Canadian Tourist Viral Video Las Vegas / କାନାଡ଼ାରୁ ଆମେରିକା ଆସିଲେ ପର୍ଯ୍ୟଟକ; ପିଇଗଲେ ୪୦ ବିୟର, କରି ବସିଲେ ଏଭଳି କାମ

ମଦ୍ୟପାନ କରିବା ପରେ ଅନେକ ଲୋକ ନିଜର ହିତାହତ ଜ୍ଞାନ ହରାଇଥାନ୍ତି। ସଦ୍ୟ ଆମେରିକାରେ ଦେଖିବାକୁ ମିଳିଛି ଏହାର ଉଦାହରଣ। ଆମେରିକା ଆସିଥିବା ଜଣେ କାନାଡୀୟ ପର୍ଯ୍ୟଟକ ପଶୁ ନିର୍ଯ୍ୟାତନା ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି। ନିଶାଗ୍ରସ୍ତ ହୋଇ ସେ ଲସ୍ ଭେଗାସ୍‌ ଠାରେ ଥିବା ଏହାର ପିଞ୍ଜରାରୁ ଏକ ଫ୍ଲେମିଙ୍ଗୋ ପକ୍ଷୀକୁ ଉଦ୍ଧାର କରି ନିଜ ସହ ହୋଟେଲ ରୁମ୍ ପର୍ଯ୍ୟନ୍ତ ଆଣିଥିଲେ। ଏହି ଭିଡିଓ ଭାଇରାଲ ହେବା ପରେ ଏବେ ଏହାକୁ ନେଇ ଅନେକ ପ୍ରଶ୍ନ ଉଠିବାରେ ଲାଗିଛି। ସମସ୍ତେ ପ୍ରଶ୍ନ କରୁଛନ୍ତି ଯେ ଏହି ବ୍ୟକ୍ତିଙ୍କ ପାଖରେ କୌଣସି ମାନବିକତା ଅଛି ନା ନାହିଁ।

ସମ୍ପୂର୍ଣ୍ଣ ଘଟଣାକ୍ରମ କ'ଣ?
ଆମେରିକୀୟ ସହର ଲସ୍ ଭେଗାସ୍‌, ବିଶ୍ୱର ମନୋରଞ୍ଜନ ରାଜଧାନୀ ଭାବରେ ଜଣାଶୁଣା। ଲୋକ ସାଧାରଣତଃ ଏଠାକୁ ପାର୍ଟି କରିବାକୁ ଆସନ୍ତି। କିନ୍ତୁ କାନାଡୀୟ ପର୍ଯ୍ୟଟକ ମିଶେଲ ଫେୟାରବେର୍ଣ୍ଣ ଅନ୍ୟ କିଛି କରିବାକୁ ନିଷ୍ପତ୍ତି ନେଇଥିଲେ। ଗତ ମାର୍ଚ୍ଚ ମାସରେ ସେ ଫ୍ଲେମିଙ୍ଗୋ ଲାସ୍ ଭେଗାସ୍ ହୋଟେଲ୍ ଏବଂ କାସିନୋ ଠାରୁ "ପିଚି" ନାମକ ଏକ ଚିଲି ଫ୍ଲେମିଙ୍ଗୋ ଅପହରଣ କରିଥିଲେ।

ବର୍ତ୍ତମାନ ତାଙ୍କ ବିଚାର ସମୟରେ, ସମ୍ପୂର୍ଣ୍ଣ ଘଟଣାକ୍ରମର ଏକ ଭିଡିଓ ଦେଖାଯାଇଥିଲା। ଯେଉଁଥିରେ, ମିଚେଲ ଫେୟାରବେର୍ଣ୍ଣ ଲିଫ୍ଟ ରେ ତାଙ୍କ ରୁମ୍ କୁ ଯିବା ସମୟରେ ହସି ହସି ପକ୍ଷୀର ବେକ ଧରିଥିବାର ଦେଖାଯାଇଛି। ସେ ସାକ୍ଷ୍ୟ ଦେଇଥିଲେ ଯେ ଘଟଣା ପୂର୍ବରୁ ସେ ପ୍ରାୟ ୪୦ ବିୟର ପିଇଥିଲେ। ସେ କହିଥିଲେ ଯେ ସେ ସେହି ପକ୍ଷୀକୁ କ୍ଷତି ପହଞ୍ଚାଇବା ପାଇଁ ଉଦ୍ଦେଶ୍ୟ ରଖି ନଥିଲେ। ହେଲେ ତଥାପି ବର୍ତ୍ତମାନ ତାଙ୍କୁ ଏହି ମାମଲାରେ ୫ ବର୍ଷ ଜେଲ ହୋଇପାରେ। 

The idiot Canadian tourist who kidnapped a flamingo named "Peachy" and took her to his room at the Flamingo Las Vegas has been convicted of felony animal cruelty. Mitchell Fairbarn faces up to 4 years in prison. Peachy has recovered but is rumored to still be resentful. https://t.co/85YGh5v8fM

— Las Vegas Locally 🌴 (@LasVegasLocally) October 20, 2026

ପ୍ରାଣୀ ବିଶେଷଜ୍ଞ ସାକ୍ଷ୍ୟ ଦେଇଥିଲେ ଯେ ଫେୟାରବେର୍ନ କରିଥିବା କାର୍ଯ୍ୟ ଫ୍ଲେମିଙ୍ଗୋ ପକ୍ଷୀର ପର ଚିରି ଦେଇଥିଲା। ଯାହା ଫଳରେ ପ୍ରଚୁର ରକ୍ତସ୍ରାବ କରିଥିଲା। ହେଲେ ତାଙ୍କ ଓକିଲ କହିଛନ୍ତି ଯେ ତାଙ୍କର ଉଦ୍ଦେଶ୍ୟ କେବଳ ଏକ ମଜା କରିବା ଏବଂ ତାଙ୍କର ଦୁର୍ବଳ ବିଚାର ପାଇଁ ତାଙ୍କ ନିଶାକୁ ଦାୟୀ କରିଥିଲେ। ଫେୟାରବେର୍ନଙ୍କ ଓକିଲ, ଜୋଶ ଟମସେକ୍ କହିଛନ୍ତି, ସେ ଏପରି କରିବା ଉଚିତ୍ ନଥିଲା, ସେ ଏନକ୍ଲୋଜର ଭିତରକୁ ଯିବା ଉଚିତ୍ ନଥିଲା, ପକ୍ଷୀକୁ ଛୁଇଁବା ଉଚିତ୍ ନଥିଲା, "ପିଚି" କୁ ତାଙ୍କ ସହିତ ଭିତରକୁ ନେବା ଉଚିତ୍ ନଥିଲା। ସତ୍ୟ କଥା ହେଉଛି, ମିଚେଲ୍ ମଦ୍ୟପାନ କରିଥିଲେ। ମିଚ୍ ମୂର୍ଖତାର କାର୍ଯ୍ୟ କରିଥିଲେ। ସେ ଖରାପ ନିଷ୍ପତ୍ତି ନେଇଥିଲେ।

ଆମେରିକା ଛାଡିବାକୁ ଅନୁମତି ଦିଆଯାଇନାହିଁ
ନିଜ ପକ୍ଷରେ ସାକ୍ଷ୍ୟ ଦେଇ ୩୪ ବର୍ଷୀୟ ଫେୟାରବେର୍ନ କହିଛନ୍ତି ଯେ ସେ ପକ୍ଷୀକୁ ନେବା ମଜାଦାର ମନେ କରୁଥିଲେ। ସେ କହିଥିଲେ ଯେ ସେ ସାରା ରାତି ମଦ୍ୟପାନ କରି ବସିଥିଲେ ଏବଂ ପକ୍ଷୀକୁ ନେଇ ପଳାଇ ଯିବାକୁ ନିଷ୍ପତ୍ତି ନେବା ସମୟରେ ଜଣେ ବନ୍ଧୁଙ୍କ ସହିତ ଫୋନ୍‌ ରେ କଥାବାର୍ତ୍ତା ସମାପ୍ତ କରିଥିଲେ। ବିଚାରପତିଙ୍କୁ ପଶୁ ନିର୍ଯାତନାର ଏକ ବଡ଼ ଅପରାଧ ଏବଂ କମ୍ ଅପରାଧରେ ଦୋଷୀ ସାବ୍ୟସ୍ତ କରିବା ପାଇଁ ପ୍ରାୟ ୫ ଘଣ୍ଟା ସମୟ ଲାଗିଥିଲା। ଗିରଫ ହେବା ପରଠାରୁ ଫେୟାରବେର୍ନ ଆମେରିକା ଛାଡି ପାରିବେ ନାହିଁ। ସେ ଲାସ୍ ଭେଗାସ ଠାରେ ଗୃହବନ୍ଦୀ ଅଛନ୍ତି ଏବଂ ତାଙ୍କର ଦଣ୍ଡ ଶୁଣାଣି ଆସନ୍ତ ଡିସେମ୍ବର ମାସରେ ହେବ ବୋଲି ସ୍ଥିର କରାଯାଇଛି।