ନୂଆଦିଲ୍ଲୀ: ଦଶହରା ପରେ ମୁମ୍ବାଇ-ବେଙ୍ଗାଲୁରୁ ବନ୍ଦେ ଭାରତ ସ୍ଲିପର ଟ୍ରେନ୍ର ଶୁଭାରମ୍ଭ ହେବାକୁ ଯାଉଛି । ଏହି ବନ୍ଦେ ଭାରତ ସ୍ଲିପର ଏକ୍ସପ୍ରେସରେ ମିଳିବ ବିମାନ ପରି ସୁବିଧା । ତେବେ ଏହି ବନ୍ଦେ ଭାରତ ସ୍ଲିପର ଟ୍ରେନ ଭାରତୀୟ ରେଳବାଇର ପ୍ରଥମ ବନ୍ଦେ ଭାରତ ସ୍ଲିପର ହେବ ଯାହାକି ମୁମ୍ବାଇରୁ ଚାଲିବ । ମୁମ୍ବାଇ-ବେଙ୍ଗାଲୁରୁ ବନ୍ଦେ ଭାରତ ସ୍ଲିପର ଟ୍ରେନ୍ ୧୧୫୩ କିଲୋମିଟର ଦୂର ଯାତ୍ରାକୁ ୨୪ ଘଣ୍ଟା ପରିବର୍ତ୍ତେ ୧୫ରୁ ୧୬ ଘଣ୍ଟାରେ ପୂରା କରିବ । ଏହି ଟ୍ରେନ୍ ଏଣିକି ଲମ୍ବା ଯାତ୍ରାକୁ ଆହୁରି ଆରାମଦାୟକ କରିବ ।
- କେତେବେଳେ ଚାଲିବ ଏହି ଟ୍ରେନ୍ ?
ଏହି ଟ୍ରେନ୍ ମୁମ୍ବାଇର ଛତ୍ରପତି ଶିବାଜୀ ମହାରାଜ ଟର୍ମିନସ୍ରୁ ସନ୍ଧ୍ୟା ସମୟରେ ଛାଡ଼ିବ, ଯାହାଦ୍ଵାରା ଅଧିକ ଭିଡ଼ ରହୁଥିବା ସମୟରେ ଯାତ୍ରୀମାନେ ଲୋକାଲ୍ ଟ୍ରେନରେ ଯାତ୍ରା କରିପାରିବେ । ମୁମ୍ବାଇ-ବେଙ୍ଗାଲୁରୁ ସ୍ଲିପର ବନ୍ଦେ ଭାରତ ମୁମ୍ବାଇରୁ ରାତି ୧୦.୩୦ଟାରୁ ବାହାରିବ ଓ ତା' ପରଦିନ ଅପରାହ୍ନ ୨.୫୦ଟାରେ ବେଙ୍ଗାଲୁରୁରେ ପହଞ୍ଚିବ । ସେହିପରି ବେଙ୍ଗାଲୁରୁରୁ ରାତି ୧୦ଟାରୁ ବାହାରିବ ଓ ତା' ପରଦିନ ଅପରାହ୍ନ ୧.୫୦ଟାରେ ମୁମ୍ବାଇରେ ପହଞ୍ଚିବ । ଏହି ଟ୍ରେନଟି ସପ୍ତାହରେ ୬ ଦିନ ଚାଲିବାକୁ ଯୋଜନା କରାଯାଉଛି ।
ଏହି ଟ୍ରେନର କୋଚ୍ଗୁଡ଼ିକୁ ଏୟାରଲାଇନ୍ସ ଏବଂ ଲଗଜୁରୀ ହୋଟେଲ ସଦୃଶ ଡିଜାଇନ୍ କରାଯାଇଛି । ପାରମ୍ପରିକ ସ୍ଲିପର୍ ଟ୍ରେନ ତୁଳନାରେ ଏଥିରେ ପ୍ରଶସ୍ତ ଏବଂ କୁଶନଯୁକ୍ତ ସିଟ୍ ରହିବ, ଯାହା ଦୀର୍ଘ ଦୂରତା ଯାତ୍ରା ସମୟରେ ଆରାମଦାୟକ ନିଦ୍ରାକୁ ସୁନିଶ୍ଚିତ କରିବ । କୋଚ୍ଗୁଡ଼ିକରେ କାଠ ଫିନିସ୍ ପ୍ୟାନେଲ୍, ଆଖିକୁ କଷ୍ଟ ଦେଉନଥିବା LED ଲାଇଟ୍ ଏବଂ କାର୍ପେଟ୍ ଫ୍ଲୋର୍ ରହିବ । ଏକ ନୂତନ ଡିଜାଇନ୍ ହୋଇଥିବା ସିଡ଼ି ଉପର ବର୍ଥକୁ ପ୍ରବେଶ ଅନୁମତି ଦେବ । କୋଚ୍ ଗୁଡ଼ିକ ସମ୍ପୂର୍ଣ୍ଣ ଶବ୍ଦପ୍ରତିରୋଧୀ ଅର୍ଥାତ୍ ବାହାର ଶବ୍ଦ ଏବଂ କମ୍ପନକୁ ଭିତରେ ଅନୁଭୂତ ହେବାରୁ ରୋକିବ ।
ଏସି ୩-ଟାୟାର: ୨୩୦୦ ଟଙ୍କା
ଏସି ୨-ଟାୟାର: ୩୦୦୦ ଟଙ୍କା
ଏସି ଫାର୍ଷ୍ଟ କ୍ଲାସ୍: ୩୬୦୦ ଟଙ୍କା
IRCTC ମୁମ୍ବାଇ-ବେଙ୍ଗାଲୁରୁ ବନ୍ଦେ ଭାରତ ସ୍ଲିପର ଏକ୍ସପ୍ରେସ୍ (୨୭୬୫୧/୨୭୬୫୨) ଏହାର ଅନବୋର୍ଡ କ୍ୟାଟରିଂରେ ଭାରତୀୟ ଖାଦ୍ୟର ସ୍ୱାଦ ପ୍ରଦାନ କରିବ । ମହାରାଷ୍ଟ୍ର ଏବଂ କର୍ଣ୍ଣାଟକର ପାରମ୍ପରିକ ଭାରତୀୟ ଖାଦ୍ୟ ଯେପରିକି ମିସାଲ ପାଓ, ବିସି ବେଲେ ଭାତ ଏବଂ ମହୀଶୂର ପାକ୍, ମେନୁରେ ସାମିଲ ହେବାର ଆଶା କରାଯାଉଛି । ଟ୍ରେନରେ ପ୍ରିମିୟମ୍ ଗୁଣବତ୍ତା ଖାଦ୍ୟ ଯୋଗାଇବା ପାଇଁ ୪-୫ ତାରକା ହୋଟେଲ, କ୍ଲାଉଡ୍ କିଚେନ୍ ଏବଂ କୁକିଂ ପାର୍ଟନରଙ୍କ ସହିତ ଆଲୋଚନା ଚାଲିଛି ।
ପଢନ୍ତୁ ଏହି ଖବର: ଟ୍ରେନ୍ ଟିକେଟ୍ ପାଇଁ ବୀମା ବାଧ୍ୟତାମୂଳକ, ସୁପ୍ରିମକୋର୍ଟଙ୍କ ବଡ଼ ରାୟ - ବନ୍ଦେ ଭାରତର ସ୍ପିଡ୍ କେତେ ରହିବ ?
ଏହି ଟ୍ରେନଗୁଡ଼ିକ ସର୍ବାଧିକ ବେଗ ଘଣ୍ଟା ପ୍ରତି ୧୮୦ କିଲୋମିଟର ପହଞ୍ଚିବ, କିନ୍ତୁ ସୁରକ୍ଷା ମାନଦଣ୍ଡ ପୂରଣ କରିବା ପାଇଁ ଏଗୁଡ଼ିକ ଘଣ୍ଟା ପ୍ରତି ୧୬୦ କିଲୋମିଟର ବେଗରେ ଚାଲିବ । ମୁମ୍ବାଇ-ବେଙ୍ଗାଲୁରୁ ରୁଟ୍ ପରେ ମୁମ୍ବାଇ-ଦିଲ୍ଲୀ ଓ ଅହମ୍ମଦାବାଦ-ଦିଲ୍ଲୀ ପରି ଅଧିକ ଭିଡ଼ ରହୁଥିବା ରୁଟ୍ରେ ବନ୍ଦେ ଭାରତ ସ୍ଲିପର ଟ୍ରେନ୍ ଚଲାଇବା ଲାଗି ଯୋଜନା କରାଯାଉଛି ।
- ମିଳିବ ଏହି ପ୍ରିମିୟମ ସୁବିଧା
ଏହି ଟ୍ରେନର ପ୍ରଥମ ଏସି କୋଚରେ ଯାତ୍ରୀମାନଙ୍କ ପାଇଁ ହଟ୍ ୱାଟର୍ ସାୱାର (ଗାଧୋଇବା ପାଇଁ ଗରମ ପାଣି( ବ୍ୟବସ୍ଥା ଅଛି । ଯାତ୍ରା ବେଳେ ବିମାନ ପରି ଏଥିରେ ଭାକ୍ୟୁମ୍ ଟଏଲେଟ୍ଗୁଡ଼ିକର ସୁବିଧା ରହିଛି । ଯାହାଦ୍ଵାରା ଟଏଲେଟ୍ରୁ ଦୁର୍ଗନ୍ଧ ଆସିବ ନାହିଁ । ବର୍ଥ ତଳେ ସ୍ଥାନ ବ୍ୟତୀତ ଉପର ବର୍ଥକୁ ଯାଉଥିବା ସିଡ଼ି ତଳେ ମୋବାଇଲ୍ ଫୋନ୍ ଏବଂ ବହି ରଖିବା ପାଇଁ ସ୍ମାର୍ଟ ଷ୍ଟୋରେଜ୍ ବ୍ୟବସ୍ଥା ମଧ୍ୟ ରହିଛି । ଯାତ୍ରୀମାନଙ୍କୁ ପର୍ସନାଲ୍ ରିଡିଂ ଲାଇଟ୍ USB ଚାର୍ଜିଂ ପୋର୍ଟ ଏବଂ ଖାଇବା ଟେବୁଲ ମଧ୍ୟ ଯୋଗାଇ ଦିଆଯିବ। ପ୍ରତ୍ୟେକ ୟୁନିଟରେ ଟ୍ରେନ ଯାତ୍ରା ସମୟରେ ଗରମ ଖାଦ୍ୟ ପରିବେଷଣ ପାଇଁ ଏକ ଉନ୍ନତ ପାଣ୍ଟ୍ରି ମଧ୍ୟ ରହିବ।
