ପୁଣି ଚର୍ଚ୍ଚାରେ ବିରାଟ କୋହଲି । ଏଥର ଖେଳ ପାଇଁ ନୁହେଁ ବରଂ ତାଙ୍କ ନାଚ ପାଇଁ ଏବେ ସେ ଚର୍ଚ୍ଚା । କୋହଲିଙ୍କ ଡ୍ୟାନ୍ସ ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେବାରେ ଲାଗିଛି । ବିରାଟ କୋହଲି ପୁଣି ଥରେ IPLରେ ତାଙ୍କର ପ୍ରସିଦ୍ଧ "ନାଗିନ ଡ୍ୟାନ୍ସ" ସହିତ ପ୍ରଶଂସକମାନଙ୍କୁ ମନୋରଞ୍ଜନ କରିଛନ୍ତି ।

ରବିବାର ଗୌହାଟୀରେ ମୁହାଁମୁହିଁ ହୋଇଥିଲେ ଆରସିବି ଓ ରାଜସ୍ଥାନ ରୟାଲ୍ସ । ଏହି ମ୍ୟାଚ୍‌ରେ ବାଙ୍ଗାଲୋରକୁ ୬ ଓ୍ବିକେଟରେ ପରାସ୍ତ କରିଛି ରାଜସ୍ଥାନ । ପ୍ରଥମେ ବ୍ୟାଟିଂ କରି RCB ୨୦ ୮ ଓ୍ବିକେଟ୍‌ ହରାଇ ୨୦୧ ରନ୍‌ କରିଥିଲା । କିନ୍ତୁ ଏହା ଯଥେଷ୍ଟ ନଥିଲା, କାରଣ ରାଜସ୍ଥାନ ଦୁଇ ଓଭର ବାକି ଥାଇ ଲକ୍ଷ୍ୟ ହାସଲ କରିଥିଲା ।

Virat Kohli funny nagin dance.😂 pic.twitter.com/FfMebuq5Vy

— 𝐑𝐮𝐬𝐡𝐢𝐢𝐢⁴⁵ (@rushiii_12) April 10, 2026

୧୫ ବର୍ଷୀୟ ବୈଭବ ସୂର୍ଯ୍ୟବଂଶୀ ୨୬ ବଲରୁ ୭୮ ରନ୍‌ କରି ମ୍ୟାଚ୍‌କୁ ବଦଳାଇ ଦେଇଥିଲେ । ସେହିପରି ଧ୍ରୁବ୍‌ ଜୁରେଲ ୪୩ ବଲରୁ ଅପରାଜିତ ୮୧ ରନ୍‌ କରିଥିଲେ । RCBର ପରାଜୟ ପରେ ଦଳର ଅଭ୍ୟାସ ସେସନର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଭିଡିଓଟି କେଉଁ ମ୍ୟାଚ୍ କିମ୍ବା ସ୍ଥାନର ତାହା ସ୍ପଷ୍ଟ ହୋଇନାହିଁ । ଏହି ଭିଡିଓରେ ବିରାଟ କୋହଲି ତାଙ୍କର ପ୍ରସିଦ୍ଧ "ନାଗିନ ଡ୍ୟାନ୍ସ" ପ୍ରଦର୍ଶନ କରୁଥିବାର ଦେଖାଯାଉଛି । ତାଙ୍କର ଏହି ନାଚ ଦେଖି RCB କୋଚିଂ ଷ୍ଟାଫ୍ ଏବଂ ଷ୍ଟାଡିୟମରେ ଉପସ୍ଥିତ ପ୍ରଶଂସକମାନେ ହସିଥିଲେ ।

ତେବେ ରାଜସ୍ଥାନ ବିପକ୍ଷ ମ୍ୟାଚ୍‌ ପରେ ସୂର୍ଯ୍ୟବଂଶୀଙ୍କ ପାଇଁ ଏକ ସ୍ୱତନ୍ତ୍ର ମୁହୂର୍ତ୍ତ ଆସିଥିଲା ​​ଯେତେବେଳେ ବିରାଟ କୋହଲି ତାଙ୍କର ରାଜସ୍ଥାନ ରୟାଲ୍ସ କ୍ୟାପ୍‌ରେ ଅଟୋଗ୍ରାଫ୍ ଦେଇଥିଲେ । ଏହି ସମୟରେ, RR ଅଧିନାୟକ ରିୟାନ ପରାଗ ମଧ୍ୟ ଯୁବ ଖେଳାଳିଙ୍କୁ ପ୍ରଶଂସା କରିଥିଲେ। ସେ କହିଥିଲେ, "ମୁଁ ଭାବୁଛି ସମସ୍ତେ ତାଙ୍କୁ ପସନ୍ଦ କରନ୍ତି। ସମସ୍ତେ ତାଙ୍କ ସହିତ ରହିବାକୁ ଉପଭୋଗ କରନ୍ତି । ସେ ଖାଇବାକୁ ଏବଂ ବାହାରକୁ ଯିବାକୁ ଭଲ ପାଆନ୍ତି, ତେଣୁ ଆମେ ତାଙ୍କର ପ୍ରତ୍ୟେକ ଆବଶ୍ୟକତାର ଯତ୍ନ ନେଉ ।