ବିରାଟ କୋହଲି । ଟିମ୍ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ୍ । ସେ ଟି-୨୦ ଅର୍ନ୍ତଜାତୀୟ ଓ ଟେଷ୍ଟ କ୍ରିକେଟରୁ ଅବସର ଘୋଷଣା କରିସାରିଛନ୍ତି । ସେ ଏବେ କେବଳ ଭାରତ ପାଇଁ ଦିନିକିଆ ଏବଂ ଆଇପିଏଲରେ ଖେଳୁଛନ୍ତି । IPL ୨୦୨୬ରେ ବିରାଟ କୋହଲି ଚମତ୍କାର ପ୍ରଦର୍ଶନ କରିଥିଲେ । RCB ପାଇଁ ଆଇପିଏଲର ୧୯ ତମ ସିଜିନ୍‌ରେ ୬୦୦ରୁ ଅଧିକ ରନ କରିଥିଲେ । ସେ ଦଳର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । କୋହଲି ୨୦୦୮ରୁ IPL ରେ ଖେଳିଆସୁଛନ୍ତି । ସେ ଆରମ୍ଭରୁ ହିଁ RCBରେ ରହିଛନ୍ତି । ଏବେ ପ୍ରଶ୍ନ ହେଉଛି ବିରାଟ କୋହଲି IPL ରେ କେତେ ସମୟ ଖେଳିବେ । ଏହି ପ୍ରଶ୍ନର ଉତ୍ତର RCB ର CEO ଦେଇଛନ୍ତି ।

କିଙ୍ଗ୍‌ କୋହଲି ଆଉ କେତେ ବର୍ଷ ଖେଳିବେ ?

RCB ର CEO ରାଜେଶ ମେନନ IPL ପାଇଁ ବିରାଟ କୋହଲିଙ୍କ ଉପଲବ୍ଧତା ବିଷୟରେ ଖୋଲାଖୋଲି ଆଲୋଚନା କରିଛନ୍ତି । ସେ ବିଶ୍ୱାସ କରନ୍ତି ଯେ କୋହଲି ଆଗାମୀ ଚାରି ବର୍ଷ ପର୍ଯ୍ୟନ୍ତ ଖେଳିବେ । ମେନନ କହିଛନ୍ତି ଯେ କୋହଲିଙ୍କ ଫିଟନେସ୍ ଉତ୍କୃଷ୍ଟ ଏବଂ ସେ ଆଗାମୀ ଚାରି ବର୍ଷ ପର୍ଯ୍ୟନ୍ତ ଖେଳିବେ । ସେ ଆହୁରି କହିଛନ୍ତି ଯେ ସେ କୋହଲିଙ୍କ ବିନା RCB କଳ୍ପନା କରିପାରିବେ ନାହିଁ । IPL ଅବସର ପରେ ମଧ୍ୟ ସେ ଦଳ ସହିତ ଜଡିତ ରହିପାରିବେ ।

ଅଧିକ ପଢ଼ନ୍ତୁ: IPL ୨୦୨୭ରେ ୭୪ ବଦଳରେ ହେବ କି ୯୪ ମ୍ୟାଚ୍ ? BCCI ଦେଲା ବଡ଼ ଅପଡେଟ୍‌

IPL ୨୦୨୬ର ୧୬ଟି ଇନିଂସରେ କିଙ୍ଗ୍‌ କୋହଲି ୫୬.୨୫ ହାରରେ ୬୭୫ ରନ୍‌ କରିଥିଲେ । ଆଇପିଏଲ ଇତିହାସରେ ବିରାଟ କୋହଲି ହେଉଛି ସର୍ବାଧିକ ରନ୍ ସ୍କୋରର । ସେ ୨୮୩ଟି ମ୍ୟାଚ୍‌ ଖେଳି ୯୩୩୬ ରନ୍ କରିଛନ୍ତି ।

ବର୍ତ୍ତମାନ, କୋହଲି ଭାରତ ପାଇଁ କେବଳ ODI ଖେଳୁଛନ୍ତି । ତାଙ୍କର ଧ୍ୟାନ ଆଗାମୀ ODI ବିଶ୍ୱକପ୍ ୨୦୨୭ ଉପରେ ଅଛି, ଏବଂ ସେ ଏଥିପାଇଁ କଠିନ ପରିଶ୍ରମ କରୁଛନ୍ତି । ଆଫଗାନିସ୍ତାନ ବିପକ୍ଷ ଦିନିକିଆରେ ମଧ୍ୟ ବିରାଟଙ୍କ ନାଁ ଥିଲା । କିନ୍ତୁ ଆହତ କାରଣରୁ ସେ ଏହି ସିରିଜ୍‌ରୁ ବାଦ୍ ପଡ଼ିଥିଲେ । ତେବେ କୋହଲି ଆଗାମୀ ଇଂଲଣ୍ଡ ବିପକ୍ଷରେ ହେବାକୁ ଥିବା ତିନି ମ୍ୟାଚ ବିଶିଷ୍ଟ ODI ସିରିଜ୍‌ ଖେଳିପାରନ୍ତି ।