ଆଜିକାଲି ଲୋକମାନେ ଟଙ୍କା ରୋଜଗାର କରିବାର ନୂଆ ଉପାୟ ଖୋଜୁଛନ୍ତି । କିନ୍ତୁ ଜଣେ ବ୍ୟକ୍ତି ତାଙ୍କ ଜମିକୁ ଏପରି ବ୍ୟବହାର କରିଛନ୍ତି ଯେ ତାଙ୍କ କାହାଣୀ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ ଭାଇରାଲ ହୋଇଥିବା ଏକ ପୋଷ୍ଟ ଅନୁଯାୟୀ, ଏହି ବ୍ୟକ୍ତି ପିକ୍ ସିଜନରେ ତାଙ୍କ ସୁଇମିଂ ପୁଲରୁ ପ୍ରାୟ ₹୨.୨୫ ଲକ୍ଷ ରୋଜଗାର କରୁଛନ୍ତି ।

• ପୂରା ଘଟଣା କ’ଣ?

ପୂଜା ନାମକ ଜଣେ କଣ୍ଟେଣ୍ଟ କ୍ରିଏଟର୍ ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲ Xରେ ଏକ ପୋଷ୍ଟ ସେୟାର କରିଥିଲେ । ପୋଷ୍ଟରେ ସେ କହିଛନ୍ତି ଯେ ସେ ନିକଟରେ ଜଣେ ବନ୍ଧୁଙ୍କ ଫାର୍ମ ହାଉସ୍ ପରିଦର୍ଶନ କରିଥିଲେ । ସେଠାରେ ସୁଇମିଂ ପୁଲ୍ ଦେଖି ସେ ମଜାରେ ତାଙ୍କ ବନ୍ଧୁଙ୍କୁ ପଚାରିଥିଲେ ଯେ ଏହା କୌଣସି ରୋଜଗାର ଦେଉଛି କି ନା ଏମିତି କେବଳ ସଉକ ପାଇଁ । ତାଙ୍କ ବନ୍ଧୁ ପ୍ରଥମେ ଉତ୍ତର ଦେଇଥିଲେ, "ସ୍ଵିମିଂପୁଲରୁ ବହୁତ ଟଙ୍କା ରୋଜଗାର କରିହୁଏ ।" ଯେତେବେଳେ ସେମାନେ ଏହି ବିଷୟରେ ଅଧିକ ଆଲୋଚନା କଲେ, ସେ ରୋଜଗାର ସଂଖ୍ୟା ଶୁଣି ଆଶ୍ଚର୍ଯ୍ୟ ହୋଇଗଲେ।

• ଲକ୍ଷ ଲକ୍ଷ ରୋଜଗାରର ଦାବି

ତାଙ୍କ ପୋଷ୍ଟରେ, କଣ୍ଟେଣ୍ଟ କ୍ରିଏଟର ଉଲ୍ଲେଖ କରିଛନ୍ତି ଯେ ଗ୍ରୀଷ୍ମ ଛୁଟିରେ ପ୍ରତିଦିନ ପ୍ରାୟ ୭୦୦ରୁ ୮୦୦ ଲୋକ ତାଙ୍କ ବନ୍ଧୁଙ୍କ ପୁଲକୁ ଯାଆନ୍ତି । ଯଦି ଆମେ ଧରିନେବା ଯେ ହାରାହାରି ୭୫୦ ଲୋକ ଏବଂ ପ୍ରତି ବ୍ୟକ୍ତି ଟିକେଟ୍ ମୂଲ୍ୟ ₹୧୦୦, ତେବେ ଦୈନିକ ରୋଜଗାର ପ୍ରାୟ ₹୭୫,୦୦୦ ହେବ । ଏହା ୩୦ ଦିନରେ ପ୍ରାୟ ₹୨୨.୫ ଲକ୍ଷ ।

• ଅଫ୍-ସିଜନ୍‌ରେ ମଧ୍ୟ ଭଲ ରୋଜଗାର

ପୂଜା କହିଛନ୍ତି ଯେ ପିକ୍ ସିଜିନ୍ ଶେଷ ହେବା ପରେ ମଧ୍ୟ ପ୍ରତିଦିନ ପ୍ରାୟ ୨୫୦ ଜଣ ଲୋକ ପୁଲକୁ ଆସନ୍ତି । ପ୍ରତି ଟିକେଟ୍ ₹୧୦୦ରେ, ଦୈନିକ ରୋଜଗାର ₹୨୫,୦୦୦ ହୁଏ । ଏହାର ଅର୍ଥ ପ୍ରାୟ ₹୭.୫ ଲକ୍ଷ ମାସିକ ଆୟ ହୋଇପାରେ । ପୂଜାଙ୍କ ଅନୁସାରେ, ତାଙ୍କ ବନ୍ଧୁଙ୍କର ନିଜସ୍ୱ ଜମି ଅଛି, ତେଣୁ ତାଙ୍କୁ ଭଡ଼ା ଦେବାକୁ ପଡ଼ିବ ନାହିଁ। ସେ କେବଳ ପୁଲ୍ ରକ୍ଷଣାବେକ୍ଷଣ ପାଇଁ କର୍ମଚାରୀମାନଙ୍କୁ ନିଯୁକ୍ତି ଦିଅନ୍ତି, ଯାହାକୁ ସେ ମାସିକ ୨୦,୦୦୦ ଟଙ୍କା ଦିଅନ୍ତି ।

• ପାଣି ମଧ୍ୟ ରୋଜଗାର ଦେଇପାରେ

ପୂଜା ନିଜ ପୋଷ୍ଟରେ ଉଲ୍ଲେଖ କରିଛନ୍ତି ଯେ ଯେତେବେଳେ ପୁଲର ପାଣି ବଦଳାଯାଏ, ଏହାକୁ ଫିଙ୍ଗାଯାଏ ନାହିଁ ବରଂ ଜଳସେଚନ ପାଇଁ ଚାଷୀମାନଙ୍କୁ ବିକ୍ରି କରାଯାଏ । ଏହାର ଅର୍ଥ ହେଉଛି ସମାନ ପରିମାଣର ପାଣି ଦ୍ୱିଗୁଣିତ ଆୟ ସୃଷ୍ଟି କରିବା ପାଇଁ ବ୍ୟବହୃତ ହୁଏ ।

Yesterday morning, I was walking towards my friend’s farm, where he has built a swimming pool.

Just for fun, I asked him,
"Buddy, does this thing actually make any money, or are you just fulfilling a hobby ?"

He smiled and replied, "It’s doing okay, nothing extraordinary."… pic.twitter.com/7LczPCzAaJ

— Pooja (@poojaofficial5) June 10, 2026

• ସୋସିଆଲ ମିଡିଆରେ ଭିନ୍ନ ମତ

ଏବେ, କଣ୍ଟେଣ୍ଟ କ୍ରିଏଟରଙ୍କ ଏହି ପୋଷ୍ଟ ସୋସିଆଲ ମିଡିଆରେ ଭାଇରାଲ ହେଉଛି। ତଥାପି, ଅନେକ ଲୋକ ଏହି ଦାବିଗୁଡ଼ିକୁ ପ୍ରଶ୍ନ କରିଛନ୍ତି । କିଛି ୟୁଜର୍ସ ଦର୍ଶାଇଛନ୍ତି ଯେ ପୂଜା ସେୟାର କରିଥିବା ପୋଷ୍ଟରେ ଥିବା ପୁଲଟି ଖାଲି ଦେଖାଯାଉଛି । ଅନେକ ଲୋକ ପୋଷ୍ଟଟିକୁ ନକଲି ବୋଲି ମଧ୍ୟ କହିଛନ୍ତି, କ୍ଲୋରିନେଟେଡ୍ ପାଣି ଚାଷ ପାଇଁ ବ୍ୟବହାର କରାଯାଇପାରିବ ନାହିଁ ବୋଲି କହିଛନ୍ତି । ଅନ୍ୟପଟେ କିଛି ୟୁଜର ଏହି ବ୍ୟବସାୟ ଉପାୟକୁ ବେଶ ପ୍ରଶଂସା କରିଛନ୍ତି । ଏବେ ପୂଜାଙ୍କ ଏହି ପୋଷ୍ଟଟି ବେଶ ଭାଇରାଲ ହେଉଛି ।