେ କିଛି ଦର୍ଶକ ଷ୍ଟାଡିୟମ ପାଖରେ ଥିବା ଗଛରେ ଚଢି ବିରାଟହଙ୍କ ବ୍ୟାଟିଂ ଦେଖିଥିଲେ । ଯାହାର ଫଟୋ ଭାଇରାଲ ହେଉଛି । ଏପରିକି ଗଛରେ ପକ୍ଷୀ ବସିବାକୁ ମଧ୍ୟ ଜାଗା ନଥିଲା ।ସୂଚନାଯୋଗ୍ୟ, ବିସିସିଆଇର ନିର୍ଦ୍ଦେଶ କାରଣରୁ ରୋହିତ ଶର୍ମା ଏବଂ ବିରାଟଙ୍କ ଭଳି ବ୍ୟାଟର ଘରୋଇ ମୁକାବିଲା ଖେଳୁଛନ୍ତି । ସେମାନେ ୨୦୨୭ ଦିନିକିଆ ପାଇଁ ଏବେଠୁ ପ୍ରସ୍ତୁତ ହେଉଥିବା ଆଲୋଚନା ହେଉଛି ।

Unreal Craze for Kohli man 😭🔥

BCCI didn't allow fans inside the stadium so fans are climbing trees😭 pic.twitter.com/SFzhwDTuQR

— 𝐊𝐨𝐡𝐥𝐢𝐧𝐚𝐭!𝟎𝐧_👑🚩 (@bholination) December 24, 2025

ଅନ୍ୟପଟେ ରୋହିତ ଶର୍ମା ମଧ୍ୟ ଗତକାଲିର ମ୍ୟାଚରେ ଶତକ ହାସଲ କରିଛନ୍ତି। ଜୟପୁରରେ ରୋହିତ ଶର୍ମା ସିକ୍କିମ ବିପକ୍ଷରେ ୯୪ ବଲ୍‌ରେ ୧୫୫ ରନ୍‌ର ଧୁଆଁଦାର ପାଳି ଖେଳି ମୁମ୍ବାଇକୁ ୨୩୭ ରନ୍‌ର ଲକ୍ଷ୍ୟରେ ସହଜରେ ପହଞ୍ଚାଇଛନ୍ତି । ସେପଟେ ବେଙ୍ଗାଳୁରୁରେ ବିରାଟ କୋହଲି ଆନ୍ଧ୍ରପ୍ରଦେଶ ବିରୋଧରେ ୧୦୧ ବଲ୍‌ରେ ୧୩୧ ରନ୍ କରି ଦିଲ୍ଲୀକୁ ଭେଟି ଦେଇଛନ୍ତି ବିଜୟ । ଦୁଇ ବ୍ୟାଟ୍ସମ୍ୟାନଙ୍କ ବ୍ୟାଟିଂର ଏକତରଫା ବିଜୟ ହୋଇଛି । ଏଥିସହ କ୍ରିକେଟ୍ କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ଏକ ରେକର୍ଡକୁ ଅତିକ୍ରମ କରିଛନ୍ତି ବିରାଟ କୋହଲି । ପ୍ରଥମ ଶ୍ରେଣୀ କ୍ରିକେଟ୍‌ରେ ଦ୍ରୁତତମ ଭାବେ ୧୬ ହଜାର ରନ୍ କରି ତେନ୍ଦୁଲକଙ୍କୁ ପଛର ପକାଇଛନ୍ତି ବିରାଟ କୋହଲି । ୩୩୦ତମ ମ୍ୟାଚ୍‌ରେ ଆନ୍ଧ୍ରପ୍ରଦେଶ ବିପକ୍ଷରେ ବିରାଟଙ୍କୁ ଏହି ସଫଳତା ମିଳିଛି ।

ଅଧିକ ପଢ଼ନ୍ତୁ ଖେଳ ଖବର: