ଋତୁଚକ୍ରରେ ପରିବର୍ତ୍ତନ ପାଇଁ ମାଡ଼ିଆସୁଛି ବିପଦ... ଦିନ ଛଡ଼ା ରାତିରେ ହେବ ଜୀବନ ଛାଡ଼ିଲା ଭଳି ଗରମ । ଜୀବନ ଜୀବିକା ଉପରେ ପଡ଼ିବ ସାଂଘାତିକ ପ୍ରଭାବ । ଘରୁ ବାହାରିଲେ ଗରମ... ଘରେ ରହିଲେ ବି ଗରମ । ଦିନରେ ଗରମର ରାତିରେ ବି ଗରମ । ମଣିଷ ମାନେ ଏବେ କୁଆଡ଼େ ଯିବ । ଋତୁଚକ୍ରରେ ପରିବର୍ତ୍ତନ ଏବେ ସାଂଘାତିକ ରୂପ ନେଇଛି ।

ଦିନରେ ଯାହା ଗରମ ହେଉଥିଲା ଏବେ ରାତିରେ ବି ହେବ ଦିନ ଠାରୁ ଅଧିକ ଗରମ । ହିଟ୍‌ଓ୍ବେଭ୍‌ ଏବେ ସୀମା ଲଂଘନ କରିବାକୁ ଯାଉଛି । ୪୦୦ ପ୍ରତିଶତ ବଢ଼ିବାକୁ ଯାଉଛି ହିଟ୍‌ଓ୍ବେଭ୍‌ । ଏଭଳି ତଥ୍ୟ ସାମ୍ନାକୁ ଆସିବା ପରେ ମୁଣ୍ଡରେ ହାତଦେଲେଣି ବିଶେଷଜ୍ଞ ।

ପୁରା ଭାରତ ଏବେ ପ୍ରଚଣ୍ଡ ଗରମ କାରଣରୁ ସିଝୁଛି । ପଶ୍ଚିମରୁ ଉପକୂଳ ଓଡ଼ିଶା ସବୁଠି ଖଇ ଫୁଟିଲାଭଳି ଖରା । ଅସହ୍ୟ ଖରା ଏବଂ ଗୁଳୁଗୁଳି କାରଣରୁ ଅଂଶୁଘାତର ଶିକାର ହେଉଛନ୍ତି ଲୋକେ । ଅଂଶୁଘାତରେ ଏପର୍ଯ୍ୟନ୍ତ ୭ ଜଣଙ୍କର ମୃତ୍ୟୁ ହୋଇଗଲାଣି ।

ଯଦି ଦେଖିବା ଏବେ ସବୁଠାରୁ ଆଶ୍ଚର୍ଯ୍ୟ କଲାଭଳି ତଥ୍ୟ ସାମ୍ନାକୁ ଆସିଛି । ହିଟ୍‌‌ଓ୍ବେଭ ଚଳିତ ଶତାବ୍ଦୀ ଶେଷ ବେଳକୁ ୩୦୦ରୁ ୪୦୦ ପ୍ରତିଶତ ବଢ଼ିଯାଇପାରେ । ଯାହାର ପ୍ରଭାବ ପଡ଼ିବା ଏବେ ଆରମ୍ଭ ହୋଇଗଲାଣି । ଏବେ ହିଟ୍‌ଓ୍ବେଭ କାରଣରୁ ଗରମ ଦିନ ତୁଳନାରେ ରାତିରେ ଅଧିକ ଗରମ ବଢ଼ିଯିବା ନେଇ ଆଶଙ୍କା କରାଯାଉଛି।

ଏଥିସହ ପଢ଼ନ୍ତୁ: ପଶ୍ଚିମ ଓଡ଼ିଶାକୁ ନାହିଁ ନିସ୍ତାର; ୩ ଦିନ ପାଇଁ ରେଡ୍ ୱାର୍ଣ୍ଣିଂ ଜାରି 

ଯାହାକି ସତକୁ ସତ ରାତିରେ ଏବେ ଗରମ ପରିମାଣ ବଢ଼ିଯାଇଛି । ଭଲରେ ଟିକେ ରାତିରେ ଶୋଇ ହେଉ ନାହିଁ । ଗୁଳୁଗୁଳିରେ ଦେହମୁଣ୍ଡ ଝାଳରେ ଭିଜିଯାଉଛି । ଚଳିତ ଶତାବ୍ଦୀ ଶେଷ ବେଳକୁ ଗରମ ଦିନ ସଂଖ୍ୟାରେ ୫୫ ପ୍ରତିଶତ ବୃଦ୍ଧି ହେବ ଆଉ ରାତି ସଂଖ୍ୟାରେ ଗରମ ୭୦ ପ୍ରତିଶତ ବୃଦ୍ଧ ହୋଇପାରେ ।

ଆଗକୁ ଏହି ସ୍ଥିତି ଅଧିକ ଭୟଙ୍କର ହେବାକୁ ଯାଉଛି । ବର୍ଷାର ପରିମାଣ କମିବ ଯାହା ଫଳରେ ମରୁଡ଼ି ପଡ଼ିବାର ଆଶଙ୍କା କରାଯାଉଛି । କମ ବର୍ଷା କାରଣରୁ ଚାଷ କାର୍ଯ୍ୟରେ ଘୋର ଅବହେଳା ଦେଖିବାକୁ ମିଳିଲାଣି । ବର୍ଷାକୁ ଚାହିଁ ମୁଣ୍ଡରେ ହାତ ଦେଲେଣି ଚାଷୀ ।

୨୦୨୪ ମହିହାର ଏକ ତଥ୍ୟ ଅନୁଯାୟୀ ୧୯୯୦ରୁ ୧୯୯୯ ମଧ୍ୟରେ ତାତି ପାଇଁ ବାର୍ଷିକ ଯେତିକି ଶ୍ରମ ଘଣ୍ଟା ହରାଇବାକୁ ପଡ଼ିଥିଲା ତାହା ଏବେ ୧୨୪ ପ୍ରତିଶତ ବଢ଼ି ଯାଇଛି । ଏହାଫଳରେ ଯେଉଁ ଅର୍ଥନୈତିକ କ୍ଷତି ହୋଇଛି ସେଥିରେ କୃଷିର ଭାଗ ରହିଛି ୬୬ ପ୍ରତିଶତ ।