Amarnath Yatra 2026 latest update / ଶେଷ ପର୍ଯ୍ୟାୟରେ ପହଞ୍ଚିଲା ଅମରନାଥ ଯାତ୍ରା; ଗୁମ୍ଫା ମନ୍ଦିର ଅଭିମୁଖେ ବାହାରିଲା ଧର୍ମଦଣ୍ଡ

Amarnath Yatra 30 August conclusion: ବାବା ବର୍ଫାନୀ (ଅମରନାଥ) ଙ୍କ ବାର୍ଷିକ ଯାତ୍ରାର ମୁଖ୍ୟ ପର୍ଯ୍ୟାୟ ଶନିବାର ( ୨୨ ଅଗଷ୍ଟ) ଠାରୁ ଆରମ୍ଭ ହୋଇଯାଇଛି। ପବିତ୍ର ଗଦାର ରକ୍ଷକ ମହନ୍ତ ଦୀପେନ୍ଦ୍ର ଗିରି ପାରମ୍ପରିକ ରୀତିନୀତି ଏବଂ ପ୍ରାର୍ଥନା ପରେ "ପବିତ୍ର ଛଡ଼ି ମୁବାରକ" କୁ ଗୁମ୍ଫା ମନ୍ଦିର ଅଭିମୁଖେ ନେଇ ଯାଇଥିଲେ। ଗୁମ୍ଫା ମନ୍ଦିରରେ ପବିତ୍ର ଗଦାର ଆଗମନ ସହିତ ବାର୍ଷିକ ଅମରନାଥ ଯାତ୍ରା ଶେଷ ହୋଇଥାଏ।

ଶନିବାର ପ୍ରସ୍ଥାନ କରିଛି ଛଡ଼ି ମୁବାରକ
ମହନ୍ତ ଦୀପେନ୍ଦ୍ର ଗିରି କହିଛନ୍ତି, "ଶନିବାର ଶ୍ରାବଣ ମାସ ଶୁକ୍ଲ ପକ୍ଷ ଦଶମୀ ତିଥିରେ, ଆମେ ପବିତ୍ର "ଛଡ଼ି ମୁବାରକ" ସହିତ ମୁଖ୍ୟ ଯାତ୍ରା ପାଇଁ ପ୍ରସ୍ଥାନ କରୁଛୁ। ଆମେ ଆଜି (୨୨ ଅଗଷ୍ଟ) ଏବଂ ଆସନ୍ତାକାଲି (୨୩ ଅଗଷ୍ଟ) ପହଲଗାମ ଠାରେ ବିଶ୍ରାମ ନେବୁ। ସେହିପରି ସୋମବାର (୨୪ ଅଗଷ୍ଟ) ରାତିରେ ଚନ୍ଦନବାଣି ଏବଂ ମଙ୍ଗଳବାର (୨୫ ଅଗଷ୍ଟ) ଶେଷନାଗ ଠାରେ ଅବସ୍ଥାନ କରିବୁ। ତାରିଖରେ ସାମାନ୍ୟ ପରିବର୍ତ୍ତନ ହେତୁ ଚଳିତ ବର୍ଷ ପଞ୍ଚତରଣୀ ଠାରେ ୨ ରାତିର ବିଶ୍ରାମ ହେବ। ଆମେ ଆସନ୍ତା ବୁଧବାର-ଗୁରୁବାର (ଅଗଷ୍ଟ ୨୬-୨୭) ରାତିରେ ଆମେ ସେଠାରେ ରାତ୍ରୀ ଯାପନ କରିବୁ।

ଏହା ସହ ପଢନ୍ତୁ: କାହଁକି ଜଲଦି ଅନ୍ତର୍ଦ୍ଧାନ ହୋଇଗଲେ ବାବା ବର୍ଫାନୀ? ସାମ୍ନାକୁ ଆସିଲା ୩ କାରଣ

ମହନ୍ତ ଦୀପେନ୍ଦ୍ର ଗିରି କହିଛନ୍ତି ଯେ ଅଗଷ୍ଟ ୨୮ ତାରିଖ ଶୁକ୍ରବାର ଶ୍ରାବଣ ପୂର୍ଣ୍ଣିମା ଅବସରରେ "ପବିତ୍ର ଛଡ଼ି ମୁବାରକ" କୁ ପବିତ୍ର ଗୁମ୍ଫା ଅଭିମୁଖେ ନିଆଯିବ। ଯେଉଁଠାରେ ମାଆ ପାର୍ବତୀଙ୍କ ଅନୁରୋଧରେ, ଭଗବାନ ଶିବ ସେହି କାହାଣୀ ବର୍ଣ୍ଣନା କରିଥିଲେ, ଯାହାକୁ ଶୁଣିବା ପରେ କୌଣସି ଜୀବ ଜନ୍ମ-ମୃତ୍ୟୁ ଚକ୍ରରୁ ମୁକ୍ତି ପାଇଯାଏ। "ଛଡ଼ି ମୁବାରକ" କୁ ବୈଦିକ ମନ୍ତ୍ର ସହିତ ପବିତ୍ର ଗୁମ୍ଫାରେ ସ୍ଥାପନ କରାଯିବା ସହ ପାରମ୍ପରିକ ପୂଜାର୍ଚ୍ଚନା ସହ ପ୍ରାର୍ଥନା କରାଯିବ।

ଅଗଷ୍ଟ ୩୦ ତାରିଖରେ ଶେଷ ହେବ ଅମରନାଥ ଯାତ୍ରା
ପୂଜାର୍ଚ୍ଚନା ଏବଂ ପ୍ରାର୍ଥନା ପରେ ଅଗଷ୍ଟ ୨୮ ତାରିଖ ରାତିରେ ପଞ୍ଚତରଣୀରେ ଆଉ ଏକ ରାତ୍ରୀ ରହଣୀ ହେବ। ୨୯ ଅଗଷ୍ଟ ସକାଳେ, ଶୋଭାଯାତ୍ରା ଏଠାରୁ ଶେଷନାଗ ଏବଂ ଚନ୍ଦନବାଣୀ ଦେଇ ପ୍ରସ୍ଥାନ କରିବ ଏବଂ ଏହା ପରେ ପହଲଗାମ ଠାରେ ରାତ୍ରୀଯାପନ କରିବ। ଅଗଷ୍ଟ ୩୦ ତାରିଖରେ, ଲିଦ୍ଦର ନଦୀ କୂଳରେ "ଛଡ଼ି ମୁବାରକ" ପୂଜା ଏବଂ ବିସର୍ଜନ ପରେ ଏବଂ ସାଧୁସନ୍ଥଙ୍କ ପାଇଁ ଏକ ଭୋଜି ପରେ ଅମରନାଥ ଯାତ୍ରା ଶେଷ ହେବ।