Pakistan Police Viral Video / ବିଦେଶୀଙ୍କ ସରଳ ଇଂରାଜୀ ବି ବୁଝିପାରିଲେନି ପାକିସ୍ତାନ ପୋଲିସ, ଭାଇରାଲ ହେଲା ଭିଡିଓ

ସୋସିଆଲ ମିଡିଆରେ ପାକିସ୍ତାନକୁ ନେଇ ଅନେକ ଭିଡିଓ ଭାଇରାଲ ହୋଇଥାଏ । ଏବେ ଆଉ ଏକ ଭିଡିଓ ସୋସିଆଲ ମିଡିଆରେ ବେଶ୍‌ ଭାଇରାଲ ହେଉଛି । ଯେଉଁଥିରେ ଜଣେ ବିଦେଶୀ ପର୍ଯ୍ୟଟକଙ୍କ ସହ ପାକିସ୍ତାନ ପୋଲିସର କିଛି ଅଧିକାରୀ ଇଂରାଜୀରେ କଥା ହେଉଥିବା ଦୃଶ୍ୟ ରହିଛି । ତେବେ ପର୍ଯ୍ୟଟକଙ୍କ ସରଳ ଇଂରାଜୀ ପ୍ରଶ୍ନ ବୁଝିବାରେ ଅଧିକାରୀମାନେ ବିଫଳ ହେଉଛନ୍ତି ।

ଭାଇରାଲ ଭିଡିଓରେ ଜଣେ ବିଦେଶୀ ପର୍ଯ୍ୟଟକ ପାକିସ୍ତାନରେ ଖୋଲା ସ୍ଥାନରେ ବସି ଚା’ ପିଉଥିବା ଦେଖାଯାଉଛି । ଏହି ସମୟରେ କିଛି ପୋଲିସ ଅଧିକାରୀ ତାଙ୍କ ସହ ଆଲୋଚନା କରିବାକୁ ଆସୁଛନ୍ତି । କଥାବାର୍ତ୍ତା ଆରମ୍ଭ ହେବା ପରେ ପର୍ଯ୍ୟଟକ ଉପସ୍ଥିତ ଅଧିକାରୀମାନଙ୍କୁ ପୋଲିସ କମାଣ୍ଡର ଚିଫ୍ କିଏ ବୋଲି ପଚାରୁଛନ୍ତି ।
ଏହାପରେ ସେ ପୋଲିସ କମାଣ୍ଡର ଚିଫ୍‌ଙ୍କୁ ଇଂରାଜୀରେ ପଚାରୁଛନ୍ତି—ଆପଣ କେତେ ବର୍ଷ ହେଲା ଏହି ପଦବୀରେ କାମ କରୁଛନ୍ତି ? ପ୍ରଶ୍ନକୁ ଅଧିକାରୀ ଜଣଙ୍କ ବୁଝିବାରେ ବିଫଳ ହେଉଥିବା ଦେଖିବାକୁ ମିଳୁଛି ।



ପର୍ଯ୍ୟଟକଙ୍କ ପ୍ରଶ୍ନରେ ଜଣେ ଇନ୍ସପେକ୍ଟର ତାଙ୍କୁ ଟିକେ ଧୀରେ କହିବାକୁ ଅନୁରୋଧ କରୁଛନ୍ତି । ଏହାପରେ ବିଦେଶୀ ପର୍ଯ୍ୟଟକ ପୁଣିଥରେ ଧୀରେ ଧୀରେ ସେହି ପ୍ରଶ୍ନ ପଚାରୁଛନ୍ତି । ଦ୍ୱିତୀୟ ଥରରେ ମଧ୍ୟ କିଛି ସମୟ ନେବା ପରେ ଅଧିକାରୀ ଶେଷରେ ତାଙ୍କ ପ୍ରଶ୍ନର ଉତ୍ତର ଦେଉଛନ୍ତି ।

‘Neo Shotts’ ନାମକ ଏକ ଫେସବୁକ୍ ଆକାଉଣ୍ଟରୁ ଏହି ଭିଡିଓ ଶେୟାର କରାଯାଇଛି । ଭିଡିଓଟି ସୋସିଆଲ ମିଡିଆରେ ବହୁତ ସେୟାର ହେବା ସହ ୟୁଜର୍ସମାନେ ବିଭିନ୍ନ ପ୍ରକାରର ମନ୍ତବ୍ୟ ଦେଉଛନ୍ତି । କିଛି ୟୁଜର୍ସ ପୋଲିସ ଅଧିକାରୀଙ୍କୁ ନେଇ ମଜାଳିଆ ମନ୍ତବ୍ୟ କରିଥିବା ବେଳେ, ଆଉ କିଛି ୟୁଜର୍ସ ଅଧିକାରୀମାନଙ୍କ ଇଂରାଜୀ ବୁଝିବା କ୍ଷମତାକୁ ନେଇ ପ୍ରଶ୍ନ ଉଠାଇଛନ୍ତି । ତେବେ ଭିଡିଓଟି କେବେ ଏବଂ କେଉଁ ସ୍ଥାନରେ ରେକର୍ଡ ହୋଇଥିଲା, ସେନେଇ କିଛି ସୂଚନା ମିଳିପାରିନି ।