୧୨ ବର୍ଷ ପରେ ଭାରତରେ ହେବାକୁ ଯାଉଛି ମହିଳା ODI ବିଶ୍ୱକପ୍ । ଏଥିପାଇଁ ଜୋରସୋରରେ ପ୍ରସ୍ତୁତି ଜାରି ରହିଛି । ୩୦ ସେପ୍ଟେମ୍ବରରେ ଭାରତ ଓ ଶ୍ରୀଲଙ୍କା ମଧ୍ୟରେ ଗୌହାଟୀରେ ଖେଳାଯିବ ପ୍ରଥମ ମ୍ୟାଚ୍ । ଏହା ପୂର୍ବରୁ, ଏଠାରେ ଏକ ଭବ୍ୟ ଉଦଘାଟନୀ ଉତ୍ସବ ଆୟୋଜନ କରାଯିବ ।

ଭାରତ ICC ମହିଳା ODI ବିଶ୍ୱକପ୍ ୨୦୨୫ର ଆୟୋଜକ ହୋଇଥିବା ବେଳେ ପାକିସ୍ତାନ ଶ୍ରୀଲଙ୍କାର କଲମ୍ବୋରେ ସମସ୍ତ ମ୍ୟାଚ୍ ଖେଳିବ । ଭାରତ ବନାମ ପାକିସ୍ତାନ ମ୍ୟାଚ୍ ମଧ୍ୟ କଲମ୍ବୋରେ ଅନୁଷ୍ଠିତ ହେବ। ଟୁର୍ଣ୍ଣାମେଣ୍ଟର ସମସ୍ତ ମ୍ୟାଚ୍ ମୋଟ ୫ଟି ସ୍ଥାନରେ ଖେଳାଯିବ। ଯଦି ପାକିସ୍ତାନ ଫାଇନାଲରେ ପହଞ୍ଚିଥାଏ, ତେବେ ଟାଇଟଲ୍ ମୁକାବିଲା ମଧ୍ୟ ଶ୍ରୀଲଙ୍କାରେ ଅନୁଷ୍ଠିତ ହେବ।

ତେବେ ମହିଳା ଦିନିକିଆ ବିଶ୍ବକପ୍ ଉଦଘାଟନୀ ମ୍ୟାଚ୍ ସହିତ ରାଉଣ୍ଡ-ରବିନ୍ ପର୍ଯ୍ୟାୟର ସମସ୍ତ ମ୍ୟାଚ୍ ପାଇଁ ଟିକେଟ୍ ଅନଲାଇନରେ ଆସିଛି । ଷ୍ଟାଡିୟମରେ ବସି ଖେଳ ଦେଖିବାକୁ ଫ୍ୟାନ୍ସମାନଙ୍କ ମଧ୍ୟରେ ନାହିଁ ନଥିବା ଭିଡ଼ ଦେଖିବାକୁ ମିଳୁଛି । କାରଣ ସବୁଠାରୁ କମ୍‌ ଟିକେଟ୍ ମାତ୍ର ୧୦୦ ଟଙ୍କାରେ ମିଳୁଛି । ICC ଆନୁଷ୍ଠାନିକ ଭାବରେ ସୂଚନା ଦେଇଛି ଯେ ଟିକେଟର ମୂଲ୍ୟ ୧.୧୪ ଆମେରିକୀୟ ଡଲାର (୧୦୦ ଟଙ୍କା), ଯାହାର ଅନଲାଇନ ବିକ୍ରି ଆରମ୍ଭ ହୋଇଛି।

ଟିକେଟ କିପରି ବୁକ୍ କରିବେ

ଆପଣ Tickets.Cricketworldcup.comରେ Google Pay ମାଧ୍ୟମରେ ଟିକେଟ୍ ବୁକ୍ କରିପାରିବେ। ଏହା ଆପଣଙ୍କୁ Book My Show ୱେବସାଇଟର ଲିଙ୍କରେ ପହଞ୍ଚାଇବ । ଏଠାରେ ସମସ୍ତ ପାଞ୍ଚଟି ଷ୍ଟାଡିୟମର ବିକଳ୍ପ ଦିଆଯାଇଛି। ଆପଣଙ୍କୁ ଯେଉଁ ସ୍ଥାନରେ ମ୍ୟାଚ୍ ଦେଖିବାକୁ ଚାହୁଁଛନ୍ତି ସେହି ସ୍ଥାନରେ କ୍ଲିକ୍ କରିବାକୁ ପଡିବ । ଏହା ପରେ ଆପଣ ସେହି ସ୍ଥାନରେ ହେବାକୁ ଥିବା ସମସ୍ତ ମ୍ୟାଚର ଟିକେଟ୍ ଦେଖିପାରିବେ । ଆପଣ ଯେଉଁ ଟିକେଟ୍ ବୁକ୍ କରିବାକୁ ଚାହୁଁଛନ୍ତି ତାହା ଉପରେ କ୍ଲିକ୍ କରିବେ । ତା'ପରେ ଆପଣଙ୍କ ସାମ୍ନାରେ ବିକଳ୍ପଗୁଡ଼ିକ ଆସିବ ଏବଂ ଆପଣ ଟିକେଟ୍ ବୁକ୍ କରିପାରିବେ। ଏଥିପାଇଁ ଆପଣଙ୍କୁ ପ୍ରଥମେ ସାଇନ୍ ଅପ୍ କରିବାକୁ ପଡିବ ।

ଗୁରୁବାର, ସେପ୍ଟେମ୍ବର ୪ରୁ ଅନଲାଇନ୍ ଟିକେଟ୍ ବିକ୍ରି ଆରମ୍ଭ ହୋଇଛି। ଏଥିରେ Google Pay ବ୍ୟବହାରକାରୀଙ୍କ ପାଇଁ ୪ ଦିନର ପ୍ରି-ସେଲ୍ ୱିଣ୍ଡୋ ଅଛି । ଏହା ୮ ସେପ୍ଟେମ୍ବର ପର୍ଯ୍ୟନ୍ତ ଚାଲିବ । ସାଧାରଣ ବିକ୍ରିର ଦ୍ୱିତୀୟ ପର୍ଯ୍ୟାୟ ୯ ସେପ୍ଟେମ୍ବର ରାତି ୮ଟାରୁ ଆରମ୍ଭ ହେବ । ଆପଣଙ୍କୁ ଜଣାଇ ଦେଉଛୁ ଯେ ପ୍ରଥମ ପର୍ଯ୍ୟାୟରେ କେବଳ Google Pay ବ୍ୟବହାରକାରୀମାନେ ରାଉଣ୍ଡ-ରବିନ୍ ମ୍ୟାଚ୍ ପାଇଁ ଟିକେଟ୍ ବୁକ୍ କରିପାରିବେ। ଦ୍ୱିତୀୟ ପର୍ଯ୍ୟାୟରେ, ସମସ୍ତେ ଲିଗ୍ ମ୍ୟାଚ୍ ପାଇଁ ଟିକେଟ୍ ବୁକ୍ କରିପାରିବେ ।

ବିଶ୍ୱକପ୍ ମ୍ୟାଚ୍ ଏହି ୫ଟି ଷ୍ଟାଡିୟମରେ ଅନୁଷ୍ଠିତ ହେବ

ଡିୱାଇ ପାଟିଲ ଷ୍ଟାଡିୟମ (ନବୀ ମୁମ୍ବାଇ)
ଆସାମ କ୍ରିକେଟ ଆସୋସିଏସନ୍ ଷ୍ଟାଡିୟମ (ଗୌହାଟି)
ଏସିଏ-ଭିଡିଏସି ଷ୍ଟାଡିୟମ (ବିଶାଖାପାଟନମ୍)
ହୋଲକର ଷ୍ଟାଡିୟମ (ଇନ୍ଦୋର)
ଆର ପ୍ରେମଦାସା ଷ୍ଟାଡିୟମ (କଲମ୍ବୋ)

Argus News | argus news | -Argusnews Home: Odisha Latest News, Breaking News, Trending News, Live TV and more