ଦୁନିଆର ସର୍ବଶ୍ରେଷ୍ଠ ବୋଲରଙ୍କୁ ମଧ୍ୟରୁ ଜଣେ ହେଉଛନ୍ତି ଜଶପ୍ରୀତ ବୁମରାହ । ପରିସ୍ଥିତି ଯାହା ବି ଥାଉ ନା କାହିଁ ଏବଂ ଫର୍ମାଟ ଯେ କୌଣସି ହେଉ ସବୁବେଳେ ବିପକ୍ଷ ବ୍ୟାଟ୍ସମ୍ୟାନ୍‌ଙ୍କୁ ହରଡ଼ଘଣାରେ ପକାଇ ଥାନ୍ତି ବୁମରାହ । ଆଉ ଏବେ ଏହି ଓ୍ବାର୍ଲ୍ଡକ୍ଲାସ୍‌ ବୋଲରଙ୍କୁ ନେଇ ଏକ ବଡ଼ ଦାବି କରିଛନ୍ତି ପାକିସ୍ତାନରେ ଜନ୍ମିତ ୟୁଏଇର ଦ୍ରୁତ ବୋଲର ଜହୁର ଖାନ ।

ସେ କହିଛନ୍ତି, ବୁମରାହଙ୍କୁ ସ୍ଲୋୟର ବଲ୍ ବୋଲିଂ କରିବା ସେ ଶିଖାଇଛନ୍ତି । ଜହୁରଙ୍କ ବୁମରାହଙ୍କ ବିଷୟରେ କଥା ହେବାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।

Zahoor Khan said -

"Jasprit Bumrah has learned his slower delivery variation from me back in 2019 when I played with him in Mumbai Indians."

Perfect Quote - Success has many fathers, failure is an orphan pic.twitter.com/4VIf6EYpWM

— Ajay Jadeja (@AjayJadeja171) March 11, 2026

ପାକିସ୍ତାନରେ ଜନ୍ମିତ ୟୁଏଇର ବୋଲର କହିଛନ୍ତି ଯେ ବୁମରାହ ପୂର୍ବରୁ ସ୍ଲୋୟର୍‌ ବଲ୍ ବୋଲିଂ କରୁଥିଲେ, କିନ୍ତୁ ସେ ତାଙ୍କୁ ଅଧିକ ପ୍ରଭାବଶାଳୀ ଭାବରେ ସ୍ଲୋୟର ବଲ୍ ବୋଲିଂ ଶିଖାଇଥିଲେ । ଏହି ଘଟଣା ୨୦୧୯ ଆଇପିଏଲ ସମୟରେ ଘଟିଥିଲା ।

ଭାଇରାଲ ଭିଡିଓରେ ଜହୁର ଖାନ କହିଛନ୍ତି, "ମୁଁ ଆପଣଙ୍କୁ ଏକ କାହାଣୀ କହୁଛି । ବୁମରାହ ସାଧାରଣ ଆକ୍ସନ ସହିତ ସ୍ଲୋୟର ବଲ୍ ବୋଲିଂ କରୁଥିଲେ । ଆବୁଧାବିରେ ଖେଳାଯାଇଥିବା ଏକ ମ୍ୟାଚ୍‌ରେ ବୁମରାହ, ନାଥନ କୁଲଟର-ନାଇଲ୍ ଏବଂ ଟ୍ରେଣ୍ଟ ବୋଲ୍ଟ ବହୁତ ରନ୍ ବ୍ୟୟ କରୁଥିଲେ । ସେହି ବର୍ଷ ସେପ୍ଟେମ୍ବରରେ ଆଇପିଏଲ୍ ଅନୁଷ୍ଠିତ ହେଉଥିଲା, ଯେତେବେଳେ ୟୁଏଇରେ ତାପମାତ୍ରା ୫୦ ଡିଗ୍ରୀ ଥାଏ । ରାତିରେ କାକର କାରଣରୁ ବଲ୍ ଠିକ୍ ଭାବରେ ଧରିବା ମଧ୍ୟ କଷ୍ଟକର ହୋଇଯାଏ'।
ଜହୁର ଆହୁରି କହିଥିଲେ, "ମୁମ୍ବାଇ ଇଣ୍ଡିଆନ୍ସ ମୋତେ ଡାକିଲା ମୁଁ ଛଅ ଦିନ ପାଇଁ କ୍ୱାରାଣ୍ଟାଇନରେ ଥିଲି । ସପ୍ତମ ଦିନରେ ଅଭ୍ୟାସ କରିବାକୁ ଯାଇଥିଲି । ସେହି ରାତିରେ, ମୁଁ ଦଳ ସହିତ ଥିଲି । ଜାହିର ଖାନ ଏବଂ ରବିନ ସିଂହ ମୋତେ ଜାଣିଥିଲେ କାରଣ ମୁଁ T-୧୦ ଲିଗରେ ଏକ ମେଡେନ ଓଭର ବୋଲିଂ କରିଥିଲି । ମୁଁ ପ୍ରଥମ ବଲରେ ୟର୍କର ବୋଲିଂ କରିଥିଲି ଏବଂ ପରବର୍ତ୍ତୀ ପାଞ୍ଚଟି ସ୍ଲୋ ବଲ୍ ଥିଲା । ଆମେ ସମସ୍ତେ ଏକାଠି ବସିଥିଲୁ । ତା'ପରେ ବୁମରାହ ଆସି ଟେବୁଲରେ ବସିଲେ, ରୋହିତ ଶର୍ମା ଆସି ସେଠାରେ ବସିଲେ । ମୁଁ ସେଠାରେ ବସି ଦେଖୁଥିଲି ।"

ଜହୁର କହିଥିଲେ, "ମୁଁ ସମାନ ଆକ୍ସନ ଏବଂ ସମାନ ଗ୍ରୀପ୍ ସହିତ ବୋଲିଂ କରୁଥିଲି। ସେ କହିଲେ, 'ଏହା କିପରି ସମ୍ଭବ?' ମୁଁ କହିଲି, 'ମୁଁ ତୁମକୁ ଦେଖାଇବି । ସେ କହିଲେ, 'ଠିକ୍ ଅଛି, ତୁମେ ମୋତେ ପରବର୍ତ୍ତୀ ଅଭ୍ୟାସରେ ଦେଖାଇବ । ଶେନ୍ ବଣ୍ଡ ମୁମ୍ବାଇର ବୋଲିଂ ପ୍ରଶିକ୍ଷକ ଥିଲେ । ମାହେଲା ଜୟବର୍ଦ୍ଧନେ ନେଟ୍ସ ପଛରେ ଠିଆ ହୋଇଥିଲେ । ମୁଁ ଏକ ସ୍ଲୋ ବାଉନ୍ସର ବୋଲିଂ କରିଥିଲି। ଶେନ୍ ବଣ୍ଡ ପଚାରିଲେ, 'ତୁମର ଗ୍ରୀପ୍ କ'ଣ ? ତୁମେ ଅଫ-କଟର ବୋଲିଂ କର କି ? ମୁଁ କହିଲି, ନା, ଏହା ସମାନ ଗ୍ରୀପ୍ ।'

ଜହୁର ଆଗକୁ କହିଲେ, "ଗୋଟିଏ କିମ୍ବା ଦୁଇ ଦିନ ପରେ ମୁଁ ବୁମରାହଙ୍କ ସହିତ ବୋଲିଂ କରୁଥିଲି। ସେ କହିଲେ, 'ପାଜି, ମୋତେ ତୁମର ଗ୍ରୀପ୍ ଦେଖାଅ ।' ମୁଁ ତାଙ୍କୁ ଦେଖାଇଲି, ଏହା ସମାନ ଥିଲା । ମୁଁ ଏହିପରି ବୋଲିଂ କରିଥିଲି । ଏହା ସମାନ ଆକ୍ସନ ସହିତ ଆସିବା ଉଚିତ । ମୁଁ UAEର ଜଣେ ଖେଳାଳି ଏବଂ ସେ ଜଣେ ବିଶ୍ୱସ୍ତରୀୟ ବୋଲର। ମୁଁ ପ୍ରକୃତରେ ପ୍ରଭାବିତ ହୋଇଥିଲି ଯେ ସେ ଏତେ ବଡ଼ ଷ୍ଟାର, ମୋତେ ପଚାରୁଛନ୍ତି ।" ଜହୁର ଖାନଙ୍କ ଦାବିରେ କେତେ ସତ୍ୟତା ରହିଛି, ସେକଥା ଜଣାପଡ଼ିନି ।

ଏଥିସହ ପଢ଼ନ୍ତୁ: T20 ରାଂଙ୍କି: ବିଶ୍ୱକପ୍‌ ଜିତିବା ପରେ ସମସ୍ତଙ୍କୁ ପଛରେ ପକାଇ ଆଗରେ ଏହି ଖେଳାଳି