Cricket Latest Update / ଟିମ୍ ଇଣ୍ଡିଆ ପାଇଁ ଖୁସି ଖବର…କୋହଲିଙ୍କ ଫିଟନେସ୍ ଉପରେ ବଡ଼ ଅପଡେଟ୍…

ଶୁଭମନ ଗିଲଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଆଫଗାନିସ୍ତାନ ବିପକ୍ଷରେ ଏକ ଦିନିକିଆ ସିରିଜ୍ ଖେଳୁଛି। ଟିମ୍ ଇଣ୍ଡିଆର ଅଭିଜ୍ଞ ଖେଳାଳି ବିରାଟ କୋହଲି ଏହି ସିରିଜ୍ ଖେଳୁନାହାଁନ୍ତି। ଆଘାତ ଯୋଗୁଁ ସେ ସମ୍ପୂର୍ଣ୍ଣ ସିରିଜ୍ ରୁ ବାଦ ପଡ଼ିଥିଲେ। ଏହି ସମୟରେ, ତାଙ୍କ ଆଘାତ ଏବଂ ଟିମ୍ ଇଣ୍ଡିଆକୁ ଫେରିବା ସମ୍ପର୍କରେ ଏକ ବଡ଼ ଅପଡେଟ୍ ସାମ୍ନାକୁ ଆସୁଛି। ଟାଇମ୍ସ ଅଫ୍ ଇଣ୍ଡିଆରୁ ମିଳିଥିବା ସୂଚନା ଅନୁଯାୟୀ, ବିରାଟ କୋହଲି ଦ୍ରୁତ ଗତିରେ ସୁସ୍ଥ ହେଉଛନ୍ତି ଏବଂ ଇଂଲଣ୍ଡରେ ହେବାକୁ ଥିବା ଏକ ଦିନିକିଆ ସିରିଜ୍ ପାଇଁ ଟିମ୍ ଇଣ୍ଡିଆକୁ ଫେରିପାରନ୍ତି।

ଏହାସହ ପଢ଼ନ୍ତୁ: ହର୍ଷିତ ରାଣାଙ୍କ ହଠାତ୍ ଏଣ୍ଟ୍ରି…BCCIର ନିଷ୍ପତ୍ତିକୁ ନେଇ ଉଠିଲା ବଡ଼ ପ୍ରଶ୍ନ?

• ଆଇପିଏଲ ଫାଇନାଲରେ ଆହତ

ଆର୍ସିବି ପାଇଁ ଖେଳୁଥିବା ସମୟରେ ଆଇପିଏଲ ଫାଇନାଲରେ ବିରାଟ କୋହଲି ଆହତ ହୋଇଥିଲେ। ସେ ଫାଇନାଲରେ ଦଳ ପାଇଁ ଏକ ଚମତ୍କାର ମ୍ୟାଚ୍ ବିଜୟୀ ଇନିଂସ ଖେଳିଥିଲେ। ଆଫଗାନିସ୍ତାନ ବିପକ୍ଷ ଦିନିକିଆ ସିରିଜ ପାଇଁ ତାଙ୍କୁ ଦଳରେ ସାମିଲ କରାଯାଇଥିଲା କିନ୍ତୁ ପରେ ଆଘାତ ଯୋଗୁଁ ତାଙ୍କୁ ବାଦ ଦିଆଯାଇଥିଲା। ଇଂଲଣ୍ଡ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ପାଇଁ ତାଙ୍କର ପ୍ରତ୍ୟାବର୍ତ୍ତନ ଟିମ୍ ଇଣ୍ଡିଆ ଏବଂ ପ୍ରଶଂସକମାନଙ୍କ ପାଇଁ ବହୁତ ଭଲ ଖବର।

ଏହାସହ ପଢ଼ନ୍ତୁ: ଆଉ କେତେ ବର୍ଷ IPL ଖେଳିବେ ବିରାଟ କୋହଲି ? RCB CEO ଦେଲେ ବଡ଼ ବୟାନ

• ଖୁବ୍‌ଶୀଘ୍ର ଭାରତର ODI ଦଳ ଘୋଷଣା କରାଯିବ

ଟାଇମ୍ସ ଅଫ୍ ଇଣ୍ଡିଆର ଏକ ରିପୋର୍ଟ ଅନୁଯାୟୀ, ଇଂଲଣ୍ଡ ଗସ୍ତରେ ODI ସିରିଜ ପାଇଁ ଟିମ୍ ଇଣ୍ଡିଆର ଦଳ ଆସନ୍ତା 3-4 ଦିନ ମଧ୍ୟରେ ଘୋଷଣା କରାଯିବ ବୋଲି ଆଶା କରାଯାଉଛି। BCCI ପକ୍ଷରୁ ଏହା ନିଶ୍ଚିତ କରାଯାଇଛି। ଶୁଭମନ ଗିଲ୍ ପୁଣି ଥରେ ଟିମ୍ ଇଣ୍ଡିଆର ନେତୃତ୍ୱ ନେବେ, ଏବଂ 2027 ODI ବିଶ୍ୱକପ୍ କୁ ବିଚାରକୁ ନେଲେ, ଏହି ସିରିଜ୍ ଆହୁରି ସ୍ୱତନ୍ତ୍ର ହେବ ବୋଲି ଲାଗୁଛି। କିନ୍ତୁ ଯାହା ହେଲେ ଦଳରେ ରୋ-କୋଙ୍କ ଯୋଡ଼ି ଦରକାର।