Argus News - ମିଳୁଥିଲା କମ ଦରମା; ସବୁଦିନ ଆସି ଅଫିସରେ ୫ ଘଣ୍ଟା ଶୋଇଲେ

ଅଫିସରେ କାମ କରୁଥିବା କିଛି କର୍ମଚାରୀଙ୍କ ମନରେ ଗୋଟିଏ କଥା ଆସେ ଯେ ସେମାନେ ଯେତିକି କାମ କରୁଛନ୍ତି, ସେହି ଅନୁସାରେ ତାଙ୍କୁ ଦରମା ମିଳୁନାହିଁ । ଅନେକ ସମୟରେ ଏଥିଲାଗି କର୍ମଚାରୀମାନେ ଅସନ୍ତୋଷ ମଧ୍ୟ ବ୍ୟକ୍ତ କରନ୍ତି । କିନ୍ତୁ ଏଠାରେ ଏମିତି ଜଣେ କର୍ମଚାରୀ ଅଛନ୍ତି, ଯିଏକି ନିଆରା ଢଙ୍ଗରେ ନିଜର ଅସନ୍ତୋଷ ଦେଖାଇଛନ୍ତି । କମ ଦରମା ମିଳୁଥିବାରୁ ପ୍ରତିଦିନ ଅଫିସକୁ ଆସି ୫ ଘଣ୍ଟା ଶୋଉଥିଲେ ଏବଂ ବସ୍ ର ଚକୋଲେଟକୁ ବି ଖାଉଥିଲେ । ଏବେ ଏହି କର୍ମଚାରୀଙ୍କ କାହାଣୀ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।

ଏହି କର୍ମଚାରୀ ଜଣେ ମହିଳା ହୋଇଥିବାବେଳେ ଚୀନର ବୋଲି ଜଣାପଡ଼ିଛି । ସାଉଥ୍ ଚାଇନା ମର୍ଣ୍ଣିଂ ପୋଷ୍ଟର ଏକ ରିପୋର୍ଟ ଅନୁସାରେ, ମହିଳା ଜଣକ ଏକ ଭାବିବହ୍ଵଳପୂର୍ଣ୍ଣ ଭିଡିଓ ସୋସିଆଲ ମିଡିଆରେ ପୋଷ୍ଟ କରିଛନ୍ତି ଏବଂ କହିଛନ୍ତି ଯେ ସେ ଅଫିସରେ ଶୋଉଥିବାରୁ ତାଙ୍କୁ ତାଙ୍କ ବସ୍ ଚାକିରିରୁ ବାହାର କରିବାକୁ ଧମକ ଦେଇଛି । ଏହି ପୋଷ୍ଟରେ ନେଟିଜେନ୍ସଙ୍କ ବିଭିନ୍ନ ପ୍ରକାର ପ୍ରତିକ୍ରିୟା ଦେଖିବାକୁ ମିଳିଛି ।

• ଭିଡିଓରେ କଣ କହିଲେ ମହିଳା ?

ମହିଳା ଜଣକ ଚୀନର ହେନାନ ଅଞ୍ଚଳ ଶାଙ୍ଗକ୍ୟୁ ସହରର ଏକ କମ୍ପାନୀରେ କାମ କରନ୍ତି । ସେ ନିଜ ଭିଡିଓରେ କହିଛନ୍ତି ଯେ ସ୍ଵଳ୍ପ ଦରମାକୁ ନେଇ ସେ ଅସନ୍ତୋଷ ଥିଲେ । ଏଣୁ ଯେତିକି ପଇସା ସେତିକି କାମ କରିବେ ବୋଲି ମନସ୍ଥ କରିଥିଲେ । ଏହାପରେ ସେ ଅଫିସରେ ୫ ଘଣ୍ଟା ଶୋଇବେ ବୋଲି ସ୍ଥିର କରିଥିଲେ । ଯେଉଁମାନେ ତାଙ୍କ ବିରୋଧରେ କହୁଥିଲେ ମହିଳା ଜଣକ କହିଥିଲେ ଯେ ଯେଉଁମାନେ କମ ଦରମା ପାଆନ୍ତି, ସେମାନଙ୍କ ସ୍ଥିତି କେହି ବି ବୁଝିପାରିନଥାନ୍ତି ।

• ବସଙ୍କ ଚକୋଲେଟ୍ ବି ଖାଉଥିଲେ ମହିଳା

ଏହି ଘଟଣା ସେତେବେଳେ ଚର୍ଚ୍ଚାକୁ ଆସିଥିଲା ଯେତେବେଳେ ମହିଳା ଜଣକ ନିଜ ବସର ଚକୋଲେଟକୁ ଖାଇଦେଇଥିଲେ । ରିପୋର୍ଟ ଅନୁସାରେ, ବସଙ୍କୁ ଗ୍ଲୁକୋପେନିଆ ସମସ୍ୟା ଅଛି, ଯେଉଁଥିରେ ରକ୍ତରୁ ଶର୍କରା ପରିମାଣ କମିଯାଏ । ଏଥିଲାଗି ମହିଳା କର୍ମଚାରୀଙ୍କ ବସ୍ ନିଜ ପାଖରେ ଚକୋଲେଟ୍ ରଖିଥାନ୍ତି । ଏହି ଘଟଣାରୁ ନିଯୁକ୍ତିଦାତା ରାଗିଯାଇଥିଲେ ଓ ମହିଳା କର୍ମଚାରୀଙ୍କୁ ଚାକିରିରୁ ବାହାର କରିବାକୁ ସ୍ଥିର କରିଥିଲେ ।

ପଢନ୍ତୁ ଏହି ଖବର: ସମସ୍ତଙ୍କୁ ଚମକାଇଦେଲେ ୮୯ ବର୍ଷୀୟ ବୃଦ୍ଧା; ୨୭ ମହଲାରୁ ତଳକୁ ଓହ୍ଲାଇଲେ

• ଲୋକେ କହିଲେ 'କ୍ଵାଇଟ୍ କ୍ଵିଟିଂ'

ଏହି ଘଟଣାଟି ଭାଇରାଲ ହେବା ପରେ ମହିଳା କର୍ମଚାରୀଙ୍କ ଏପରି ବ୍ୟବହାରକୁ ସମର୍ଥନ କରିନଥିଲେ । ମହିଳା କର୍ମଚାରୀଙ୍କ ଏପରି ବ୍ୟବହାର କେଉଁ ଅଫିସରେ ବି ବରଦାସ୍ତ କରାଯିବନି ବୋଲି କହିଥିଲେ । ସେପଟେ ଅନ୍ୟ କିଛି ଲୋକେ ଏହାକୁ କ୍ଵାଇଟ୍ କ୍ଵିଟିଂଙ୍କ ସହ ତୁଳନା କରିଥିଲେ, ଯେଉଁ ସ୍ଥିତିରେ କର୍ମଚାରୀ ଜଣକ ଚାକିରି ଛାଡ଼ନ୍ତି ନାହିଁ, କିନ୍ତୁ କୌଣସି ଦାୟିତ୍ଵ ମଧ୍ୟ ନିଅନ୍ତି ନାହିଁ ।