Argus News - ବଙ୍ଗୋପସାଗରରେ ବାତ୍ୟା ଭିତରେ ଶୀତ ଭାଙ୍ଗିଲା ୭୧ ବର୍ଷର ରେକର୍ଡ

ଭୁବନେଶ୍ଵର: ସେପଟେ ବଙ୍ଗୋପସାଗରରେ ବାତ୍ୟା ଆସୁଛି । ଏପଟେ ଶୀତ ବଢ଼ୁଛି । ବାତ୍ୟା ଭୟ ଭିତରେ ଶୀତ ଭାଙ୍ଗିଛି ୭୧ ବର୍ଷର ରେକର୍ଡ । ଆଜି ରାଜ୍ୟର ୬ଟି ସ୍ଥାନରେ ସର୍ବନିମ୍ନ ରାତି ତାପମାତ୍ରା ୧୦ ଡିଗ୍ରୀ ତଳେ ରହିଛି ।

ଏଥିସହ ପଢ଼ନ୍ତୁ: ବସ୍‌ରେ ଘରକୁ ଫେରୁଥିଲେ ସ୍ଵାମୀ, ସ୍ତ୍ରୀ; ହୃଦ୍‌ଘାତରେ ସ୍ଵାମୀର ଅଚାନକ ମୃତ୍ୟୁ, ଆଉ ତା'ପରେ...

କନ୍ଧମାଳ ଜିଲ୍ଲାର ଜି.ଉଦୟିଗିରିରେ ରାଜ୍ୟର ସର୍ବନିମ୍ନ ରାତି ତାପମାତ୍ରା ୭.୪ ଡିଗ୍ରୀ ରେକର୍ଡ କରାଯାଇଛି । ସେହିଭଳି ରାଉରକେଲାରେ ସର୍ବନିମ୍ନ ପାରଦ ୭.୭ ଡିଗ୍ରୀ, ଝାରସୁଗୁଡ଼ାରେ ୮.୧ ଡିଗ୍ରୀ, ସେମିଳିଗୁଡ଼ାରେ ୮.୬ ଡିଗ୍ରୀ, କିରେଇରେ ୯.୩ ଡିଗ୍ରୀ, ଦାରିଙ୍ଗବାଡି ୯.୫ ଡିଗ୍ରୀ, ଅନୁଗୁଳ ୧୦ ଡିଗ୍ରୀ, କେନ୍ଦୁଝରରେ ୧୦.୩ ଡିଗ୍ରୀ, ସୁନ୍ଦରଗଡ଼ରେ ୧୦.୩ ଡିଗ୍ରୀ ରହିଛି । ଭୁବନେଶ୍ୱରରେ ୧୩.୫ ଡିଗ୍ରୀ ଏବଂ କଟକରେ ୧୩.୪ ଡିଗ୍ରୀ ରେକର୍ଡ ହୋଇଛି ।

#Recordbreaking cold (Since 1953...)#71ବର୍ଷର ରେକର୍ଡ ଭାଙ୍ଗିଲା #ଝାରସୁଗୁଡା ଥଣ୍ଡା

ଝାରସୁଗୁଡା ରେ ଆଜି ସର୍ବନିମ୍ନ ରାତ୍ରି ତାପମାତ୍ରା 8.1°C ରେକର୍ଡ,
ଯାହାକି ନଭେମ୍ବରରେ ରେକର୍ଡ ହୋଇଥିବା ସବୁଠାରୁ କମ ରାତ୍ରିତାପମାତ୍ର

ପୂର୍ବରୁ..
30/11/1970: 8.4°C
26/11/1970: 8.6°C
29/11/1970: 8.9°C
25/11/1970: 9°C pic.twitter.com/PhRsBlmyZw

— usd (@usd0705) November 27, 2025

ସେପଟେ ଝାରସୁଗୁଡ଼ାରେ ଶୀତ ଭାଙ୍ଗିଛି ୭୧ ବର୍ଷର ରେକର୍ଡ । ୧୯୫୩ ମସିହା ପରେ ଆଜି ଝାରସୁଗୁଡ଼ାରେ ନଭେମ୍ବରରେ ରେକର୍ଡ ହୋଇଛି ସବୁଠାରୁ କମ୍ ରାତି ତାପମାତ୍ରା । ଏହା ପୂର୍ବରୁ ୧୯୭୦ ମସିହା ନଭେମ୍ବର ଶେଷ ସପ୍ତାହରେ ଝାରସୁଗୁଡ଼ାର ସର୍ବନିମ୍ନ ରାତି ତାପମାତ୍ରା ୮.୪ ଡିଗ୍ରୀ ରେକର୍ଡ ହୋଇଥିଲା ।

ଆଜି ରେକର୍ଡ ପ୍ରମୁଖ ରାତ୍ରିତାପମାତ୍ରା

ଜି. ଉଦୟଗିରି 7.4°C
ରାଉରକେଲା 7.7°C
ଝାରସୁଗୁଡା 8.1°C
ସେମିଳିଗୁଡା 8.6°C
କିରେଇ 9.3°C
ଦାରିଙ୍ଗବାଡି 9.5°C
ଅନୁଗୁଳ 10°C
କେନ୍ଦୁଝର 10.3°C
ସୁନ୍ଦରଗଡ 10.6°C

ଭୁବନେଶ୍ୱର 13.5°C ଏବଂ କଟକ 13.4°C pic.twitter.com/rDFSug5KEm

— usd (@usd0705) November 27, 2025

ସେପଟେ ଦକ୍ଷିଣ-ପଶ୍ଚିମ ବଙ୍ଗୋପସାଗର ଏବଂ ସଂଲଗ୍ନ ଶ୍ରୀଲଙ୍କା ଉପକୂଳରେ ଥିବା ଗଭୀର ଅବପାତ ବାତ୍ୟା 'ଡିଟୱା'ରେ ପରିଣତ ହୋଇଛି । ହେଲେ ଓଡ଼ିଶା ଉପରେ ବାତ୍ୟାର ସିଧାସଳଖ ପ୍ରଭାବ ରହିବ ନାହିଁ । ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ରର ଆକଳନ ଅନୁସାରେ, ଆଗାମୀ ୩ ଦିନ ପର୍ଯ୍ୟନ୍ତ ପାଗରେ କୌଣସି ବର୍ତ୍ତ ପରିବର୍ତ୍ତନ ହେବ ନାହିଁ ।

ଏଥିସହ ପଢ଼ନ୍ତୁ: ଘନ କୁହୁଡ଼ି ପାଇଁ ୟେଲୋ ୱାର୍ଣ୍ଣିଂ; ୭ ଦିନ ଯାଏଁ ଶୁଖିଲା ରହିବ ପାଗ

ବଙ୍ଗୋପସାଗର ରେ
ସୃଷ୍ଟି ହେଲା ବାତ୍ୟା #ଡିଟୱା
ଦକ୍ଷିଣପଶ୍ଚିମ ବଙ୍ଗୋପସାଗର ପାର୍ଶ୍ଵବର୍ତ୍ତୀ ଶ୍ରୀଲଙ୍କା ଉପକୂଳରେ ସୃଷ୍ଟି ହେଲା ବାତ୍ୟା #ଡିଟୱା pic.twitter.com/95TK5IhtMT

— usd (@usd0705) November 27, 2025

୭ ଦିନ ପର୍ଯ୍ୟନ୍ତ ରାଜ୍ୟରେ ପାଗ ମୁଖ୍ୟତଃ ଶୁଖିଲା ରହିବ । ଗୁରୁବାର ଓ ଶୁକ୍ରବାର ଘନ କୁହୁଡ଼ି ନେଇ ୪ ଜିଲ୍ଲା ସୁନ୍ଦରଗଡ଼, ଝାରସୁଗୁଡ଼ା, କନ୍ଧମାଳ ଓ କୋରାପୁଟ ଜିଲ୍ଲାକୁ ୟେଲୋ ୱାଣ୍ଣିଂ ଦିଆଯାଇଛି । ଆଗାମୀ ୨ ଦିନରେ ଓଡ଼ିଶାର ଜିଲ୍ଲାଗୁଡ଼ିକରେ ସର୍ବନିମ୍ନ ରାତି ତାପମାତ୍ରା ୨ରୁ ୩ ଡିଗ୍ରୀ ହ୍ରାସ ପାଇବା ପୂର୍ବାନୁମାନ କରାଯାଇଛି । ସକାଳେ କୁହୁଡ଼ି ପରେ ଆକାଶ ମୁଖ୍ୟତଃ ମେଘମୁକ୍ତ ରହିବାର ସମ୍ଭାବନା ରହିଛି ।