ମେଟାର ଲୋକପ୍ରିୟ ଇନଷ୍ଟାଣ୍ଟ ମେସେଜିଂ ପ୍ଲାଟଫର୍ମ ହ୍ଵାଟ୍ସଆପ୍ ବହୁ ଲୋକପ୍ରିୟତା ଅର୍ଜନ କରିଛି । ଅଫିସଠୁ ଆରମ୍ଭ କରି ବ୍ୟକ୍ତିଗତ ବ୍ୟବହାର ପର୍ଯ୍ୟନ୍ତ ସବୁଠି ଏହି ଆପର ବହୁଳ ବ୍ୟବହାର ହେଉଛି । ବନ୍ଧୁ, ପରିବାର ମଧ୍ୟରେ ବାର୍ତ୍ତାଳାପ ପାଇଁ କଲ୍ ପରେ ଏହି ଆପ ଉପରେ ସମସ୍ତେ ନିର୍ଭର କରୁଛନ୍ତି । ଏବେ ହ୍ଵାଟ୍ସଆପରେ ଆସିଛି ଏକ ନୂଆ ଫିଚର, ଯାହାକୁ ପ୍ରତିଟି ୟୁଜର ବହୁ ଦିନ ଧରି ଅପେକ୍ଷା କରିଥିଲେ । ଏବେ ଆପଣ ଏହି ଆପରେ ନିଜ ବନ୍ଧୁ ପରିଜନଙ୍କୁ ସିକ୍ରେଟ୍ ମେସେଜ୍ ପଠାଇପାରିବେ ।

• ଆସିଲା View Once ଫିଚର

ପୂର୍ବରୁ ଯେପରି ଫଟୋ ପଠାଇବା ସମୟରେ ଥରେ ଉକ୍ତ ଫଟୋଟିକୁ ଦେଖିବା ଫିଚର ଥିଲା, ଏବେ ଠିକ୍ ସେହିପରି ଟେକ୍ସଟ ମେସେଜରେ ମଧ୍ୟ ଫିଚରଟି ଉପଲବ୍ଧ କରାଯାଇଛି । ଏ ସମ୍ପର୍କରେ ହ୍ଵାଟ୍ସଆପର ଆଗାମୀ ଫିଚରକୁ ଟ୍ରାକ୍ କରୁଥିବା ୱେବସାଇଟ୍ Webetainfo ପକ୍ଷରୁ ସୂଚନା ଦିଆଯାଇଛି । ରିପୋର୍ଟ ଅନୁସାରେ, ଏବେ View Once ଫିଚରଟି ଡେଭପଲମେଣ୍ଟରେ ଷ୍ଟେଜ୍ ଅଛି । ଏବେ ଏହାର ବିଟା ଭର୍ସନ ଆସିଛି । ପୂର୍ବରୁ ଏହି ଫିଚରଟି ଫଟୋ ଏବଂ ଭିଡିଓକୁ ସପୋର୍ଟ କରୁଥିଲା, ଏବେ ଏହା ଟେକ୍ସଟ ମେସେଜକୁ ବି ସାମିଲ କରିବ ।

• କାହାକୁ ପଠାଇପାରିବେ ସିକ୍ରେଟ୍ ମେସେଜ୍

ଥରେ ଏହି ନୂଆ ଫିଚରଟି ଆସିବା ପରେ ୟୁଜର କାହାକୁ ବି ସିକ୍ରେଟ୍ ମେସେଜ ପଠାଇପାରିବେ । ଏହାପରେ ଯେତେବେଳେ କୌଣସି ରିସିଭର ଉକ୍ତ ମେସେଜକୁ ପଢିବେ, ଏହାପରେ ମେସେଜ ସ୍ଵୟଂଚାଳିତ ଭାବେ ଡିଲିଟ୍ ହୋଇଯିବ । ଏହା ସେତେବେଳେ ହୋଇପାରିବ ଯେତେବେଳେ ୟୁଜର ଜଣକ ମେସେଜ୍ ପଠାଇବା ସମୟରେ View Once ଫିଚରକୁ ଚୟନ କରିଥିବେ ।

ପଢନ୍ତୁ ଏହି ଖବର: ହ୍ଵାଟ୍ସଆପରେ ଅଜଣା ନମ୍ବରରୁ ଆସୁଛି କି କଲ୍ ? ଜମାରୁ କରୁନ୍ତୁନି ଅଣଦେଖା

• ନେଇପାରିବେନି ସ୍କ୍ରିନସଟ୍

ହ୍ଵାଟ୍ସଆପରେ ଭ୍ୟୁ ୱାନ୍ସ ଫିଚରଟି ରିସିଭ୍ ହେବାପରେ ଉକ୍ତ ମେସେଜକୁ ନା କେହି ସ୍କ୍ରିନସଟ୍ ନେଇପାରିବେ ନା କିଏ ଏହାକୁ ଅଧିକ ଥର ଦେଖିପାରିବେ । ଏହି ଫିଚରକୁ ୟୁଜର ଟେକ୍ସଟ୍ ମେସେଜ ପାଇଁ ଅନେକ ଦିନରୁ ଅପେକ୍ଷା କରିଥିଲେ । ଏହି ସିକ୍ରେଟ୍ ମେସେଜ ରିସିଭ୍ ହେବା ପରେ ମେସେଜଟି ଦେଖିବା ମାତ୍ରେ ଆପେଆପେ ଡିଲିଟ୍ ହୋଇଯିବ । ନିଜ ୟୁଜରଙ୍କୁ ଅଭିଜ୍ଞତାକୁ ଆହୁରି ଉନ୍ନତ କରିବା ଲାଗି ମେଟା ହ୍ଵାଟ୍ସଆପରେ ଅନେକ ନୂଆ ଫିଚର ଆଣୁଛି । ତେବେ ଏହା କେବେ ଲଞ୍ଚ ହେବ ସେ ସମ୍ପର୍କରେ କୁହାଯାଇନାହିଁ । ଏବେ ଏହା ଡେଭଲପମେଣ୍ଟ ଷ୍ଟେଜରେ ଥିବାରୁ ଖୁବଶୀଘ୍ର ଆସିପାରେ ।