Indian Railways Rules / ୬ ମାସ ଜେଲ, ₹୨୦୦୦ ଜୋରିମାନା...ଟିକେଟ୍‌କୁ ନେଇ କରୁନାହାନ୍ତି ତ ଏହି ଭୁଲ୍ ?

ନୂଆଦିଲ୍ଲୀ: ଭାରତରେ ଦୂର ସ୍ଥାନକୁ ଯାତ୍ରା କରିବାକୁ ହେଲେ ପ୍ରଥମ ପସନ୍ଦ ପାଲଟେ ଟ୍ରେନ୍ । ଭାରତୀୟ ରେଳବାଇର ଯାତ୍ରୀମୁଖୀ ଯୋଜନା ଲାଗି ଅନେକ ପାଖ ସ୍ଥାନକୁ ଏଥିରେ ଯିବାକୁ ପସନ୍ଦ କରନ୍ତି । ପ୍ରତିଦିନ ଲକ୍ଷ ଲକ୍ଷ ସଂଖ୍ୟାରେ ଭାରତୀୟ ଟ୍ରେନ୍‌ରେ ଯାତ୍ରା କରିଥାନ୍ତି । ତେବେ ଠକେଇକୁ ଏଡ଼ାଇବା ଓ ଶୃଙ୍ଖଳା ବଜାୟ ରଖିବା ପାଇଁ ରେଳବାଇ କିଛି ନିୟମ ସ୍ଥାପନ କରିଛି । ଯେଉଁଥିରେ ଯାତ୍ରୀମାନେ ସାଙ୍ଗରେ ନେଉଥିବା ଜିନିଷପତ୍ରଠାରୁ ଆରମ୍ଭ କରି ଏସି ଏବଂ ସ୍ଲିପର କୋଚରେ ଯାତ୍ରା କରିବା ପର୍ଯ୍ୟନ୍ତ ସାମିଲ ।

ଭାରତର ଅଧିକାଂଶ ଜନସଂଖ୍ୟା ଏବେ ବି ଟ୍ରେନରେ ଯାତ୍ରା କରନ୍ତି । କିପରି ସମସ୍ତଙ୍କ ଯାତ୍ରା ଏକ ସ୍ମରଣୀୟ ଯାତ୍ରା ରହିବ ଓ ଯାତ୍ରୀମାନେ ଯାତ୍ରାବେଳେ କୌଣସି ଅପ୍ରୀତିକର ଅନୁଭବକୁ ଏଡ଼ାଇବା ସେଥିପ୍ରତି ଇଣ୍ଡିଆନ ରେଲୱେ ବିଶେଷ ଦାୟିତ୍ଵ ଦେଇଥାଏ । କିଛି ନିୟମ ଏପରି ରହିଛି ଯାହାକୁ ଉଲ୍ଲଙ୍ଘନ କଲେ ଯାତ୍ରୀଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଏ । ଏପରିକି ଯାତ୍ରୀମାନଙ୍କୁ ଜେଲଦଣ୍ଡ ମଧ୍ୟ ଭୋଗିବାକୁ ପଡ଼ିପାରେ ।

• ଅନ୍ୟ ଟିକେଟରେ ଯାତ୍ରା କରିପାରିବେ ନାହିଁ

ଆପଣ ଅନ୍ୟ କାହା ନାମରେ ଟିକେଟରେ ଯାତ୍ରା କରିପାରିବେ ନାହିଁ । ଏପରି ଏକ ନିୟମ ରେଳ ଟିକେଟ୍ ପାଇଁ ପ୍ରଯୁଜ୍ୟ, ଯାହା ଆପଣଙ୍କୁ ଅନ୍ୟ କାହା ନାମରେ ଜାରି ହୋଇଥିବା ଟିକେଟ୍ ବ୍ୟବହାର କରିବାରୁ ନିଷେଧ କରେ । ଅନ୍ୟ କାହାର ଟିକେଟରେ ଯାତ୍ରା କଲେ ଭାରି ଜୋରିମାନା ଦେବାକୁ ପଡ଼ିବ । ଧରାପଡ଼ିବା ପରେ ମଧ୍ୟ ଯଦି ଆପଣ ଏହି ନିୟମକୁ ଅଣଦେଖା କରନ୍ତି, ତେବେ ଆପଣଙ୍କୁ ଜେଲ୍ ଦଣ୍ଡ ମଧ୍ୟ ହୋଇପାରେ । ଏହି ସୂଚନା ରେଳ ମନ୍ତ୍ରଣାଳୟ ଦ୍ୱାରା ହିଁ ଦିଆଯାଇଛି ।

• ଅତିରିକ୍ତ ଶୁଳ୍କ ୫୦୦ ଟଙ୍କା

ଭାରତୀୟ ରେଳବାଇ କହିଛି ଯେ ଅନ୍ୟ କାହାର ଟିକେଟରେ ଯାତ୍ରା କଲେ ରେଳବାଇ ଆଇନ, ୧୯୯୮ର ଧାରା ୧୪୨ ଅନୁଯାୟୀ ମାମଲା ରୁଜୁ କରାଯିବ । ଯାତ୍ରୀମାନଙ୍କ ଟିକେଟ ପ୍ରଥମେ ଜବତ କରାଯିବ ଏବଂ ସେମାନଙ୍କୁ ଆଉ ଯାତ୍ରା କରିବାରୁ ବାରଣ କରାଯିବ । ଟ୍ରେନ୍ ଛାଡିବା ସମୟରୁ ସମ୍ପୂର୍ଣ୍ଣ ଭଡ଼ା ନିଆଯିବ ଏବଂ ଭଡ଼ା ସହିତ ସର୍ବନିମ୍ନ ₹୫୦୦ ଶୁଳ୍କ ଆଦାୟ କରାଯିବ ।

• ୬ ମାସ ଜେଲଦଣ୍ଡ ହୋଇପାରେ

ଭଡ଼ା ଏବଂ ଅତିରିକ୍ତ ଶୁଳ୍କ ଦେବାରେ ବିଫଳ ହେଲେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ । ଏହା ନ କରିବା ଦ୍ୱାରା ୬ ମାସ ପର୍ଯ୍ୟନ୍ତ ଜେଲଦଣ୍ଡ ଏବଂ ₹୨୦୦୦ ପର୍ଯ୍ୟନ୍ତ ଜରିମାନା କିମ୍ବା ଉଭୟ ହୋଇପାରେ । ଅନ୍ୟ କାହା ନାମରେ ଜାରି ହୋଇଥିବା ଟିକେଟରେ ଯାତ୍ରା କରିବା ସମ୍ପୂର୍ଣ୍ଣ ବେଆଇନ । ଏହି ନିୟମଗୁଡ଼ିକୁ କଡ଼ାକଡ଼ି ପାଳନ କରେ ରେଳବାଇ ।

ପଢନ୍ତୁ ଏହି ଖବର: ଯଦି ଆପଣ ଛୋଟ ପିଲାମାନଙ୍କ ସହିତ ପାହାଡକୁ ଯିବାର ଯୋଜନା କରୁଛନ୍ତି, ତେବେ ଏହି ୭ଟି କଥା ମନେ ରଖନ୍ତୁ...

• ଏହି କଥା ମନେ ରଖନ୍ତୁ

ରେଳବାଇ ପରାମର୍ଶ ଦେଉଛି ଯେ ଆପଣ କେବଳ ଆପଣଙ୍କ ନାମରେ ଜାରି ହୋଇଥିବା ଟିକେଟରେ ଯାତ୍ରା କରନ୍ତୁ । ଅନ୍ୟ କାହା ନାମରେ ଜାରି ହୋଇଥିବା ଟିକେଟରେ ଯାତ୍ରା କରିବା ସମ୍ପୂର୍ଣ୍ଣ ବେଆଇନ । ଏହା ଧ୍ୟାନ ଦେବା ଉଚିତ ଯେ, ରେଳବାଇ ଏହା ସ୍ପଷ୍ଟ କରିଛି ଯେ ଆପଣ ଆପଣଙ୍କ ନାମରେ ଜାରି ହୋଇଥିବା ଟିକେଟକୁ ଅନ୍ୟ ଯାତ୍ରୀଙ୍କ ନାମରେ ସ୍ଥାନାନ୍ତର କରିପାରିବେ । ଏଥିପାଇଁ କୌଣସି ଦଣ୍ଡ ଦିଆଯିବ ନାହିଁ ।