Ayodhya Diwali Celebration Updates / ୩୦ ଲକ୍ଷ ଦୀପରେ ଆଲୋକିତ ହୋଇଉଠିଲା ରାମ ନଗରୀ; ଭାଙ୍ଗିଲା ପୁରୁଣା ରେକର୍ଡ଼

ଆନନ୍ଦ ଉଲ୍ଲାସର ସହ ସମଗ୍ର ଦେଶରେ ପାଳିତ ହେଉଛି ଆଲୋକର ପର୍ବ ଦୀପାବଳି। ଆଲୋକର ଏହି ପର୍ବ ଅନ୍ଧାର ଉପରେ ଆଲୋକର ବିଜୟକୁ ପ୍ରତୀକ କରେ। ଏହି ଅବସରରେ ଉତ୍ସବ ମୁଖର ହୋଇଉଠିଥିଲା ରାମ ନଗରୀ ଅଯୋଧ୍ୟା। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରଭୁ ଶ୍ରୀରାମଙ୍କ ରଥ ଟାଣି ଚଳିତ ବର୍ଷ ଆୟୋଜିତ ହେଉଥିବା ଦଶମ ଦୀପୋତ୍ସବର ଶୁଭାରମ୍ଭ କରିଥିଲେ। ଉପରାଷ୍ଟ୍ରପତି ତାଙ୍କୁ ସ୍ୱାଗତ କରିଥିଲେ ଏବଂ ତିଳକ ଲଗାଇଥିଲେ। ଏଥର ରାମ ନଗରୀରେ ୩୦ ଲକ୍ଷ ଦୀପ ଜଳାଇ ସମଗ୍ର ସହରକୁ ଦିବ୍ୟ ଆଲୋକରେ ଆଲୋକିତ କରାଯାଇଥିଲା।

ଅଯୋଧ୍ୟା ଦୀପୋତ୍ସବ ସମୟରେ, ସରୟୁ ଘାଟରେ ଏକ ମହାନ ଆରତୀ ଅନୁଷ୍ଠିତ ହୋଇଥିଲା। ଯେଉଁଥିରେ ଉପରାଷ୍ଟ୍ରପତି ସିପି ରାଧାକ୍ରୀଷ୍ଣନ୍, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ଅନେକ ମନ୍ତ୍ରୀ ଯୋଗ ଦେଇଥିଲେ। ରାମ କି ପୌଡ଼ି ଏବଂ ସରୟୁ ଘାଟକୁ ରଙ୍ଗୀନ ଲେଜର ଲାଇଟ୍ ଶୋ ଏବଂ ଲକ୍ଷ ଲକ୍ଷ ଦୀପରେ ଆଲୋକିତ କରାଯାଇଥିଲା। ସ୍ୱେଚ୍ଛାସେବକ ନିରନ୍ତର ଦୀପ ଜାଳି ସମଗ୍ର ଅଞ୍ଚଳରେ ଏକ ଚମତ୍କାର ଉତ୍ସବ ପରିବେଶ ସୃଷ୍ଟି କରିଥିଲେ।

ଦୀପୋତ୍ସବ ଶୋଭାଯାତ୍ରାରେ ଫୁଲ ବୃଷ୍ଟି କରିଥିଲେ ଇକବାଲ ଅଂସାରୀ
ଅଯୋଧ୍ୟାରେ ଆୟୋଜିତ ହୋଇଥିବା ଦୀପୋତ୍ସବ ସମୟରେ, ରାମ ଜନ୍ମଭୂମି-ବାବ୍ରୀ ମସଜିଦ ବିବାଦର ପୂର୍ବତନ ମକଦ୍ଦମାକାରୀ ଇକବାଲ ଅଂସାରୀ ତାଙ୍କ ଅଞ୍ଚଳର ଲୋକଙ୍କ ସହିତ ଫୁଲ ବୃଷ୍ଟି କରି ଶୋଭାଯାତ୍ରାକୁ ସ୍ୱାଗତ କରିଥିଲେ। ସେ କହିଥିଲେ ଯେ ସେ ସମସ୍ତ ପର୍ବରେ ଅଂଶଗ୍ରହଣ କରନ୍ତି ଏବଂ ଅଯୋଧ୍ୟା ପ୍ରେମ, ସଦ୍ଭାବ ଏବଂ ଭାଇଚାରାର ବାର୍ତ୍ତା ଦିଏ। ସେ କହିଛନ୍ତି ଯେ ସାରା ବିଶ୍ୱରୁ ଲୋକ ୩୦ ଲକ୍ଷ ଦୀପରେ ଆଲୋକିତ ଅଯୋଧ୍ୟା ନଗରୀକୁ ଦେଖିବାକୁ ଆସୁଛନ୍ତି।

ଏହା ସହ ପଢନ୍ତୁ: ଦୀପୋତ୍ସବ ପାଇଁ ପ୍ରସ୍ତୁତ ଅଯୋଧ୍ୟା; ୩୦ ଲକ୍ଷ ଦୀପରେ ଝଲସି ଉଠିବ ରାମ ନଗରୀ

୫୦୦ ବର୍ଷର ସଂଘର୍ଷ ପରେ ସିଂହାସନରେ ବିରାଜମାନ କରିଛନ୍ତି ରାମ ଲଲ୍ଲା: ମୁଖ୍ୟମନ୍ତ୍ରୀ ଯୋଗୀ
ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ତାଙ୍କ ଅଭିଭାଷଣରେ କହିଥିଲେ ଯେ ଅଯୋଧ୍ୟା ଏହାର ଇତିହାସରେ ଅନେକ ଚ୍ୟାଲେଞ୍ଜର ସମ୍ମୁଖୀନ ହୋଇଛି। ରାମ ଭକ୍ତ, ସନ୍ଥ, ନିହଙ୍ଗ ଏବଂ ସମାଜର ପ୍ରତ୍ୟେକ ବର୍ଗ ସାହସର ସହିତ ସେମାନଙ୍କ ସହିତ ଲଢ଼ିଛନ୍ତି। ଏହି ୫୦୦ ବର୍ଷର ସଂଘର୍ଷ ସମୟରେ, ରାମ ଲଲ୍ଲା କେବେ ତାଙ୍କ ଜନ୍ମସ୍ଥାନରେ ସିଂହାସନ ପାଇବେ କି ନାହିଁ ତାହା ବାରମ୍ବାର ପ୍ରଶ୍ନ ଉଠିଥିଲା। ହେଲେ ପ୍ରାୟ ୫୦୦ ବର୍ଷର ସଂଘର୍ଷ ପରେ ସିଂହାସନରେ ବିରାଜମାନ କରିଛନ୍ତି ରାମ ଲଲ୍ଲା।

୨ ଦିନ ଧରି ଅଯୋଧ୍ୟାରେ ଅବସ୍ଥାନ କରିବେ ମୁଖ୍ୟମନ୍ତ୍ରୀ ଯୋଗୀ
ଚଳିତ ବର୍ଷ ଅଯୋଧ୍ୟାରେ ଦଶମ ଦୀପୋତ୍ସବ ଆୟୋଜିତ ହୋଇଯାଇଛି। ଏହି ଅବସରରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ୨ ଦିନ ଶନିବାର ଏବଂ ରବିବାର (ନଭେମ୍ବର ୭-୮) ଅଯୋଧ୍ୟାରେ ଅବସ୍ତାନ କରିବେ। ଏହି ସମୟୟରେ ସେ ପ୍ରଭୁ ଶ୍ରୀରାମଙ୍କ ସ୍ୱାଗତ, ରାଜ୍ୟାଭିଷେକ, ସରୟୁ ଆରତୀ ଏବଂ ଦୀପ ପ୍ରଜ୍ଜ୍ୱଳନ ସମେତ ବିଭିନ୍ନ କାର୍ଯ୍ୟକ୍ରମରେ ଅଂଶଗ୍ରହଣ କରିବେ। ମୁଖ୍ୟମନ୍ତ୍ରୀଙ୍କ ଉପସ୍ଥିତି ରାମନଗରୀରେ ପରମ୍ପରା, ବିଶ୍ୱାସ ଏବଂ ଆଧୁନିକ ପ୍ରଯୁକ୍ତିର ଏକ ଉଲ୍ଲେଖନୀୟ ସଙ୍ଗମ ଦେଖିବ। ପ୍ରୋଜେକ୍ସନ ମ୍ୟାପିଂ, ଲେଜର ଏବଂ ଡ୍ରୋନ୍ ଶୋ ସହିତ ରାମ ନଗରୀରେ ଦୀପ ପ୍ରଜ୍ଜ୍ୱଳନ ଏକ ଆକର୍ଷଣୀୟ ସ୍ଥାନ ହେବ।