ବାଂଲାଦେଶରେ ଇଦ୍-ଉଲ-ଅଜହାର ପ୍ରସ୍ତୁତି ଭିତରେ ସୋସିଆଲ ମିଡିଆରେ ଦୁଇଟି ମଇଁଷି ଖୁବ ଭାଇରାଲ ହେବାରେ ଲାଗିଛି । ବଜାର ଭିତରେ ଗୋଟିଏ ଜାଗାରେ ଜମୁଛି ଭିଡ଼ । ମଇଁଷି ସହ ସେଲ୍ଫି ନେବା ଲାଗି ଲାଇନ୍ ଲଗାଉଛନ୍ତି ଲୋକେ । ହୃଷ୍ଟପୃଷ୍ଟ ଶରୀର, ସ୍ଵଭାବ ଓ ଚେହେରାକୁ ନେଇ ଲୋକେ ଦୁଇ ମଇଁଷିର ନାଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଦେଇଛନ୍ତି ।

ଢାକା ନିକଟ ଏକ ଫାର୍ମରେ ରଖାଯାଇଥିବା ଏହି ମଇଁଷିକୁ ଦେଖିବା ଲାଗି ଲୋକଙ୍କ ଭିଡ଼ ଜମୁଛି । ଲୋକେ ମଇଁଷି ସହିତ ଫଟୋ ଓ ସେଲ୍ଫି ଉଠାଉଛନ୍ତି, ଏବେ ଏହି ଦୁଇ ମଇଁଷି ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ବାଂଲାଦେଶର ସ୍ଥାନୀୟ ଲୋକେ ମଧ୍ୟ ଫଟୋକୁ ନିଜ ସୋସିଆଲ ମିଡିଆ ହ୍ୟାଣ୍ଡେଲରେ ବହୁଳ ମାତ୍ରାରେ ପୋଷ୍ଟ କରୁଛନ୍ତି ।

• କାହିଁକି ଦିଆଗଲା ଏପରି ନାମ ?

ବାଂଲାଦେଶ ମିଡିଆ ଅନୁସାରେ, ଡୋନାଲ୍ଡ ଟ୍ରମ୍ପ ନାଁର ମଇଁଷିର ଓଜନ ପ୍ରାୟ ୭୦୦ କିଲୋଗ୍ରାମ । ଏହି ଟ୍ରମ୍ପର ହାଲୁକା ଚମଡ଼ା ଥିବାବେଳେ ସୁନେଲି ରଙ୍ଗର କେଶ ଅଛି, ଯେଉଁଥିଲାଗି ଲୋକେ ଏହି ମଇଁଷିର ନାମ ଟ୍ରମ୍ପ ରଖିଛନ୍ତି । କିଛି ଭ୍ରମଣକାରୀ କହିଛନ୍ତି ଯେ ଏହି ମଇଁଷିର ଚେହେରା ଟ୍ରମ୍ପଙ୍କ ପରି ଦିଶୁଛି, କିନ୍ତୁ ଏହାର ସ୍ଵଭାବ ପୁରା ଶାନ୍ତ ।

A buffalo in Bangladesh has gone viral ahead of Eid al-Adha after being nicknamed “Donald Trump” due to its unusual resemblance to the US President.

Weighing around 700kg, the buffalo was raised on a local farm in Narayanganj. It was fed a nutritious diet consisting of corn,… pic.twitter.com/VpdCrUFa2J

— • (@Alhamdhulillaah) May 11, 2026

• କଣ କହୁଛନ୍ତି ମଇଁଷି ମାଲିକ ?

ଏହି ଟ୍ରମ୍ପ ମଇଁଷି ମାଲିକ ଜିୟାଉଦ୍ଦିନ କହିଛନ୍ତି ଯେ ତାଙ୍କ ଛୋଟ ଭାଇ ଏପରି ନାମକରଣ କରିଥିଲା । ସାଧାରଣତଃ ଆଲବିନୋ ପ୍ରଜାତିର ମଇଁଷି ଶାନ୍ତ ସ୍ଵଭାବର ହୋଇଥାନ୍ତି, ଯେତେବେଳ ଯାଏଁ ପଶକୁ ଉସୁକାଇନଥାନ୍ତି ଲୋକେ । ରିପୋର୍ଟ ଅନୁସାରେ, ବକ୍ରିଦ୍ ପୂର୍ବରୁ ଏହି ମଇଁଷି ବିକ୍ରି ହୋଇସାରିଛି । ଅନ୍ୟପଟେ ବେଞ୍ଜାମିନ୍ ନେତାନ୍ୟାହୁ ନାଁରେ ମଧ୍ୟ ଏକ ମଇଁଷି ରହିଛି, ଯାହାକି ଭାଇରାଲ ହେଉଛି । ଏହାର ଓଜନ ୭୫୦ କେଜିରୁ ଅଧିକ ଏବଂ ଏହାର ସ୍ଵଭାବ ଟ୍ରମ୍ପ ମଇଁଷିର ପୁରା ଓଲଟା ।

ପଢନ୍ତୁ ଏହି ଖବର: ଯାହାକୁ ଦେଖୁଛି ତାକୁ କାମୁଡୁଛି ଗୁଣ୍ଡୁଚିମୂଷା; ଆହତ ହେଲେଣି ୧୮ ଜଣ

• ନେତାନ୍ୟାହୁ ମଇଁଷିର ସ୍ଵଭାବ

ଫାର୍ମରେ ଥିବା ଲୋକଙ୍କ କହିବାନୁସାରେ, ଏହି ମଇଁଷିର ସ୍ଵଭାବ ଆକ୍ରମଣପୂର୍ଣ୍ଣ । ଏହା ବେଶ ଜୋରରେ ଗର୍ଜନ କରେ ଏବଂ ହ୍ୟାଣ୍ଡଲରଙ୍କ ଆଡ଼କୁ ଦୌଡ଼େ । ଏହି ମଇଁଷିର ଆଚାର କେତେବେଳେ ବି ବଦଳିପାରେ । ଏଣୁ ଲୋକେ ଏହାଠାରୁ ସାବଧାନ ରହିଥାନ୍ତି । ହଠାତ୍ ଆକ୍ରମଣ କରୁଥିବାରୁ ଲୋକଙ୍କୁ କ୍ଷତି ପହଞ୍ଚିଥାଏ ।