ଜାନୁଆରୀ ୧୧ରୁ ଭାରତ-ନ୍ୟୁଜିଲାଣ୍ଡ ମଧ୍ୟରେ ଆରମ୍ଭ ହେବ ତିନି ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜ୍‌ । ଏହି ସିରିଜ୍‌ ପାଇଁ ବିସିସିଆଇ ଶନିବାର ଦଳ ଘୋଷଣା କରିଛି । ଦିନିକିଆକୁ ଦଳକୁ ଶ୍ରେୟସ ଆୟର ଓ ମହମ୍ମଦ ସିରାଜ ଫେରିଥିବା ବେଳେ ହାର୍ଦ୍ଦିକ ପାଣ୍ଡ୍ୟା ଓ ଜସପ୍ରିତ୍ ବୁମରାହଙ୍କୁ ଚୟନ କରାଯାଇନାହିଁ । ଆଉ ବିସିସିଆଇ ଏବେ ହାର୍ଦ୍ଦିକଙ୍କୁ କାହିଁକି ଚୟନ କରାଯାଇନାହିଁ ତା'ର କାରଣ ମଧ୍ୟ କହିଛି ।

ହାର୍ଦ୍ଦିକ ପାଣ୍ଡ୍ୟାଙ୍କୁ କାହିଁକି ଚୟନ କରାଯାଇ ନଥିଲା ?

ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜରୁ ହାର୍ଦ୍ଦିକ ପାଣ୍ଡ୍ୟାଙ୍କୁ ବାଦ ଦିଆଯାଇଛି । ବିସିସିଆଇ କାରଣ କହିଛି ଯେ ହାର୍ଦ୍ଦିକ ପାଣ୍ଡ୍ୟାଙ୍କୁ ପ୍ରତି ମ୍ୟାଚରେ ୧୦ ଓଭର ବୋଲିଂ କରିବାକୁ ଅନୁମତି ନାହିଁ । ଆଗାମୀ ICC ପୁରୁଷ ଟି-୨୦ ବିଶ୍ୱକପକୁ ଦୃଷ୍ଟିରେ ରଖି ତାଙ୍କର ଓ୍ବାର୍କ ଲୋଡ୍‌ ମ୍ୟାନେଜମେଣ୍ଟ କରାଯାଉଛି । ସ୍ପଷ୍ଟ ଭାବରେ ଆଗାମୀ ଟି-୨୦ ବିଶ୍ୱକପ୍ ୨୦୨୬କୁ ଦୃଷ୍ଟିରେ ରଖି ତାଙ୍କୁ ଏହି ସିରିଜରୁ ବିଶ୍ରାମ ଦିଆଯାଇଛି । ତାଙ୍କ କାର୍ଯ୍ୟଭାର ଯୋଗୁଁ ସେ ଏକଦିବସୀୟ ସିରିଜ୍ ଖେଳିବେ ନାହିଁ । ଦ୍ରୁତ ବୋଲର ଜସପ୍ରିତ ବୁମରାହଙ୍କୁ ମଧ୍ୟ ବିଶ୍ରାମ ଦିଆଯାଇଛି ।

𝗡𝗢𝗧𝗘:

Shreyas Iyer’s availability is subject to fitness clearance from BCCI COE.

Hardik Pandya has not been cleared by the BCCI COE to bowl 10 overs in a match, and considering the ICC Men’s T20 World Cup to follow, his workload is being managed.#TeamIndia | #INDvNZ

— BCCI (@BCCI) January 3, 2026

ମହମ୍ମଦ ଶାମି ଏବଂ ଋତୁରାଜ ଗାଏକ୍ବାଡଙ୍କୁ ଦିନିକିଆ ସିରିଜ୍‌ ପାଇଁ ଦଳରୁ ବାଦ୍‌ ଦିଆଯାଇଛି । ତାଙ୍କୁ ଲଗାତାର ଅଣଦେଖା କରାଯାଇଛି । ଦକ୍ଷିଣ ଆଫ୍ରିକା ବିପକ୍ଷରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜରେ ଶତକ ହାସଲ କରିଥିବା ଋତୁରାଜ ଗାଏକ୍ବାଡଙ୍କୁ ମଧ୍ୟ ବାଦ୍ ଦିଆଯାଇଛି । ଏହି ସମୟରେ ଶ୍ରେୟସ ଆୟରଙ୍କୁ ଉପ-ଅଧିନାୟକ ନିଯୁକ୍ତ କରାଯାଇଛି। ତଥାପି ତାଙ୍କ ଫିଟନେସ୍ ରିପୋର୍ଟ ନିର୍ଣ୍ଣୟ କରିବ ଯେ ସେ ଦିନିକିଆ ସିରିଜରେ ଖେଳିବେ କି ନାହିଁ ।


ନ୍ୟୁଜିଲାଣ୍ଡ ବିପକ୍ଷ ଏକଦିବସୀୟ ସିରିଜ ପାଇଁ ଭାରତୀୟ ଦଳ: ଶୁବମନ ଗିଲ୍‌ (ଅଧିନାୟକ), ରୋହିତ ଶର୍ମା, ବିରାଟ କୋହଲି, କେ.ଏଲ୍ ରାହୁଲ (ୱିକେଟ୍ କିପର), ଶ୍ରେୟସ୍ ଆୟର (ଉପ-ଅଧିନାୟକ *), ୱାଶିଂଟନ୍ ସୁନ୍ଦର, ରବିନ୍ଦ୍ର ଜାଡେଜା, ମହମ୍ମଦ ସିରାଜ, ହର୍ଷିତ ରାଣା, ପ୍ରସିଦ୍ଧ କ୍ରିଷ୍ଣା, କୁଲଦୀପ ଯାଦବ, ଅର୍ଶଦୀପ ସିଂ, ଯଶସ୍ୱୀ ଜୟସ୍ବାଲ