ବିଶ୍ୱର ସବୁଠାରୁ ବଡ଼ ଟେକ୍ନୋଲୋଜି କମ୍ପାନୀ ମଧ୍ୟରୁ ଗୋଟିଏ ଆପଲର ସିଇଓ ଟିମ୍ କୁକ୍ ତାଙ୍କ ପଦରୁ ଇସ୍ତଫା ଦେବା ନେଇ ଘୋଷଣା କରିଛନ୍ତି । ଏବେ ଜନ୍ ଟର୍ନସ୍ ତାଙ୍କ ସ୍ଥାନରେ ଆପଲର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଦାୟିତ୍ୱ ଗ୍ରହଣ କରିବେ । ଟିମ୍ କୁକ୍ ୧୫ ବର୍ଷ ଧରି ଏହି ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଉଥିଲେ ଏବଂ ଏବେ ଜନ୍ ଟର୍ନସ୍ ତାଙ୍କଠାରୁ ଏହି ଦାୟିତ୍ୱ ଗ୍ରହଣ କରିବାକୁ ଯାଉଛନ୍ତି । ଜନ୍ ଟର୍ନସ୍ ବର୍ତ୍ତମାନ ଆପଲର ହାର୍ଡୱେର୍ ଇଞ୍ଜିନିୟରିଂ ମୁଖ୍ୟ ଅଛନ୍ତି ଏବଂ ୧ ସେପ୍ଟେମ୍ବରରେ ଆପଲର ସିଇଓ ପଦ ଗ୍ରହଣ କରିବେ ।
- ଆପଲରେ ଟିମ୍ କୁକଙ୍କ ଉଲ୍ଲେଖନୀୟ ଯାତ୍ରା
୨୦୧୧ ମସିହାରେ ଆପଲର ସହ-ପ୍ରତିଷ୍ଠାତା ଷ୍ଟିଭ ଜବସଙ୍କ ବିଦାୟ ପରେ ଟିମ୍ କୁକ୍ ଆପଲର ସିଇଓ ହୋଇଥିଲେ ଏବଂ ୧୫ ବର୍ଷ ଧରି କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଭାବରେ କାର୍ଯ୍ୟ କରିଛନ୍ତି । ତାଙ୍କ କାର୍ଯ୍ୟକାଳ ମଧ୍ୟରେ ଆପଲ ନୂତନ ଉଚ୍ଚତାରେ ପହଞ୍ଚିଥିଲା ଏବଂ ଏହାର ବଜାର ମୂଲ୍ୟ ୪ ଟ୍ରିଲିୟନ ଡଲାରରେ ପହଞ୍ଚିଥିଲା, ଯାହା ଏହାକୁ ବଜାର ମୂଲ୍ୟାଙ୍କନ ଅନୁସାରେ ବିଶ୍ୱର ସର୍ବବୃହତ ପ୍ରଯୁକ୍ତିବିଦ୍ୟା କମ୍ପାନୀ କରିଥିଲା । ଜନ୍ ଟର୍ନର ଏବେ କମ୍ପାନୀର ଦାୟିତ୍ୱ ଗ୍ରହଣ କରୁଛନ୍ତି ଏବଂ କୁକ୍ ପଦ ଛାଡିବା ପରେ ଆପଲର ନିର୍ଦ୍ଦେଶକ ମଣ୍ଡଳୀ ତାଙ୍କୁ ଦାୟିତ୍ୱ ହସ୍ତାନ୍ତର କରିବାକୁ ନିଷ୍ପତ୍ତି ନେଇଛି ।
ଟିମ୍ କୁକ୍ ୧୯୯୮ରେ ୱାର୍ଲ୍ଡୱାଇଡ୍ ଅପରେସନ୍ସର ବରିଷ୍ଠ ଉପାଧ୍ୟକ୍ଷ ଭାବରେ ଆପଲରେ ଯୋଗ ଦେଇଥିଲେ । ୨୦୦୫ରୁ ୨୦୧୧ ପର୍ଯ୍ୟନ୍ତ ସେ କମ୍ପାନୀର ମୁଖ୍ୟ ପରିଚାଳନା ଅଧିକାରୀ ଭାବରେ କାର୍ଯ୍ୟ କରିଥିଲେ । ଏହି ସମୟ ମଧ୍ୟରେ ସେ ଆଇଫୋନ୍, ମ୍ୟାକବୁକ୍, ଆଇପ୍ୟାଡ୍ ଏବଂ ଆଇପଡ୍ ଭଳି ଉତ୍ପାଦ ପାଇଁ ଯୋଗାଣ ଶୃଙ୍ଖଳାକୁ ସୁଦୃଢ଼ କରିବା, ଯୋଗାଣ ଶୃଙ୍ଖଳାରେ ବିପ୍ଳବ ଆଣିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ତା’ପରେ ସେ ଅଗଷ୍ଟ ୨୦୧୧ରେ ଷ୍ଟିଭ୍ ଜବସ୍ଙ୍କ ସ୍ଥାନରେ ସିଇଓ ଭାବରେ ନିଯୁକ୍ତି ପାଇଲେ । ତାଙ୍କ ୧୫ ବର୍ଷର ନେତୃତ୍ୱ ଅଧୀନରେ ଆପଲ୍ ଅଭୂତପୂର୍ବ ଅଭିବୃଦ୍ଧି ହାସଲ କରିଥିଲେ ।
ପଢନ୍ତୁ ଏହି ଖବର: ଏଥର ଲଞ୍ଚ ହେବନି ଆଇଫୋନ ୧୮; ଖପ୍ପା ଆପଲ୍ ଲଭର- ଟିମ୍ କୁକଙ୍କ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
ଆପଲ୍ର ସିଇଓ ଭାବରେ ଟିମ୍ କୁକ୍ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଥିଲେ, ଯେପରିକି ଉତ୍ପାଦନ ପାଇଁ ଚୀନ୍ ଉପରେ କମ୍ପାନୀର ନିର୍ଭରତା ହ୍ରାସ କରିବା ଏବଂ ଭାରତକୁ ଧ୍ୟାନ କେନ୍ଦ୍ରିତ କରିବା ଏବଂ ଏହି ନିଷ୍ପତ୍ତିଗୁଡ଼ିକ ସକାରାତ୍ମକ ଫଳାଫଳ ଆଣିଛି । ୬୫ ବର୍ଷ ବୟସର ଟିମ୍ କୁକ୍ ଏହି ନୂତନ ପରିବର୍ତ୍ତନ ପରେ, ୧ ସେପ୍ଟେମ୍ବରରୁ ଆପଲର କାର୍ଯ୍ୟନିର୍ବାହୀ ଅଧ୍ୟକ୍ଷ ଭୂମିକାରେ ଆସିବେ ଏବଂ କମ୍ପାନୀ ସହିତ ଜଡିତ ରହିବେ । ଆପଲ୍ର କାର୍ଯ୍ୟନିର୍ବାହୀ ଅଧ୍ୟକ୍ଷ ଭାବରେ ସେ ବିଶ୍ୱବ୍ୟାପୀ କମ୍ପାନୀର ସମ୍ପ୍ରସାରଣ ଏବଂ ନୀତି ନିର୍ଦ୍ଧାରଣରେ ଏକ ପ୍ରମୁଖ ଭୂମିକା ଗ୍ରହଣ କରିବେ ।
ଟର୍ନସଙ୍କ ନାଁ ଯଦିଓ ଷ୍ଟଭ୍ ଜବସ୍ କିମ୍ବା ଟିମ୍ କୁକ୍ ପରି ଖବରର ଶିରୋନାମାକୁ ଆସିନଥାଏ, ତଥାପି ଆପଲ୍ ଭିତରେ ତାଙ୍କର ବଳିଷ୍ଠ ଭୂମିକା ଅଛି । ସେ ୧୯୯୭ରେ ପେନସିଲଭାନିଆ ବିଶ୍ୱବିଦ୍ୟାଳୟରୁ ମେକାନିକାଲ୍ ଇଞ୍ଜିନିୟରିଂରେ ଡିଗ୍ରୀ ହାସଲ କରିଥିଲେ । ତା'ପରେ ସେ ପ୍ରାୟ ୪ ବର୍ଷ ପାଇଁ ଭର୍ଚ୍ଚୁଆଲ୍ ରିସର୍ଚ୍ଚ ସିଷ୍ଟମ୍ସରେ କାମ କରିଥିଲେ ଏବଂ ୨୦୧୧ରେ ଯେତେବେଳେ କମ୍ପାନୀ ଏକ ବଡ଼ ପରିବର୍ତ୍ତନ ଦେଇ ଗତି କରୁଥିଲା ସେତେବେଳେ ଆପଲରେ ଯୋଗ ଦେଇଥିଲେ । ସେ ଆପଲର ଅଷ୍ଟମ ସିଇଓ ହେବେ ।
ଅଧିକ
ଖବର ପଢନ୍ତୁ...
