Rohit Sharma Funny Reply / କାହିଁକି ନିଜ ନୂଆ କାର୍ ବୈଭବ ସୂର୍ଯ୍ୟବଂଶୀଙ୍କୁ ଦେବେନି ରୋହିତ ଶର୍ମା ? ନିଜେ କହିଲେ କାରଣ

ଭାରତୀୟ କ୍ରିକେଟ୍‌ରେ ଯେତେବେଳେ ରୋହିତ ଶର୍ମାଙ୍କ ନାଁ ଆସେ, ସେତେବେଳେ ତାଙ୍କ ଖେଳ ସହ ମଜାଳିଆ ଅନ୍ଦାଜ ମଧ୍ୟ ଚର୍ଚ୍ଚାକୁ ଆସିଥାଏ । ଏଥର ଏକ ଟିଭି ଶୋ・ରେ ଯୁବ କ୍ରିକେଟର ବୈଭବ ସୂର୍ଯ୍ୟବଂଶୀଙ୍କୁ ନେଇ ଏମିତି ଏକ ବୟାନ ଦେଇଛନ୍ତି, ଯାହାକୁ ନେଇ ଏବେ ବେଶ୍‌ ଚର୍ଚ୍ଚାରେ ଅଛନ୍ତି ହିଟମ୍ୟାନ୍‌ । 

ଏକ ଶୋ'ରେ ରୋହିତଙ୍କୁ ପଚରାଯାଇଥିଲା ଯେ, ଯଦି ସେ ଏକ ନୂଆ କାର୍ କିଣନ୍ତି, ତେବେ କେଉଁ କ୍ରିକେଟରଙ୍କୁ ସେହି କାର୍ ଚଳାଇବାକୁ ଦେବେ ନାହିଁ ? ଏହାର ଉତ୍ତରରେ ସେ ବୈଭବ ସୂର୍ଯ୍ୟବଂଶୀଙ୍କ ନାଁ ନେଇଥିଲେ । ଏହା ପଛର କାରଣ ତାଙ୍କ ବୟସ ସହ ଜଡ଼ିତ ବୋଲି କୁହାଯାଉଛି ।

ଟିଭି ଶୋ’ରେ ରୋହିତଙ୍କ ମଜାଳିଆ ଉତ୍ତର

ରୋହିତ ଶର୍ମା ଏବେ ଏକ ଜାତୀୟ ଟିଭିର କାର୍ଯ୍ୟକ୍ରମ ・ଫ୍ୟାମିଲି ଫୁଲ୍ ହାଉସ୍‌・ରେ ହୋଷ୍ଟ ଭାବେ ନଜର ଆସୁଛନ୍ତି । ଏହି ସମୟରେ ରୋହିତଙ୍କୁ ପଚରାଯାଇଥିଲା ଯେ, ସେ ନୂଆ କାର୍ କିଣିଲେ କେଉଁ କ୍ରିକେଟରଙ୍କୁ ତାହା ଚଳାଇବାକୁ ଦେବେ ନାହିଁ ? ଉତ୍ତରରେ ସେ ୧୫ ବର୍ଷୀୟ ଯୁବ କ୍ରିକେଟର ବୈଭବ ସୂର୍ଯ୍ୟବଂଶୀଙ୍କ ନାଁ ନେଇଥିଲେ । ତାଙ୍କର ଏହି ଉତ୍ତର ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେଉଛି ।

ବୈଭବଙ୍କ ବୟସ ହିଁ ମୁଖ୍ୟ କାରଣ !

ବୈଭବ ସୂର୍ଯ୍ୟବଂଶୀ ଏବେ ମାତ୍ର ୧୫ ବର୍ଷ ବୟସର । ଭାରତରେ ସାଧାରଣତଃ ବ୍ୟକ୍ତିଗତ କାର୍ ଚଳାଇବା ପାଇଁ ୧୮ ବର୍ଷ ବୟସ ପୂରଣ କରିବା ସହ ବୈଧ ଡ୍ରାଇଭିଂ ଲାଇସେନ୍ସ ରହିବା ଆବଶ୍ୟକ ।

ତେଣୁ ବୈଭବଙ୍କ ନାଁ ନେଇ ରୋହିତ ମଜାଳିଆ ଢଙ୍ଗରେ କହିଥିଲେ ଯେ, ତାଙ୍କ ପାଖରେ ଡ୍ରାଇଭିଂ ଲାଇସେନ୍ସ ନାହିଁ, ତେଣୁ ତାଙ୍କୁ କାର୍ ଚଳାଇବାକୁ ଦେବେ ନାହିଁ । ରୋହିତଙ୍କ ଏହି ଉତ୍ତରରେ ତାଙ୍କର ମଜାଳିଆ ସ୍ୱଭାବକୁ ପୁଣି ଥରେ ସାମ୍ନାକୁ ଆସିଛି ।

ବୈଭବଙ୍କୁ ମିଳିଛି ନୂଆ ଟାଟା ସିଏରା SUV

ବୈଭବ ସୂର୍ଯ୍ୟବଂଶୀ ଆଇପିଏଲ୍ ୨୦୨୬ରେ ନିଜର ଚମତ୍କାର ପ୍ରଦର୍ଶନ ପାଇଁ ଚର୍ଚ୍ଚାରେ ରହିଥିଲେ। ତାଙ୍କର ଏହି ପ୍ରଦର୍ଶନ ପରେ ତାଙ୍କୁ ଏକ ନୂଆ ଟାଟା ସିଏରା SUV ମିଳିଥିଲା । ତେବେ ବୟସ କମ୍ ଥିବାରୁ ସେ ଏବେ ଆଇନଗତ ଭାବେ ନିଜେ କାର୍ ଚଳାଇପାରିବେ ନାହିଁ । ଡ୍ରାଇଭିଂ ଲାଇସେନ୍ସ ପାଇବା ପାଇଁ ତାଙ୍କୁ ୧୮ ବର୍ଷ ବୟସ ପୂରଣ କରିବାକୁ ପଡ଼ିବ ।

କମ୍ ବୟସରେ କ୍ରିକେଟ୍ ଜଗତରେ ବଡ଼ ପରିଚୟ

ବୈଭବ ସୂର୍ଯ୍ୟବଂଶୀ ନିଜ ଧୁଆଁଧାର ବ୍ୟାଟିଂ ପାଇଁ ଅଳ୍ପ ସମୟ ମଧ୍ୟରେ କ୍ରିକେଟ୍ ପ୍ରେମୀଙ୍କ ମନ ଜିତିଛନ୍ତି । ତାଙ୍କ ବୟସ ଓ ପ୍ରଦର୍ଶନକୁ ଦେଖି ଭବିଷ୍ୟତରେ ତାଙ୍କଠାରୁ ଅନେକ ଆଶା ରଖାଯାଉଛି ।