ନେପାଳର ପ୍ରଳୟଙ୍କାରୀ ବନ୍ୟାର ପ୍ରଭାବ ଏବେ ଭାରତରେ ଦେଖିବାକୁ ମିଳିଛି । ପଡ଼ୋଶୀ ଦେଶର ନାରାୟଣୀ ନଦୀରେ ଆସିଥିବା ବନ୍ୟା ପାଣିରେ ଶବ ଭାସି ଭାସି ଆସି ଉତ୍ତର ପ୍ରଦେଶର ମହାରାଜଗଞ୍ଜରେ ପହଞ୍ଚିଛି । ଏଠାରେ ଏବେ ଯାଏଁ ପ୍ରାୟ ୧୦ଟି ଶବ ମିଳିଛି, ଯେଉଁଥିରୁ ୩ ଜଣ ଶିଶୁ ଅଛନ୍ତି । ନଦୀରେ ଭାସିଆସିଥିବା ଶବ, ମାଟି ଅତଡ଼ା, କାଠ ଓ ଅନ୍ୟାନ୍ୟ ସାମଗ୍ରୀ ନେପାଳ ବନ୍ୟାର ଭୟଙ୍କର ଓ ଛାତିଥର ଦୃଶ୍ୟକୁ ବର୍ଣ୍ଣିତ କରୁଛି । ଏଯାବତ ନେପାଳର ପ୍ରଚଣ୍ଡ ବନ୍ୟାରେ ୬୨୬ ଜଣଙ୍କର ମୃତ୍ଯୁ ଘଟିଛି । ଭାରତ, ଅଷ୍ଟ୍ରେଲିଆ, ବ୍ରିଟେନ, ଚୀନ ସମେତ ଅନେକ ଦେଶଗୁଡ଼ିକର ନାଗରିକମାନେ ନିଖୋଜ ହୋଇଯାଇଛନ୍ତି ।
- ସୀମା ଡେଇଁ ଭାରତରେ ପହଞ୍ଚିଲା ଶବ
ଉତ୍ତର ପ୍ରଦେଶର କୁଶୀନଗର ଜିଲ୍ଲାର ମଦନପୁର-ସୁକରୌଲି ଅଞ୍ଚଳରେ ସ୍ଥିତ ଗଣ୍ଡକ ବ୍ୟାରେଜ ପିୟର ନମ୍ବର-୩ରେ ଲାଗିଛି ଅନେକ ଶବ । ଖଡ୍ଡାର ଏସଏଚଓ ସନ୍ଦୀପ ସିଂ କହିଛନ୍ତି ଯେ ମନିଟରିଂ ଟିମ ଏହି ଶବଗୁଡ଼ିକ ପାଣିରେ ଭାସୁଥିବା ଦେଖିଥିଲା ଓ ତୁରନ୍ତ ଉଦ୍ଧାର କରିଛି । ଏହାପରେ ପୋଲିସକୁ ଖବର ଦିଆଯାଇଛି । ପ୍ରଶାସନ କହିଛି ଯେ ଏହି ଶବଗୁଡ଼ିକ ସମ୍ପର୍କରେ ପଡ଼ୋଶୀ ନେପାଳର ଜିଲ୍ଲାଗୁଡ଼ିକୁ ସୂଚିତ କରାଯାଇଛି, ଫଳରେ ଶବର ପରିଚୟ ମିଳିପାରିବ । ଏଯାବତ ଶବଗୁଡ଼ିକର ପରିଚୟ ମିଳିପାରିନାହିଁ । ଭାରତରେ ଗଣ୍ଡକ ନଦୀରେ ଶବ ବ୍ୟତୀତ ଗ୍ୟାସ ସିଲିଣ୍ଡର, ଗାଡ଼ି, ଘରର ଆସବାବପତ୍ର ଓ ଭଗ୍ନାବଶେଷ ଆଦି ଦେଖିବାକୁ ମିଳିଛି ।
- ଜୀବନକୁ ବାଜି ଲଗାଇ ସାମଗ୍ରୀ ପଛରେ ଲୋକେ
ବନ୍ୟାରେ ନଦୀରେ ଭାସୁଥିବା ସାମଗ୍ରୀଗୁଡ଼ିକୁ ବାହାର କରିବା ଲାଗି କିଛି ଲୋକ ନିଜ ଜୀବନକୁ ବାଜି ଲଗାଇଥିବା ଦେଖିବାକୁ ମିଳିଛି । ଉଦ୍ଧାରକାରୀ ଟିମ ବାରମ୍ବାର ସେମାନଙ୍କୁ ନଦୀଠାରୁ ଦୂରରେ ରହିବାକୁ ଚେତାବନୀ ଦେଇଛନ୍ତି । ସେପଟେ କିଛି ଲୋକ କାଠଗଣ୍ଡି ଓ ଅନ୍ୟ ସାମଗ୍ରୀଗୁଡ଼ିକୁ ବାହାର କରିବା ଲାଗି ନଦୀର ସେପଟ ପାରିରେ ପହଞ୍ଚିଛନ୍ତି ।
- ଜୀବନକୁ ବାଜି ଲଗାଇ ସାମଗ୍ରୀ ପଛରେ ଲୋକେ
ବନ୍ୟାରେ ନଦୀରେ ଭାସୁଥିବା ସାମଗ୍ରୀଗୁଡ଼ିକୁ ବାହାର କରିବା ଲାଗି କିଛି ଲୋକ ନିଜ ଜୀବନକୁ ବାଜି ଲଗାଇଥିବା ଦେଖିବାକୁ ମିଳିଛି । ଉଦ୍ଧାରକାରୀ ଟିମ ବାରମ୍ବାର ସେମାନଙ୍କୁ ନଦୀଠାରୁ ଦୂରରେ ରହିବାକୁ ଚେତାବନୀ ଦେଇଛନ୍ତି । ସେପଟେ କିଛି ଲୋକ କାଠଗଣ୍ଡି ଓ ଅନ୍ୟ ସାମଗ୍ରୀଗୁଡ଼ିକୁ ବାହାର କରିବା ଲାଗି ନଦୀର ସେପଟ ପାରିରେ ପହଞ୍ଚିଛନ୍ତି ।
ପଢନ୍ତୁ ଏହି ଖବର: ନେପାଳରେ ଜଳ ପ୍ରଳୟର ସବୁଠୁ ବଡ଼ କାରଣ କଣ ? ଏକ୍ସପର୍ଟ କଲେ ବଡ଼ ଖୁଲାସାନେପାଳର ଗୋଟିଏ ପରିବାରର ମୋଟ ୪୦ ଜଣ ଲୋକ ବନ୍ୟାରେ ନିଖୋଜ ହୋଇଯାଇଛନ୍ତି । କେବଳ ଜଣେ ବ୍ୟକ୍ତି ରହିଯାଇଥିବାବେଳେ ଏ ନେଇ ସେ ଗଣମାଧ୍ୟମକୁ ସୂଚନା ଦେଇଛନ୍ତି । ସେ କହିଛନ୍ତି, "କେହି ବି ମିଳୁନାହାନ୍ତି । ପ୍ରାକୃତିକ ବିପର୍ଯ୍ୟୟ ଆଗରେ କିଏ ବା କଣ କରିପାରିବ । ମୁଁ ନିଜକୁ ବହୁତ ଏକାକୀ ମନେ କରୁଛି । ଭାଙ୍ଗିପଡ଼ିଛି । ହେଲେ କଣ ବା କରିପାରିବି !" ଏହି ପରିବାର ଧୁଙ୍ଗେ ବଜାର ଅଞ୍ଚଳର ଅଧିବାସୀ, ଯାହାକି ଭୟଙ୍କର ବନ୍ୟାରେ ମାଟିରେ ମିଶିଯାଇଛି । ଏବେ ବି ପ୍ରାୟ ୨୦୦୦ରୁ ଅଧିକ ଲୋକ ନିଖୋଜ ଅଛନ୍ତି ।
