Microsoft / ୭୦ ଦେଶରେ ଠପ୍ ଥିଲା Microsoftର ବିଭିନ୍ନ ସେବା; ଠିକ୍ କରିବାକୁ ଲାଗିଲା ୩୬ ଘଣ୍ଟା

ନୂଆଦିଲ୍ଲୀ: ଦୀର୍ଘ ଘଣ୍ଟାର ଆଉଟେଜ୍ (ଅଚଳାବସ୍ଥା) ପରେ କାମ କରିବା ଆରମ୍ଭ କରିଛି ମାଇକ୍ରୋସଫ୍ଟର ସର୍ଭିସେସ୍ । ପ୍ରାୟ ୩୬ ଘଣ୍ଟା ପର୍ଯ୍ୟନ୍ତ ମାଇକ୍ରୋସଫ୍ଟର ବିଭିନ୍ନ ସେବା କାମ କରୁନଥିଲା । ଏବେ ସମସ୍ତ ସେବା ସ୍ଵାଭାବିକ ଭାବେ କାମ କରୁଛି । ଆଉଟଲୁକ୍, ଟିମ୍ସ, କୋ-ପାଇଲଟ୍ ଆଦି ସ୍ଵାଭାବିକ ସ୍ଥିତିକୁ ଫେରିଛି ।

ଶନିବାର ମାକ୍ରୋସଫ୍ଟ ପକ୍ଷରୁ ଦିଯାଇଥିବା ସୂଚନାରେ କୁହାଯାଇଛି ଯେ, ନଭେମ୍ବ ୧୪ ତାରିଖରେ ବୈଷୟିକ ସମସ୍ୟାକୁ ଠିକ୍ କରି ଦିଆଯାଇଛି । ପୂର୍ବରୁ ଅଫିସ୍ ଟୁଲ୍ସ, ଇମେଲ୍ସ ଓ ଅନ୍ୟ ସେବା ବ୍ୟବହାର କରୁଥିବା ଲକ୍ଷ ଲକ୍ଷ ବ୍ୟବହାରକାରୀ ସମସ୍ୟାର ସମ୍ମୁଖିନ ହୋଇଥିଲେ । ଏବେ ସମସ୍ତ ସମସ୍ୟା ଦୂର ହୋଇଛି ।

ଏଥିସହ ପଢ଼ନ୍ତୁ: ୩ ବର୍ଷ ମଧ୍ୟରେ ବିଶ୍ୱକୁ କବ୍‌ଜା କରିବ AI! ମାନବଜାତି ପାଇଁ ଆସୁଛି ବଡ଼ ବିପଦ 

Microsoftର ଏହି ଅଚଳାବସ୍ଥା ପାଇଁ ବିଶ୍ଵବ୍ଯାପୀ ବିଭିନ୍ନ କମ୍ପାନୀଙ୍କୁ କ୍ଷତି ସହିବାକୁ ପଡ଼ିଛି । ଏକ ଅନୁମାନ ଅନୁସାରେ ମାଇକ୍ରୋସଫ୍ଟର ଅଚଳାବସ୍ଥା ଯୋଗୁଁ ପ୍ରତି ଘଣ୍ଟାରେ ପ୍ରାୟ ୯୪ ଲକ୍ଷ ଟଙ୍କା କ୍ଷତି ହୋଇଛି । ଏଭଳି ଭାବେ ୩୬ ଘଣ୍ଟାରେ କୋଟି କୋଟି ଟଙ୍କା ହରାଇଛନ୍ତି କମ୍ପାନୀ । ତେବେ, ମୋଟ କେତେ ଟଙ୍କା କ୍ଷତି ହୋଇଛି ତାର ପ୍ରକୃତ ଆକଳନ ସାମ୍ନାକୁ ଆସି ନାହିଁ ।

We are deeply sorry for the disruption this incident has caused our customers and partners. We know the trust they place in our services and take that responsibility extremely seriously. We are seeing broad recovery and stability across our services. This was a technical issue not related to cyber or AI / agents. The incident was introduced by an issue during an earlier network capacity upgrade that surfaced following a recent network change. We have addressed the underlying issue and continue to restore service to remaining customers and regions. Given the scale of demand, we restored services gradually, validating stability at each stage. While this took longer, it helped ensure a stable restoration. We will provide a full post-incident report once our review is complete.

— Microsoft (@Microsoft) November 13, 2026

୭୦ ଦେଶରେ ପ୍ରଭାବ

ରିପୋର୍ଟ ଅନୁସାରେ, ମାଇକ୍ରୋସଫ୍ଟର ଆଉଟେଜର ପ୍ରଭାବ ବିଶ୍ଵର ୭୦ଟି ଦେଶରେ ପଡ଼ିଛି । ବିଭିନ୍ନ କମ୍ପାନୀ, ସରକାରୀ ସଂସ୍ଥା ଓ ସାଧାରଣ ଲୋକେ ମଧ୍ୟ ଅସୁବିଧାର ସମ୍ମୁଖିନ ହୋଇଛନ୍ତି । ଏବେ ସମସ୍ତ ବ୍ୟବହାରକାରୀ ସମସ୍ତ ପ୍ରକାର ସେବାର ବ୍ୟବହାର କରି ପାରୁଥିବା ମାଇକ୍ରୋସଫ୍ଟ ସୂଚନା ଦେଇଛି ।

କ୍ଷମା ମାଗିଲା ମାଇକ୍ରୋସଫ୍ଟ

ବଡ଼ ଧରଣର ଅଚଳାବସ୍ଥା ପରେ ମାଇକ୍ରୋସଫ୍ଟ କ୍ଷମା ମାଗିଛି । ଏହା ଉପରେ ଏକ ବିସ୍ତୃତ ବିବରଣୀ ଜାରି କରାଯିବ ବୋଲି କମ୍ପାନୀ ପକ୍ଷରୁ କୁହାଯାଇଛି । ରିପୋର୍ଟରେ କୁହାଯିବ କେଉଁ ସ୍ଥିତିରେ ଏବଂ କାହିଁକି ଏତେ ବଡ଼ ବିଭ୍ରାଟ ଘଟିଲା ।

ମାଇକ୍ରୋସଫ୍ଟଟର ବିଭିନ୍ନ ସେବା ବ୍ୟବହାରରେ ବ୍ୟବହାରକାରୀ ଅସୁବିଧାର ସମ୍ମୁଖିନ ହେଉଥିଲେ । ମେଲ୍ ବକ୍ସ ଖୋଲିବାରେ ଅସୁବିଧା ହେଉଥିଲା । ପ୍ରଥମେ ମେଲ୍‌ରୁ ଆରମ୍ଭ ହୋଇଥିବା ସମସ୍ୟା ଟିମ୍ସ, କୋ-ପାଇଲଟ, ସେୟାରପଏଣ୍ଟ, ପ୍ଳାନ, ଆଦି ଅନ୍ୟ ଅଫିସ୍ ଆପ୍ଳିକେସନରେ ଦେଖିବାକୁ ମିଳିଥିଲା ।

ଏଥିସହ ପଢ଼ନ୍ତୁ: ସଫଳତାର ଶିଖରରେ ଥିଲେ, ଏବେ ପ୍ରେମ ବିବାଦରେ ଫସିଲେ! ୩ ମହିଳାଙ୍କ ସହ ସମ୍ପର୍କକୁ ନେଇ ଚର୍ଚ୍ଚାରେ ଏହି ବ୍ୟକ୍ତି 

ଅଚଳାବସ୍ଥାର କାରଣ

ମାଇକ୍ରୋସଫ୍ଟ ଏହା ପଛର କାରଣ ବୈଷୟିକ ସମସ୍ୟା ବୋଲି କହିଛି । କମ୍ପାନୀ ଅନୁସାରେ, ନେଟୱକ କ୍ଷମତା ବୃଦ୍ଧି ବେଳେ ସମସ୍ୟା ଆସିଥିଲା । ଏହା କୌଣସି ସାଇବର ଆକ୍ରମଣ କିମ୍ବା ଏଥିରେ AI ଏଜେଣ୍ଟଙ୍କ କୌଣସି ଭୂମିକ ନଥିବା ମାଇକ୍ରୋସଫ୍ଟ ପକ୍ଷରୁ କୁହାଯାଇଛି ।