ଶନିବାର ଆଇପିଏଲର ୩୬ ତମ ମ୍ୟାଚ୍‌ରେ ମୁହାଁମୁହିଁ ହୋଇଥିଲେ ସନ୍‌ ରାଇଜର୍ସ ହାଇଦ୍ରାବାଦ ଏବଂ ରାଜସ୍ଥାନ ରୟାଲ୍ସ । ଏହି ମ୍ୟାଚ୍‌ରେ ରାଜସ୍ଥାନ ହାଇଦ୍ରାବାଦକୁ ହରାଇ ୫ ଓ୍ବିକେଟ୍‌ରେ ବିଜୟଲାଭ କରିଥିଲା । ତେବେ ଏହି ମ୍ୟାଚ୍‌ରେ ବିସ୍ଫୋରକ ବ୍ୟାଟିଂ କରିଥିଲେ ବୈଭବ ସୂର୍ଯ୍ୟବଂଶୀ । ସେ ମାତ୍ର ୩୬ ବଲ୍‌ରେ ଶତକ ହାସଲ କରିଥିଲେ । ଅଷ୍ଟ୍ରେଲିଆର ଷ୍ଟାର ବୋଲର ଏବଂ ହାଇଦ୍ରାବାଦର ଅଧିନାୟକ ପ୍ୟାଟ୍ କମିନ୍ସ ବୈଭବଙ୍କ ବ୍ୟାଟିଂ ଦେଖି ଆଶ୍ଚର୍ଯ୍ୟ ହୋଇଥିଲେ ।

କମିନ୍ସ ୧୫ ବର୍ଷୀୟ ସୂର୍ଯ୍ୟବଂଶୀଙ୍କ ପ୍ରଶଂସା କରିଥିଲେ ଏବଂ ତାଙ୍କୁ ତାଙ୍କର ନୂତନ ପ୍ରିୟ ଖେଳାଳି ବୋଲି ମଧ୍ୟ କହିଥିଲେ । ପ୍ୟାଟ୍ କମିନ୍ସ କହିଛନ୍ତି, "ସେ (ବୈଭବ) ଏବେ ମୋର ପ୍ରିୟ ଖେଳାଳି । ସେ ବଲକୁ ବହୁତ ଜୋରରେ ହିଟ୍ କରନ୍ତି । ବୋଲରମାନଙ୍କୁ ବହୁତ ସଠିକ୍ ଭାବରେ ବୋଲିଂ କରିବାକୁ ପଡ଼ିଥାଏ, ନଚେତ୍ ସେ ବଲକୁ ବହୁତ ଦୂରକୁ ମାରିଥାନ୍ତି । ସେ ବହୁତ ପ୍ରଭାବଶାଳୀ ଏବଂ ତାଙ୍କ କ୍ୟାରିୟରର ଏକ ଭଲ ଆରମ୍ଭ ହୋଇଛି ।"

"𝙑𝙖𝙞𝙗𝙝𝙖𝙫 𝙎𝙤𝙤𝙧𝙮𝙖𝙫𝙖𝙣𝙨𝙝𝙞 𝙞𝙨 𝙢𝙮 𝙣𝙚𝙬 𝙛𝙖𝙫𝙤𝙪𝙧𝙞𝙩𝙚 𝙥𝙡𝙖𝙮𝙚𝙧"#SRH captain Pat Cummins is in all awe of the 1️⃣5️⃣-year old youngster 🧡🩷#TATAIPL | #KhelBindaas | #RRvSRH | @rajasthanroyals | @SunRisers pic.twitter.com/qwHnvtPRvO

— IndianPremierLeague (@IPL) April 25, 2026

ଅଷ୍ଟ୍ରେଲିୟ ଦ୍ରୁତ ବୋଲର ପ୍ୟାଟ୍ କମିନ୍ସ ଆଇପିଏଲ ୨୦୨୬ ରେ ବୈଭବ ସୂର୍ଯ୍ୟବଂଶୀଙ୍କ ସାମ୍ନାରେ ତାଙ୍କର ପ୍ରଥମ ମ୍ୟାଚ୍ ଖେଳୁଥିଲେ । ବୈଭବ ହାଇଦ୍ରାବାଦ ବିପକ୍ଷରେ ଆରମ୍ଭରୁ ଆକ୍ରମଣାତ୍ମକ ଖେଳିଥିଲେ । ଅଧିନାୟକ କମିନ୍ସ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ୧୫ ବର୍ଷୀୟ ବୈଭବ ପ୍ରଥମ ଓଭରରେ ଲଗାତାର ଚାରୋଟି ଛକା ମାରି ଆକ୍ରମଣାତ୍ମକ ଆରମ୍ଭ କରିଥିଲେ । ତା’ପରେ ଦ୍ୱିତୀୟ ଓଭରରେ କମିନ୍ସଙ୍କ ପ୍ରଥମ ବଲ୍‌ରେ ସେ ଏକ ଛକା ମାରିଥିଲେ ।
ସେ ତାଙ୍କ ଇନିଂସରେ ୧୨ଟି ଛକା ଏବଂ ପାଞ୍ଚଟି ଚୌକା ମାରିଥିଲେ। ତାଙ୍କର ଚମତ୍କାର ଇନିଂସ ୧୪ତମ ଓଭରରେ ଶେଷ ହୋଇଥିଲା । ବୈଭବ ୩୭ ବଲ୍‌ରେ ୧୦୩ ରନ୍ କରିଥିଲେ ।

ଯଦିଓ ବୈଭବଙ୍କ ଇନିଂସ ଯୋଗୁଁ ରାଜସ୍ଥାନ ୨୨୮ ରନ୍ କରିଥିଲା, କିନ୍ତୁ ଅଭିଷେକ ଶର୍ମା ଏବଂ ଇଶାନ କିଶାନଙ୍କ ବିସ୍ଫୋରକ ଅର୍ଦ୍ଧଶତକ ଯୋଗୁଁ ହାଇଦ୍ରାବାଦ ରନ୍‌କୁ ଚେଜ୍‌ କରିଥିଲା । ହାଇଦ୍ରାବାଦ ଏହି ପାଞ୍ଚ ୱିକେଟରେ ବିଜୟୀ ହୋଇଥିଲା । ମ୍ୟାଚ୍ ପରେ କମିନ୍ସ ଏହାକୁ "ବହୁତ ଭଲ ବିଜୟ" ବୋଲି କହିଥିଲେ ଏବଂ କହିଥିଲେ ଯେ ଏହା ସେମାନଙ୍କର ପ୍ରତ୍ୟାବର୍ତ୍ତନର ଏକ ମହାନ ଆରମ୍ଭ ।