ଜାରି ରହିଛି ଆଇପିଏଲ ୨୦୨୬ । IPL ରେ ପ୍ଲେ ଅଫ୍‌ ଯେତିକି ପାଖେଇ ଆସୁଛି, ରୋମାଞ୍ଚ ସେତିକି ବଢ଼ିବାରେ ଲାଗିଛି । ତେବେ ଏହାରି ମଧ୍ୟରେ ବିରାଟ କୋହଲିଙ୍କୁ ନେଇ ସାମ୍ନାକୁ ଆସିଛି ଏକ ବଡ଼ ଖବର ।

ଚଳିତ ଆଇପିଏଲରେ ଜବରଦସ୍ତ ଫର୍ମରେ ଅଛନ୍ତି ବିରାଟ କୋହଲି । ପଡ଼ିଆରେ କୋହଲିଙ୍କ ବ୍ୟାଟ ଗର୍ଜୁଥିବାବେଳେ ପଡ଼ିଆ ବାହାରେ ଏକ ଅଜବ ଘଟଣା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ ଏକ ଫଟୋ ଦେଖିବାକୁ ମିଳିଛି ଯେଉଁଥିରେ ଦେଖାଯାଉଛି ଯେ, ବିରାଟ କୋହଲି ଜଣେ ପର୍ଣ୍ଣ ଷ୍ଟାରଙ୍କ ସହ ନଜର ଆସୁଛନ୍ତି । ଏହି ଫଟୋରେ କୋହଲି ଜଣେ ଆମେରିକୀୟ ଆଡଲ୍ଟ ଫିଲ୍ମ ଷ୍ଟାର୍ କେନ୍ଦ୍ରା ଲଷ୍ଟଙ୍କ ସହ ଏକ କାଫେରେ ବସିଥିବା ଦେଖିବାକୁ ମିଳୁଛି । ତେବେ ଏହି ଫଟୋ ସାମ୍ନାକୁ ଆସିବା ପରେ କ୍ରିକେଟ୍ ପ୍ରେମୀଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । କିନ୍ତୁ ଏହି ଫଟୋର ଅସଲ କଥା କିଛି ଅଲଗା ।

ରିପୋର୍ଟ ଅନୁଯାୟୀ, କେନ୍ଦ୍ରା ଲଷ୍ଟ ନିଜେ ଏହି ଫଟୋକୁ ନିଜ ଇନଷ୍ଟାଗ୍ରାମ ଏବଂ ଏକ୍ସ ଆକାଉଣ୍ଟରେ ସେୟାର କରିଥିଲେ । ଫଟୋର କ୍ୟାପସନରେ ସେ 'ଲଣ୍ଡନ' ଏବଂ 'ଗୁଡ୍ କନଭରସେସନ' ବୋଲି ଲେଖିଥିଲେ । କେନ୍ଦ୍ରା ପ୍ରାୟତଃ କ୍ରିକେଟ୍ ସମ୍ପର୍କିତ ପୋଷ୍ଟ ସେୟାର କରି ଚର୍ଚ୍ଚାରେ ରହୁଥିବାରୁ ଏହି ଫଟୋଟି ଖୁବ୍ କମ୍ ସମୟ ମଧ୍ୟରେ ଇଣ୍ଟରନେଟରେ ଭାଇରାଲ ହୋଇଥିଲା ।

ଫଟୋଟି ଭାଇରାଲ ହେବା ପରେ ଏହାର ସତ୍ୟତାକୁ ନେଇ ଅନେକ ପ୍ରଶ୍ନ ଉଠିଛି । ତେବେ ରିସର୍ଚ୍ଚରୁ ଜଣାପଡ଼ିଛି ଯେ, ଏହି ଫଟୋଟି ସମ୍ପୂର୍ଣ୍ଣ ଭାବେ AI ଜେନେରେଟେଡ । ବିରାଟ କୋହଲି ଏବଂ କେନ୍ଦ୍ରା ଲଷ୍ଟଙ୍କ ମଧ୍ୟରେ କୌଣସି ପ୍ରକାର ସାକ୍ଷାତ ହୋଇନାହିଁ । କେନ୍ଦ୍ରା କେବଳ ମଜା କରିବା ପାଇଁ ଏକ AI ଟୁଲ୍ ସାହାଯ୍ୟରେ ଏହି ଫଟୋଟି ପ୍ରସ୍ତୁତ କରି ସେୟାର କରିଥିବା ସ୍ପଷ୍ଟ ହୋଇଛି ।

କୁହାଯାଉଛି କେନ୍ଦ୍ରା ହେଉଛନ୍ତି ବିରାଟଙ୍କ ବଡ଼ ଫ୍ୟାନ । ହେଲେ ଏମିତି ପୋଷ୍ଟ ପାଇଁ କୋହଲି ପୁଣି ବିବାଦରେ ଫସିପାରନ୍ତି । କାରଣ କିଛିଦିନ ତଳେ ବିରାଟଙ୍କୁ ଏମିତି ଏକ ଘଟଣା ବିବାଦ ଘେରକୁ ଟାଣି ନେଇଥିଲା ।

ଗୁଜବ ଏବଂ ବିବାଦ ସତ୍ତ୍ବେ ବିରାଟ କୋହଲିଙ୍କ ଧ୍ୟାନ କେବଳ ନିଜ ଖେଳ ଉପରେ ରହିଛି । ଚଳିତ ସିଜିନରେ ସେ ଦମଦାର ଫର୍ମରେ ଅଛନ୍ତି । ଏ ପର୍ଯ୍ୟନ୍ତ ଖେଳାଯାଇଥିବା ୧୦ଟି ମ୍ୟାଚରେ ସେ ୪୭.୩୮ ହାରରେ ଏବଂ ୧୬୪.୭ ଷ୍ଟ୍ରାଇକରେଟରେ ୩୭୯ ରନ ସଂଗ୍ରହ କରିଛନ୍ତି । ଏହି ସିଜିନରେ ତାଙ୍କ ବ୍ୟାଟରୁ ୩ଟି ଅର୍ଦ୍ଧଶତକ ଆସିଛି । ଯେଉଁଥିରେ ୮୧ ରନର ସର୍ବାଧିକ ସ୍କୋର ରହିଛି । ବିରାଟ କୋହଲି ଆଇପିଏଲ ଇତିହାସର ସବୁଠୁ ସଫଳ ବ୍ୟାଟ୍ସମ୍ୟାନ୍‌ । ସେ ଏପର୍ଯ୍ୟନ୍ତ ୨୭୮ଟି ମ୍ୟାଚ ଖେଳି ୩୯.୮୨ ହାରରେ ମୋଟ ୯୦୪୦ ରନ କରିଛନ୍ତି ।