ଅର୍ଗସ ବ୍ୟୁରୋ : ୨୦୨୪ରେ ୩ଟି ଚନ୍ଦ୍ରଗ୍ରହଣ ଲାଗିବାକୁ ଯାଉଛି । ପ୍ରଥମ ଚନ୍ଦ୍ରଗ୍ରହଣ ଆସନ୍ତା ମାର୍ଚ୍ଚ ୨୫ ତାରିଖରେ ଲାଗିବାକୁ ଯାଉଛି । ତେବେ ଏହି ଚନ୍ଦ୍ରଗ୍ରହଣର ଅବଧି ରହିଛି ସକାଳ ୧୦ ମିନିଟ ୨୪ ସେକେଣ୍ଡରୁ ଦ୍ବିପହର ୩ ମିନିଟ ଏକ ସେକେଣ୍ଡ । ସମ୍ପୁର୍ଣ୍ଣ ଅବଧି ୨ ଘଣ୍ଟା ୩୬ ମିନିଟ ରହିବ । ଏହି ଚନ୍ଦ୍ରଗ୍ରହଣ ଭାରତରେ ଦୃଶ୍ୟମାନ ହେବନି । ତେବେ ଏହି ଚନ୍ଦ୍ରଗ୍ରହଣ କିଛି ରାଶିର ଲୋକଙ୍କ ଭାଗ୍ୟ ବଦଳାଇ ଦେବ । ଜ୍ୟୋତିଷ୍ୟଶାସ୍ତ୍ର ମୁତାବକ ଏହି ଚନ୍ଦ୍ରଗ୍ରହଣ କିଛି ରାଶି ପାଇଁ ଶୁଭ ଅଟେ । ସେହି ରାଶିଗୁଡିକ ହେଉଛି ମିଥୁନ, ସିଂହ, ମକର ଏବଂ କୁମ୍ଭ । ଆସନ୍ତୁ ଜାଣିବା କେଉଁ ରାଶି ପାଇଁ କେଉଁ ଶୁଭଫଳ ଦେବ ଚନ୍ଦ୍ରଗ୍ରହଣ ।
ମିଥୁନ ରାଶି
ଜ୍ୟୋତିଷ୍ୟଶାସ୍ତ୍ର ମୁତାବକ ପ୍ରଥମ ଚନ୍ଦ୍ରଗ୍ରଣ ମିଥୁନ ରାଶିକୁ ଖୁବ ଉତ୍ତମ ଫଳ ପ୍ରଦାନ କରିବ । ଏହି ରାଶିର ଲୋକମାନେ ନିଜ କାମକୁ ନେଇଥିବା ଚିନ୍ତାରୁ ଦୂର ହେବେ । ଏବଂ ସେମାନଙ୍କୁ ସମୟ ବିତାଇବାକୁ ଅବସର ମିଳିବ । ତେବେ ଚନ୍ଦ୍ରଗ୍ରହଣ ଦିନ ଗାଈର ସେବାକଲେ କିମ୍ବା ଗାଈକୁ ଚାରା ଦେଲେ ବିଶେଷ ଲାଭ ମିଳିବ ।
ସିଂହ ରାଶି
ସିଂହରାଶି ପାଇଁ ଖୁବ ଶୁଭ ରହିବ ଚନ୍ଦ୍ରଗ୍ରହଣ । ଏହି ରାଶି ଲୋକଙ୍କର ଖର୍ଚ୍ଚ କମ ଏବଂ ସଞ୍ଚୟ ଅଧିକ ରହିବ । ଚନ୍ଦ୍ରଗ୍ରହଣ ଦିନ ହସ୍ପିଟାଲରେ ରୋଗୀଙ୍କୁ ଫଳଦାନ କଲେ ବିଶେଷ ଲାଭ ମିଳିପାରିବ ।
ମକର ରାଶି
ମକର ରାଶିର ବ୍ୟକ୍ତିବିଶେଷଙ୍କ ପାଇଁ ଏ ରାଶି ବେଶ ଲାଭବାନ ଅଟେ । ଏହି ରାଶିର ଲୋକଙ୍କର ଅଟକିଥିବା କାର୍ଯ୍ୟ ସମ୍ପୁର୍ଣ୍ଣ ହେବ । ଏବଂ ସମସ୍ତ ସମସ୍ୟା ଦୂର ହେବ । ମହାଦେବ ଶିବଙ୍କୁ ବେଲପତ୍ର ସହ ଜଳ ସ୍ନାନ କରାଇଲେ ସମସ୍ୟା ଦୂର ହେବ ।
କୁମ୍ଭ ରାଶି
କୁମ୍ଭ ରାଶିର ଲୋକଙ୍କ ପାଇଁ ବିଶେଷ ଲାଭଦେବ ଚନ୍ଦ୍ରଗ୍ରହଣ । ଏହି ରାଶିର ଲୋକମାନଙ୍କର ବିଦେଶ ଯାତ୍ରାର ଯୋଗ ରହିଛି । ଏବଂ କାର୍ଯ୍ୟକ୍ଷେତ୍ରରେ ସଫଳତା ମିଳିବ । ଚନ୍ଦ୍ରଗ୍ରହଣ ଦିନ ଗରିବଙ୍କ ପାଇଁ କ୍ଷୀର କିମ୍ବା କ୍ଷୀରରୁ ତିଆରି କୌଣସି ଖାଦ୍ୟ ଦେଲେ ଭାଗ୍ୟରେ ପରିବର୍ତ୍ତନ ଆସିବ ।

Argus News | argus news | Odisha Latest News, Breaking News, Trending News, Live TV