ପୁଣି ବଢିଲା ଶୀତ । ଦିନିକିଆ ବ୍ରେକ୍‌ ପରେ ରାଜ୍ୟରେ ପୁଣି ଅନୁଭୂତ ହୋଇଛି ଶୀତ ଲହରୀ । ଓଡ଼ିଶା ଆକାଶରୁ ବାଦଲ ଆଚ୍ଛାଦନ ହଟିବା ପରେ ଉପକୂଳ ଓଡ଼ିଶାରେ ଗତକାଲି ଅପେକ୍ଷା ୩.୬° ସେଲସିୟସ ଯାଏଁ ପାରଦ ଖସିଛି । ଆଜି ସକାଳ ୫ଟା ୩୦ରେ ଝାରସୁଗୁଡା ୯.୪°C ତାପମାତ୍ରା ରେକର୍ଡ ହୋଇଛି । ସେହିପରି କେନ୍ଦୁଝରରେ ୧୧.୬°ସେଲିୟସ, ଭୁବନେଶ୍ୱରରେ ୧୩.୪° ସେଲସିୟସ ରେକର୍ଡ ହୋଇଛି । ତେବେ ଗତକାଲି ସକାଳ ୫ଟା ୩୦ ସମୟରେ ରାଜଧାନୀରେ ତାପମାତ୍ରା ୧୭°C ରେକର୍ଡ ହୋଇଥିଲା ।

ପାଣିପାଗ ବିଜ୍ଞାନୀ ଉମାଶଙ୍କର ଦାସଙ୍କ ତଥ୍ୟ ଅନୁସାରେ, ଆଜି ସକାଳ ୫ଟା ୩୦ରେ ଝାରସୁଗୁଡାରେ ୯.୪° ସେଲସିୟସ୍‌, କେନ୍ଦୁଝରରେ ୧୧.୬° ସେଲସିୟସ୍‌, ଭୁବନେଶ୍ବର ୧୩.୪° ସେଲସିୟସ୍‌, ବାଲେଶ୍ୱରରେ ୧୪° ସେଲସିୟସ୍‌, ଚାନ୍ଦବାଲିରେ ୧୪.୮° ସେଲସିୟସ ଓ ପାରଦ୍ବୀପରେ ୧୫° ସେଲସିୟସ୍‌ ତାପମାତ୍ରା ରେକର୍ଡ କରାଯାଇଛି ।