Scorpio on Rooftop / କ୍ରେନ୍‌ରେ ଉଠାଇ ଛାତରେ ପାର୍କ କଲେ SUV, ଦେଖନ୍ତୁ ଭିଡିଓ...

ପାଟନା: କାର ଚୋରି ଡର ରହିଲେ ଆପଣ କ'ଣ କରିବେ ? ଗାଡ଼ିରେ ଆଲାର୍ମ ଲଗାଇବେ, ସିସିଟିଭି କ୍ଯାମେରା ଲଗାଇବେ କିମ୍ବା ସୁରକ୍ଷିତ ପାର୍କିଂରେ ରଖିବେ । କିନ୍ତୁ, ବିହାରର ଜଣେ ବ୍ୟକ୍ତି ଯାହା କରିଛନ୍ତି, ତାକୁ ଦେଖି ଆପଣ କହିବେ... ୟେ ତ ସବୁ ସୀମା ପାର୍ କରିଦେଲେ ।

ରିପୋର୍ଟ ଅନୁସାରେ, ସ୍କର୍ପିଓ ମାଲିକ କୌଣସି କାମରେ ବିଦେଶ ଯିବାକୁ ପ୍ରସ୍ତୁତ ହେଉଛନ୍ତି । ଏଭଳି ସମୟରେ ତାଙ୍କ ଚିନ୍ତା ଥିଲା ଘର ବାହାରେ ଗାଡ଼ି ରଖିଯିବା ସୁରକ୍ଷିତ ହେବ କି ନାହିଁ । ଯାହାପରେ ସେ ବ୍ୟବସ୍ଥା କେ, ଯାହାକୁ ଦେଖି ଏବେ ସ୍ଥାନୀୟ ଲୋକ ମଧ୍ୟ ହତଚକିତ ହୋଇ ଯାଇଛନ୍ତି । ଗାଡ଼ିକୁ ଘର ଆଗରେ ପାର୍କ କରିବା ପରିବର୍ତ୍ତେ ସିଧା ଛାତ ଉପରକୁ ଉଠାଇ ନେଇଛନ୍ତି ।

ଗାଡ଼ି ମାଲିକ କ୍ରେନ୍ ମଗାଇବା ସହ ମହିନ୍ଦ୍ରା ସ୍କର୍ପିଓକୁ ଛାତ ଉପରକୁ ଉଠାଇଛନ୍ତି । ସେହି ସମୟର ଭିଡିଓ ଏବେ ଭାଇରାଲ୍ ହେଉଛି । ଭାଇରାଲ୍ ଭିଡିଓରେ ଦେଖା ଯାଉଛି ଯେ, କ୍ରେନ୍ କର୍ମଚାରୀ ଅତି ସତର୍କତାର ସହ ଗାଡ଼ିଟିକୁ ଛାତ ଉପରକୁ ନେଉଥିବା ଦେଖା ଯାଉଛି ।

ଏଥିସହ ପଢ଼ନ୍ତୁ: ଭାକ୍ୟୁମ୍ କ୍ଲିନରରେ ସ୍ତ୍ରୀର ଅନ୍ତରଙ୍ଗ ମୁହୂର୍ତ୍ତକୁ ରେକର୍ଡ କଲେ; ସ୍ଵାମୀକୁ ଜେଲ୍ 

ସ୍କର୍ପିଓଟିକୁ କ୍ରେନ୍ ଦ୍ଵାରା ଛାତ ଉପରକୁ ଉଠା ଯାଇଛି । କ୍ରେନ୍‌ରେ ସ୍କର୍ପିଓଟି ଖୋଲା ଆକାଶରେ ଉପରକୁ ଉଠୁଥିବା ଦେଖ ସ୍ଥାନୀୟ ଲୋକେ ବି ସ୍ତବ୍ଧ ହୋଇ ଯାଇଥିଲେ । ଗାଡ଼ିଟିକୁ ଧିରେ ଧିରେ ଉପରକୁ ନେବା ସହ ଛାତ ଉପରେ ସେହିଭଳି ଆସ୍ତେ ଆସ୍ତେ ରଖା ଯାଇଛି ।

#BREAKING Fearing theft before travelling abroad, a #Bihar man used a crane to lift and park his Mahindra Scorpio on his two-story rooftop. The unusual viral video is sparking widespread online debate.
​@BiharPolice @MahindraRise @anandmahindra
​#ViralVideo #MahindraScorpio pic.twitter.com/N4TPCrwwIo

— jarvis ☠️ (@Vishii14) September 6, 2026

ଅର୍ଥାତ୍ ସାଧାରଣତଃ ଛାତ ଉପରେ ଆମେ ଯେଉଁଠି ପୋଷାକ ସୁଖାଇ ଥାଉ କିମ୍ବା ସାମଗ୍ରୀ ରଖି ଥାଉ । ଏବେ ସେହି ସ୍ଥାନରେ ସ୍କର୍ପିଓ ଛିଡ଼ା ହୋଇଥିବା ଦେଖିବାକୁ ମିଳିଛି । ଯେଉଁଥିପାଇଁ ଏହି ଭିଡିଓ ଏବେ ସୋସିଆଲ୍ ମିଡିଆରେ ସମସ୍ତଙ୍କ ଧ୍ୟାନ ଆକର୍ଷଣ କରୁଛି । ଏଭିଲ ଯୋଗାଡ଼ ଦେଖି କେହି କେହି କହୁଛନ୍ତି, ଗାଡ଼ି ପାଇଁ ମାଲିକ ନିଆରା ରାସ୍ତା ଖୋଜି ପାଇଛନ୍ତି ।

ଭାଇରାଲ୍ ଭିଡିଓରେ ଦାବି କରାଯାଉଛି ଯେ, ମାଲିକ ତାଙ୍କ ଗାଡ଼ିକୁ ଚୋରିରୁ ରକ୍ଷା କରିବାକୁ ଏଭଳି ପଦକ୍ଷେପ ନେଇଛନ୍ତି । ଏହି ଭିଡିଓଟି ମାଞ୍ଝା ଥାନା ଅନ୍ତର୍ଗତ ମୀରା ଟୋଲା ଗାଁର ବୋଲି କୁହାଯାଉଛି । ଗାଁର ମନୋଜ ଯାଦବ ନିକଟରେ ସ୍କର୍ପିଓ କିଣିଥିଲେ । ଇସ୍ରାଏଲ୍‌ରେ ମନୋଜ ଚାକିରି କରୁଥିବା ବେଳେ ଘରେ ତାଙ୍କ ପତ୍ନୀ ରୁହନ୍ତି ।

ଏଥିସହ ପଢ଼ନ୍ତୁ: ଡେଟିଂ ଆପ୍‌ରେ ପରିଚୟ, ନାଇଟ୍ ପାର୍ଟି ପାଇଁ କ୍ୟାବ୍‌ରେ ମାରପିଟ୍‌ 

ପରିବାରର ସହାୟତା ଓ ଗାଡ଼ିର ରକ୍ଷାଣବେକ୍ଷଣ ଲାଗି ଏକ ଡ୍ରାଇଭର ଥିଲା, ସେ କାମ ସନ୍ଧାନରେ ବିଦେଶ ପଳାଇଲା । ଯାହା ପରେ ଗାଡ଼ିର ସୁରକ୍ଷାକୁ ନେଇ ପରିବାର ଚିନ୍ତିତ ହୋଇ ପଡ଼ିଥିଲେ । ଫଳରେ ଗାଡ଼ିକୁ ସୁରକ୍ଷିତ ରଖିବା ପାଇଁ ଶେଷରେ ପରିବାର ଲୋକେ ଯେଉଁ ନିଷ୍ପତ୍ତି ନେଲେ, ତାହା ସମସ୍ତଙ୍କ କଳ୍ପନା ବାହାରେ ।

ତେବେ ବର୍ତ୍ତମାନ ସ୍ପଷ୍ଟ ହୋଇ ନାହିଁ ଗାଡ଼ିର ଓଜନ ସମ୍ଭାଳିବା ଲାଗି ଛାତ ସମର୍ଥ ତ ? ଏଥିପାଇଁ ଘର ମାଲିକ କୌଣସି ଇଞ୍ଜିନିୟରଙ୍କ ଦ୍ଵାରା ଯାଞ୍ଚ କରାଇଛନ୍ତି କି ନାହିଁ ତାହା ଜଣାପଡ଼ିନାହିଁ । କିନ୍ତୁ ଗୋପାଳଗଞ୍ଜର ମୀରା ଟୋଲା ଅଞ୍ଚଳର ଏହି ଛାତ ସ୍କର୍ପିଓ ଭିଡିଓ ଏବେ ସବୁଠୁ ଚର୍ଚ୍ଚାର ବିଷୟ ପାଲଟିଛି ।