WhatsApp Username Feature / ୟୁଜରନେମ୍ ଫିଚରକୁ ନେଇ ହ୍ବାଟ୍ସଆପ୍‌ର ସ୍ପଷ୍ଟୀକରଣ, ୟୁଜରନେମ୍ ତିଆରି କରିବା ବାଧ୍ୟତାମୂଳକ ନୁହେଁ

‘ୟୁଜରନେମ୍‌’ ଫିଚରକୁ ନେଇ ସ୍ପଷ୍ଟୀକରଣ ରଖିଛି ହ୍ୱାଟ୍ସଆପ୍‌ । ଚଳିତ ବର୍ଷ ଶେଷ ଆଡକୁ ଏହା ଉପଲବ୍ଧ ହେବ । ପୂର୍ବରୁ ୟୁଜର୍ସମାନେ ନିଜ ପସନ୍ଦର ୟୁଜରନେମ୍ ସଂରକ୍ଷିତ କରୁଥିବା ବେଳେ ଗୋପନୀୟତା, ସୁରକ୍ଷା ଏବଂ ପରିଚୟ ଚୋରି ଆଦି ଆଶଙ୍କାକୁ ଦୂର କରିବା ପାଇଁ କମ୍ପାନୀ ଏହି ସ୍ପଷ୍ଟୀକରଣ ଦେଇଛି ।

ଏହି 'ୟୁଜରନେମ୍' ଫିଚରର ଉଦ୍ଦେଶ୍ୟ ହେଉଛି ୟୁଜର୍ସମାନେ ନିଜର ଫୋନ୍ ନମ୍ବର ସେୟାର ନକରି ମଧ୍ୟ ହ୍ୱାଟ୍ସଆପ୍‌ରେ ପରସ୍ପର ସହ ଯୋଡି ହୋଇପାରିବେ । ବିଶେଷ କରି ଗ୍ରୁପ୍ ଚାଟ୍ ଏବଂ ନୂଆ କଣ୍ଟାକ୍ଟଗୁଡ଼ିକ ସହିତ ବାର୍ତ୍ତାଳାପ ସମୟରେ ଏହା ସହାୟକ ହେବ ।

ଅଧିକ ପଢ଼ନ୍ତୁ: ହ୍ବାଟ୍ସଆପ୍‌ର ନୂଆ Username ଫିଚରର ଯାଞ୍ଚ କରିବେ କେନ୍ଦ୍ର ସରକାର, ଅନଲାଇନ୍‌ ଫ୍ରଡ୍‌ ଆଶଙ୍କାରେ ବଡ଼ ପଦକ୍ଷେପ

ଏହି ବାର୍ଷିକ ରୋଲ୍‌ଆଉଟ୍ ପୂର୍ବରୁ ହ୍ୱାଟ୍ସଆପ୍ କିଛି ପ୍ରଶ୍ନର ଉତ୍ତର ଦେଇଛି । ହ୍ୱାଟ୍ସଆପ୍ କହିଛି ଯେ ଏହି ଫିଚର୍ସ ସମ୍ପୂର୍ଣ୍ଣ ଇଚ୍ଛାଧୀନ ହେବ । ୟୁଜର୍ସମାନଙ୍କ ପାଇଁ ୟୁଜରନେମ୍ ତିଆରି କରିବା ବାଧ୍ୟତାମୂଳକ ନୁହେଁ । 'ମେଟା ଭେରିଫାଇଡ୍' ଆକାଉଣ୍ଟଗୁଡ଼ିକର ନାମକୁ ସୁରକ୍ଷିତ ରଖାଯାଇଛି । ଯେପରି କେହି ସେମାନଙ୍କ ନାମରେ ନକଲି ଆକାଉଣ୍ଟ ଖୋଲି ନପାରିବେ । ଗୋପନୀୟତା ଚିନ୍ତାକୁ ନେଇ ହ୍ୱାଟ୍ସଆପ୍ କହିଛି ଯେ ଫୋନ୍ ନମ୍ବର ଭଳି ୟୁଜରନେମକୁ ମଧ୍ୟ ପ୍ଲାଟଫର୍ମରେ ସର୍ଚ୍ଚ କରାଯାଇପାରିବ ନାହିଁ ।

Username reservations are here, as more and more people claim theirs, here’s answers to the top questions you’re asking ⬇️

Q: Are usernames mandatory?

A: Nope, they are optional.

Q: What if the username I want isn’t available?

A: There’s a few reasons you might not be able to…

— WhatsApp (@WhatsApp) July 1, 2026

ଯେତେବେଳେ ଏହି ଫିଚର ସମ୍ପୂର୍ଣ୍ଣ କାର୍ଯ୍ୟକ୍ଷମ ହେବ, ସେତେବେଳେ କୌଣସି ନୂଆ କଣ୍ଟାକ୍ଟରୁ ମେସେଜ୍ ଆସିଲେ, ୟୁଜର୍ସଙ୍କୁ ସେହି ସେଣ୍ଡରଙ୍କ ଦେଶ ଏବଂ ଆକାଉଣ୍ଟ ବିବରଣୀ ସହିତ ସୁରକ୍ଷା ସୂଚନା ମିଳିବ ।

ଏହାସହ ବ୍ଲକ୍ ଏବଂ ରିପୋର୍ଟ କରିବାର ସୁବିଧା ମଧ୍ୟ ରହିବ । ୟୁଜର୍ସମାନେ ଚାହିଁଲେ ଯେ କୌଣସି ସମୟରେ ଅପଡେଟ୍ ବା ରିସେଟ୍ କରି ଅଜଣା ବ୍ୟକ୍ତିଙ୍କ ମେସେଜ୍ ଆସିବା ବନ୍ଦ କରିପାରିବେ । ସେପଟେ କେନ୍ଦ୍ର ସରକାର ମେଟା ମାଲିକାନାରେ ଥିବା ହ୍ୱାଟ୍ସଆପ୍‌କୁ ନିର୍ଦ୍ଦେଶ ଦେଇଛନ୍ତି ଯେ ସରକାରଙ୍କ ସହ ଆଲୋଚନା ଶେଷ ନହେବା ପର୍ଯ୍ୟନ୍ତ ଏହି ପ୍ରସ୍ତାବିତ ୟୁଜରନେମ୍ ଫିଚରକୁ ରୋଲ୍‌ଆଉଟ୍ କରାଯାଇପାରିବ ନାହିଁ ।