ବଡ଼ ଘୋଷଣା କଲେ ବାଂଲାଦେଶ କ୍ରିକେଟ କିମ୍ବଦନ୍ତୀ ସାକିବ ଅଲ ହାସନ। ସାକିବ ଗତ ଏକ ବର୍ଷ ଧରି ବାଂଲାଦେଶ ଜାତୀୟ ଦଳ ପାଇଁ ଖେଳି ନାହାଁନ୍ତି। ଗତ ବର୍ଷ ତାଙ୍କର କ୍ୟାରିୟର ହଠାତ୍ ଶେଷ ହୋଇଥିଲା। ସେ ଶେଷ ଥର ପାଇଁ ୨୦୨୪ ମସିହାରେ କାନପୁରରେ ଭାରତ ବିପକ୍ଷରେ ଦ୍ୱିତୀୟ ଟେଷ୍ଟ ଖେଳିଥିଲେ। ପୂର୍ବତନ ବାଂଲାଦେଶ ଅଧିନାୟକଙ୍କ ନାମରେ ଗତ ଅଗଷ୍ଟ ୨୦୨୪ରେ ଏକ ହତ୍ୟା ମାମଲାରେ ଏଫଆଇଆର ରୁଜୁ ହୋଇଥିଲା । ପରବର୍ତ୍ତୀ ସମୟରେ ସେ ପାକିସ୍ତାନ ଏବଂ ଭାରତରେ ବିଦେଶୀ ସିରିଜ ଖେଳିଥିଲେ, କିନ୍ତୁ ଆଉ କେବେ ଘରୋଇ ମ୍ୟାଚ୍ ଖେଳିନଥିଲେ। ବର୍ତ୍ତମାନ ସାକିବ ନିଜର ମତ ପରିବର୍ତ୍ତନ କରିବାକୁ ଚାହୁଁଛନ୍ତି। ସନ୍ନ୍ୟାସ ନେବା ପୂର୍ବରୁ ଏମିତି କହିଲେ ସାକିବ ଅଲ୍ ହାସନ। ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।

ଏହାସହ ସମସ୍ତ ପ୍ରକାରର ଅନ୍ତର୍ଜାତୀୟ କ୍ରିକେଟରୁ ଅବସର ନେବାର ନିଷ୍ପତ୍ତିକୁ ପ୍ରତ୍ୟାବର୍ତ୍ତନ କରି ପୁନରାଗମନ କରିବାକୁ ଚାହୁଁଛନ୍ତି ସାକିବ । ଅବସର ନେବା ପୂର୍ବରୁ ସେ କେବଳ ଗୋଟିଏ ସିରିଜ ପାଇଁ ଖେଳିବାକୁ ଚାହାଁନ୍ତି ।ଏହି ଷ୍ଟାର ଅଲରାଉଣ୍ଡର କହିଛନ୍ତି ଯେ, ସେ ବାଂଲାଦେଶରେ ଏକ ବିଦାୟୀ ସିରିଜ ଖେଳିବାକୁ ଚାହାଁନ୍ତି ଏବଂ ଦଳରେ ସ୍ଥାନ ପାଇବାକୁ ଆତ୍ମବିଶ୍ୱାସୀ। ‘ବିୟର୍ଡ ବିଫୋର ୱିକେଟ୍’ ପଡକାଷ୍ଟରେ ସାକିବ୍ କହିଛନ୍ତି, “ମୁଁ ସମସ୍ତ ଫର୍ମାଟରୁ ଆନୁଷ୍ଠାନିକ ଭାବରେ ଅବସର ନେଇନାହିଁ।

ସାକିବ ପୂର୍ବରୁ ଆୱାମୀ ଲିଗ୍ ଦଳରୁ ସାଂସଦ ଭାବରେ କାର୍ଯ୍ୟ କରିଥିଲେ, କିନ୍ତୁ ଅଗଷ୍ଟରେ ସରକାର ପତନ ହେବା ପରେ ସେ ମେ ୨୦୨୪ ପରଠାରୁ ବାଂଲାଦେଶ ଫେରି ନାହାଁନ୍ତି। ସାକିବ ଫେରିବାକୁ ଇଚ୍ଛା ପ୍ରକାଶ କରିଛନ୍ତି ଏବଂ କହିଛନ୍ତି ଯେ ସେ ପୁଣି ଥରେ ସମସ୍ତ ଫର୍ମାଟରେ ଖେଳିବାକୁ ଚାହାଁନ୍ତି । ସାହିକ କହିଛନ୍ତି ଯେ, ଏହା ପ୍ରଥମ ଥର ପାଇଁ ମୁଁ ପ୍ରକାଶ କରୁଛି। ମୋର ଯୋଜନା ହେଉଛି ବାଂଲାଦେଶ ଫେରିଯିବା, ଏକ ପୂର୍ଣ୍ଣ ସିରିଜ୍ ଖେଳିବା ଯେଉଁଥିରେ ODI, ଟେଷ୍ଟ ଏବଂ T20 ଅନ୍ତର୍ଭୁକ୍ତ, ଏବଂ ତା’ପରେ ଅବସର ନେବା। ଅର୍ଥାତ୍, ମୁଁ ଗୋଟିଏ ସିରିଜରେ ସମସ୍ତ ଫର୍ମାଟରୁ ଅବସର ନେଇପାରିବି।

ଏଥିସହ ପଢ଼ନ୍ତୁ: ବିବାହ ଭାଙ୍ଗିଲେ, ଏବେ ଉଭୟ ଉଭୟଙ୍କୁ ଅନଫଲୋ କଲେ...

ସାକିବ କହିଛନ୍ତି, ମୁଁ ଭଲ ଖେଳିବି କି ନାହିଁ ତାହା ଗୁରୁତ୍ୱପୂର୍ଣ୍ଣ ନୁହେଁ। ଯଦି ମୁଁ ଖେଳିବାକୁ ଚାହେଁ ତେବେ ଏହା ପରେ ମୋର ଏକ ଖରାପ ସିରିଜ୍ ହୋଇପାରେ। କିନ୍ତୁ ମୋତେ ତାହା କରିବାର ଆବଶ୍ୟକତା ନାହିଁ। ମୁଁ ଭାବୁଛି ଏହା ଯଥେଷ୍ଟ। ସର୍ବଦା ମୋତେ ସମର୍ଥନ କରିଥିବା ପ୍ରଶଂସକମାନଙ୍କୁ ବିଦାୟ ଦେବାର ଏହା ଏକ ଭଲ ଉପାୟ। ଘରୋଇ ସିରିଜ୍ ଖେଳି ମୋ ପାଖରେ କିଛି ଫେରାଇବାର ସୁଯୋଗ ଅଛି।”

ସେ ଆହୁରି କହିଛନ୍ତି, “ମୁଁ ଆଶା କରୁଛି ସେଥିପାଇଁ ମୁଁ ଟି-୨୦ ଲିଗ୍ ଖେଳୁଛି। ମୁଁ ଭାବୁଛି ଏହା ଘଟିବ। ଯେତେବେଳେ ଜଣେ ଖେଳାଳି କିଛି କୁହନ୍ତି, ସେମାନେ ତାଙ୍କ କଥାରେ ଅଟଳ ରୁହନ୍ତି। ସେମାନେ ସାଧାରଣତଃ ହଠାତ୍ ସେମାନଙ୍କର ମନ ପରିବର୍ତ୍ତନ କରନ୍ତି ନାହିଁ। ଏହା T20 ସହିତ ଆରମ୍ଭ ହେଇ ODI ଏବଂ ଟେଷ୍ଟ ହେଉ ଅବା ଟେଷ୍ଟରୁ ଆରମ୍ଭ ହୋଇ ODI ଏବଂ T20 ହେଉ । ଏହା ମୋ ପାଇଁ କୌଣସି ଗୁରୁତ୍ୱପୂର୍ଣ୍ଣ ନୁହେଁ, କିନ୍ତୁ ମୁଁ ସମ୍ପୂର୍ଣ୍ଣ ସିରିଜ୍ ଖେଳିବା ଏବଂ ତା’ପରେ ଅବସର ନେବାକୁ ଚାହେଁ। ଏହା ମୋର ଇଚ୍ଛା।”

ଅଧିକ ପଢ଼ନ୍ତୁ ଖେଳ ଖବର: