Medical Success / ରୋଗୀଙ୍କୁ ଛୋଟ ପଡ଼ିଲା ଅପରେସନ୍ ବେଡ୍; ୩୨ ଦିନରେ କମାଇଲେ ୪୯ କେଜି ଓଜନ

ନୂଆଦିଲ୍ଲୀ: ବେଳେବେଳେ କିଛି ରୋଗୀଙ୍କ ତୁରନ୍ତ ଅପରେସନ କରାଯାଏ ନାହିଁ, ପ୍ରଥମେ ସେମାନଙ୍କୁ ଅପରେସନ୍ କରିବା ପାଇଁ ଯୋଗ୍ଯ କରାଯାଏ । ଏମ୍ସ ଦିଲ୍ଲୀରେ ଏପରି ଏକ ଖବର ସାମ୍ନାକୁ ଆସିଛି, ଯେଉଁଠି ଜଣେ ୩୨ ବର୍ଷୀୟ ଯୁବକଙ୍କ ଓଜନ ଏତେ ଅଧିକ ଥିଲା ଯେ ତାଙ୍କୁ ସାଧାରଣ ଅପରେସନ ଟେବୁଲ୍‌ରେ ଶୁଆଇବା ଅସମ୍ଭବ ଥିଲା । ୨୦୯ କେଜି ଓଜନ, ୧୯୮ ସେମିର ପେଟ ଓ ଶ୍ଵାସକ୍ରିୟା କରିବାରେ ବଡ଼ ସମସ୍ୟା । ଅବସ୍ଥା ଏପରି ଥିଲା ଯେ ଡାକ୍ତର ଅପରେସନ କରିବା ପୂର୍ବରୁ ଚିକିତ୍ସା କରିବାର ପଦ୍ଧତିକୁ ପରିବର୍ତ୍ତନ କଲେ।

ପ୍ରାୟ ୧ ମାସ ପର୍ଯ୍ୟନ୍ତ ଏହି ପଦ୍ଧତି ଜାରି ଥିଲା । ଅନେକ ବିଶେଷଜ୍ଞ ଡାକ୍ତରୀ ଟିମ ଏହି କାମରେ ଲାଗିପଡ଼ିଲେ । ରୋଗୀଙ୍କୁ କମ କ୍ୟାଲୋରୀଯୁକ୍ତ ଖାଦ୍ଯ ଦିଆଯାଇଥିଲା । ଶେଷରେ ମାତ୍ର ୩୨ ଦିନ ମଧ୍ୟରେ ରୋଗୀଙ୍କ ଓଜନ ୨୦୯ କେଜିରୁ ୧୬୦ କେଜିରେ ପହଞ୍ଚିଥିଲା । ଏବେ ସେ ବିନା କୌଣସି ଆଶାବାଡ଼ିରେ ଏକା ଚାଲିପାରୁଛନ୍ତି ।

• କଣ କହିଲେ ଏମ୍ସ ଡାକ୍ତର ?

ଏମ୍ସ ସର୍ଜରୀ ବିଭାଗର ଡାକ୍ତର ପ୍ରଫେସର ମଞ୍ଜୁନାଥ ମରୁତି କହିଛନ୍ତି ଯେ କରାୱଲ ନଗର ଅଧିବାସୀର ଏହି ଯୁବକ ଜଣକ ପ୍ରଥମେ ଯେତେବେଳେ ହସ୍ପିଟାଲ ଆସିଥିଲେ ସେତେବେଳେ ତାଙ୍କର ଓଜନ ୧୮୧ କେଜି ଥିଲା ଓ ବଡି ମାସ୍ ଇଣ୍ଡେକ୍ସ (BMI) ୬୪ ଥିଲା । ସେତେବେଳେ ଡାକ୍ତର ତାଙ୍କୁ ବ୍ୟାରିଆଟ୍ରିକ ସର୍ଜରୀ କରିବାକୁ ପରାମର୍ଶ ଦେଇଥିଲେ, ମାତ୍ର ରୋଗୀ ରାଜି ହୋଇନଥିଲେ । ପରବର୍ତ୍ତୀ ସମୟରେ ଯେତେବେଳେ ସେ ହସ୍ପିଟାଲରେ ପହଞ୍ଚିଥିଲେ ସେତେବେଳେ ତାଙ୍କର ଓଜନ ୨୦୯ କେଜି ଥିଲା । BMI ବଢି ୭୪ରେ ପହଞ୍ଚିଥିଲା ।

ପଢନ୍ତୁ ଏହି ଖବର: ଗର୍ଲଫ୍ରେଣ୍ଡର ପିରିୟଡ ବ୍ଲଡକୁ -80°Cରେ ରଖୁଛନ୍ତି ଏହି କୋଟିପତି ପ୍ରେମିକ; କହିଦେଲେ କାରଣ

ଏହି ରୋଗୀଙ୍କୁ କେବଳ ମୋଟାପଣ ସମସ୍ୟା ନଥିଲା, ବରଂ ଏହା ବ୍ୟତୀତ ଶୋଇବାର ସମସ୍ୟା, ଉଚ୍ଚ ରକ୍ତଚାପ, ପ୍ରି-ଡାଇବେଟିସ, ଗ୍ୟାସ ଜନିତ ସମସ୍ୟ, ଅବସାଦ ଓ ଆଣ୍ଠୁଗଣ୍ଠି ସମସ୍ୟା ମଧ୍ୟ ଥିଲା । ତାଙ୍କ ଅବସ୍ଥା ଏପରି ହୋଇଥିଲା ଯେ ସେ ବିନା ଯନ୍ତ୍ର ସାହାଯ୍ୟରେ ନିଶ୍ଵାସ ମଧ୍ୟ ନେଇପାରୁନଥିଲେ । ଅମ୍ଳଜାନ ସ୍ତର ମଧ୍ୟ ହ୍ରାସ ପାଉଥିଲା । ଏହି ସମୟରେ ଅପରେସନ କରିବା ସମ୍ଭବ ନଥିଲା ।

• କେବଳ ୩୨ଦିନ, ବଦଳିଲା ଚିତ୍ର

ଡାକ୍ତର ଅପରେସନ କରିବା ପୂର୍ବରୁ ରୋଗୀଙ୍କ ଓଜନ କମାଇଥିଲେ । ବିଭିନ୍ନ ଚିକିତ୍ସା ପଦ୍ଧତି ସାହାଯ୍ୟରେ ତାଙ୍କର ଓଜନ ଶେଷରେ ୧୭୨କେଜିରେ ପହଞ୍ଚିଥିଲା । ତାଙ୍କର ପେଟ ୧୯୮ ସେଣ୍ଟିମିଟରରୁ ୧୯୮ ସେମିରେ ପହଞ୍ଚିଥିଲା, ଯାହାକି ସବୁଠାରୁ ବଡ଼ ଉପଲବ୍ଧି ଥିଲା । ଏହାପରେ ତାଙ୍କର ଗୁରୁତ୍ଵପୂର୍ଣ୍ଣ ଅପରେସନ କରାଯାଇଥିଲା । ଏମ୍ସ ଡାକ୍ତର ଏହି ଘଟଣାକୁ ନେଇ କହିଛନ୍ତି ଯେ ଏହାକେବଳ ସଫଳ ବ୍ୟାରିଆଟ୍ରିକ ସର୍ଜରୀ ନଥିଲା, ବରଂ ମୋଟାପଣ ଚିକିତ୍ସା ଦିଗରେ ମଧ୍ୟ ସଫଳତା ଥିଲା ।