Viral News / ଦ୍ଵିତୀୟ ପତ୍ନୀଙ୍କ ସାମ୍ନାରେ ପ୍ରଥମ ପତ୍ନୀଙ୍କ ବାନ୍ଧବୀଙ୍କୁ ସ୍ଵାମୀ କହିଲେ 'ତୁମ ସହ ତୃତୀୟ ବିବାହ କରିବି'...

ଲକ୍ଷ୍ନୌ: ଘରୋଇ ଚାକିରି କରୁଥିଲେ । ପ୍ରଥମ ବିବାହ ପରେ ଦ୍ଵିତୀୟ ବିବାହ କରି ଖୁସିରେ ପରିବାର ଚାଲିଥିଲା । ଆଉ କରୱା ଚୌଥ୍ ପୂର୍ବରୁ ହିଁ ସ୍ଵାମୀ ଦ୍ଵିତୀୟ ପତ୍ନୀଙ୍କ ଆଗରେ ପ୍ରଥମ ପତ୍ନୀଙ୍କ ବାନ୍ଧବୀଙ୍କ ସହ ଏମିତି ଥଟ୍ଟା ମଜା କଲେ ଯେ, ତାହା ତାଙ୍କ ପାଇଁ ଭାରି ପଡ଼ିଗଲା । ସ୍ଵାମୀ-ସ୍ତ୍ରୀଙ୍କ ସମ୍ପର୍କରେ ଫାଟ ସୃଷ୍ଟି ହେବା ସହ ଥାନାରେ ରାତି କାଟିବାକୁ ପଡ଼ିଲା ।

ଉତ୍ତରପ୍ରଦେଶର କାନପୁରରୁ କରୱା ଚୌଥ୍ ସମୟରେ ଆସିଛି ଏଭଳି ଏକ ଅଜବ ଘଟଣା । ମନ୍ଧାନା ଥାନା ଅଞ୍ଚଳରେ ଜଣେ ଯୁବକ ତାଙ୍କ ଦ୍ଵିତୀୟ ପତ୍ନୀଙ୍କ ସମ୍ମୁଖରେ କରିଥିବା ଥଟ୍ଟା ତାଙ୍କୁ ବେଶ୍ ଭାରି ପଡ଼ିଛି । ଗୋରଖପୁରରୁ ଆସିଥିବା ପ୍ରଥମ ପତ୍ନୀଙ୍କ ବାନ୍ଧବୀଙ୍କୁ ଯୁବକ କହିଥିଲେ, "ମୁଁ ତୁମକୁ ତୃତୀୟ ବିବାହ କରିବି ।" ଆଉ ଏହି ପଦଟିଏ କଥା ସନ୍ଦେହ ସୃଷ୍ଟି କରିଥିଲା । ଯାହାକୁ ନେଇ ଘରେ କଳହ ସୃଷ୍ଟି ହୋଇଥିଲା ।

ବିବାଦ ବଢ଼ିବାରୁ ବୁଧବାର ରାତିରେ ପ୍ରଥମ ପତ୍ନୀ, ଦ୍ଵିତୀୟ ପତ୍ନୀ, ବାନ୍ଧବୀ ଓ ସ୍ଵାମୀ ୪ ଜଣ ମନ୍ଧାନା ଥାନାରେ ପହଞ୍ଚିଥିଲେ । ଥାନା ପ୍ରଭାରୀ ଜୟ ନାରାୟଣ ସିଂହ ଉଭୟ ପକ୍ଷର କଥା ଶୁଣି ଦ୍ଵନ୍ଦ୍ଵ ଦୂର କରିବା ପରେ ସମସ୍ତେ ଶାନ୍ତ ପଡ଼ିବା ସହ ଘରକୁ ଫେରିଥିଲେ ।

ଥଟ୍ଟା ମଜାରେ ତୃତୀୟ ବିବାହ…

ମନ୍ଧାନା ଥାନା ଅଞ୍ଚଳରେ ରହୁଥିବା ଯୁବକ ଜଣକଙ୍କ ପ୍ରଥମ ବିବାହ ପରେ କୌଣସି ସନ୍ତାନ ହୋଇନଥିଲା । ତେଣୁ ଶ୍ଵଶୁର ଘର ଲୋକଙ୍କ ଅନୁମତିରେ ସେ ଦ୍ଵିତୀୟ ବିବାହ କରିଥିଲେ । ଯାହା ପରେ ଝିଅଟିଏ ହୋଇଛି । କିଛିଦିନ ତଳେ ପ୍ରଥମ ପତ୍ନୀଙ୍କ ବାନ୍ଧବୀ ଗୋରଖପୁରରୁ ଭେଟିବାକୁ ଆସିଥିଲେ । ଆଉ ସେହି ସମୟରେ ଯୁବକ ମଜା ମଜା କରୁ ଦ୍ଵିତୀୟ ପତ୍ନୀ ଆଗରେ ତୃତୀୟ ବିବାହ କଥା କହିଥିଲେ ।

ଏଥିସହ ପଢ଼ନ୍ତୁ: ଦଶହରା ମେଳାରେ ଅଘଟଣ; ଷ୍ଟଣ୍ଟ ସମୟରେ ବାଇକ୍‌ରେ ଲାଗିଲା ନିଆଁ, ଜଳିଗଲେ ଯୁବତୀ 

ସନ୍ଦେହ, ଡ୍ରାମା

ତେବେ, ସ୍ଵାମୀ କହିଥିବା କଥାକୁ ଦ୍ଵିତୀୟ ପତ୍ନୀ ଗମ୍ଭୀରତାର ସହ ନେବା ସହ ସନ୍ଦେହ କରିବା ଆରମ୍ଭ କରିଥିଲା । ପ୍ରକୃତରେ ସ୍ଵାମୀ ତୃତୀୟ ବିବାହ କରିବାକୁ ଯାଉଥିବା ଭାବେ ଘରେ ପାଟିତୁଣ୍ଡ ଆରମ୍ଭ କରିଥିଲେ । ପ୍ରଥମ ପତ୍ନୀ ଓ ସ୍ଵାମୀ ଉଭୟ ବୁଝାଇବାକୁ ଚେଷ୍ଟା କରି ବିଫଳ ହେବା ପରେ ଥାନାରେ ପହଞ୍ଚିଥିଲେ ।

ଥାନାରେ ୨ ଘଣ୍ଟା, ହେଲା ସମାଧାନ

ସ୍ଵାମୀ, ପ୍ରଥମ ଓ ଦ୍ଵିତୀୟ ସହ ବାନ୍ଧବୀ ଥାନାକୁ ଯିବା ପରେ ପୋଲିସ ମୁହାଁମୁହିଁ ବସାଇ ଆଲୋଚନା କରିଥିଲା । ସ୍ଵାମୀ ସ୍ପଷ୍ଟ କରିଥିଲେ ଯେ, ମୋର କୌଣସି ସମ୍ପର୍କ ନାହିଁ କି ତୃତୀୟ ବିବାହ ନେଇ କୌଣସି ଉଦ୍ଦେଶ୍ୟ ନାହିଁ । ଯାହାପରେ ପୋଲିସ ହସ୍ତକ୍ଷେପରେ ଦ୍ଵନ୍ଦ୍ଵ ଦୂର ହେବା ପରେ ଦୁଇ ସ୍ତ୍ରୀ ଗୁରୁବାର ସ୍ଵାମୀଙ୍କ ଦୀର୍ଘାୟୁ କାମନା କି କରୱା ଚୌଥ୍ ବ୍ରତ ରଖିଛନ୍ତି ।