Argus News - ରାତି ଅଧରେ ରାସ୍ତା କଡରୁ ମହିଳାଙ୍କୁ ଉଠାଇନେଲା ଡ୍ରାଇଭର, ସିସିଟିଭିରେ କଏଦ୍ ହେଲା ଦୃଶ୍ୟ

ରାତି ଅଧରେ ରାସ୍ତା କଡରୁ ଅପହରଣ । ସିସିଟିଭିରେ କଏଦ୍ ହୋଇଥିବା ସେହି ଦୃଶ୍ୟ , ଯାହା ଆପଣଙ୍କ ମନକୁ ବି ବିଚଳିତ କରିଦେବ । କେମିତି ନିଛାଟିଆ ରାସ୍ତାରେ ମହିଳାଙ୍କୁ ଏକା ଦେଖି ଉଠାଇ ନେଲେ ଡ୍ରାଇଭର । ଆଉ ସେ ବି ଜଣେ ମାନସିକ ସ୍ଥିତି ଠିକ ନଥିବା ମହିଳାଙ୍କୁ ।

ଏପରି ଏକ ଘଟଣା ଘଟିଛି 16 ନଂ ଜାତୀୟ ଭଦ୍ରକ ଚରମ୍ପା ନିକଟରେ । ସମୟ ଥିଲା ରାତି ୧୨ଟା ୪୦ ମିନିଟ୍ । ବର୍ଷା ରାତି । ମହିଳା ଜଣେ ରାସ୍ତା କଡରେ ଥିବା ଏକ ଦୋକାନ ବାରଣ୍ଡାରେ ଅଟକି ଯାଇଥିଲେ ବର୍ଷାରୁ ରକ୍ଷା ପାଇବା ପାଇଁ । ରାସ୍ତାରେ ଲଗାତାର ଟ୍ରକ ଗୁଡିକ ଯିବାଆସିବା କରୁଥିଲା । ଆଉ ସେ ଭିତରୁ ଗୋଟେ ଟ୍ରକ ଅଟକି ଯାଇଥିଲା, ମହିଳା ଜଣକ ଛିଡା ହୋଇଥିବା ରାସ୍ତାର ଅପରପାର୍ଶ୍ଵରେ । ଗାଡିରେ ବାହାରିଥିଲା ଡ୍ରାଇଭର ।

ରାସ୍ତା ଅତିକ୍ରମ କରି ସେହି ପାର୍ଶ୍ଵକୁ ଆସିଥିଲା, ଯେଉଁଠି ମହିଳାଜଣକ ଅଟକିଥିଲେ । ଆଉ ହଠାତ ଦୌଡିଆସି ମହିଳାଙ୍କ ସହ ଜୋର ଜବରଦସ୍ତି କରିଥିଲା । ଯାହା ସିସିଟିଭି ଫୁଟେଜରେ ସ୍ପଷ୍ଟ ଜଣା ପଡୁଥିଲା । ମହିଳାଜଣକ ମାନିସକ ଅସୁସ୍ଥ ଥିବା ପରି ଲାଗୁଥିଲେ, ଏବଂ ହାତରେ ଖଣ୍ଡେ ବ୍ୟାଗ ଧରିଥିଲେ । ଡ୍ରାଇଭର ଜଣକ ଅନେକ ସମୟ ତାଙ୍କସହ ଜୋର ଜବରଦସ୍ତ କରିବା ପରେ ଶେଷରେ ତାଙ୍କୁ ଟେକି ନେଇ ଟ୍ରକ ଭିତରକୁ ଚାଲି ଯାଇଥିଲେ ।

ଅଧିକ ପଢନ୍ତୁ : ବେହୋସ୍ ଉଦ୍ୟମ ବେଳେ ଚଳନ୍ତା ଅଟୋରୁ ଡେଇଁ ପଡ଼ିଲେ ଯୁବତୀ

ସମ୍ପୁର୍ଣ୍ଣ ଘଟଣା ସିସିଟିଭିରେ କଏଦ୍ ହୋଇଛି । ତେବେ ଏହି ଘଟଣା ଜଣା ପଡିବା ପରେ ଭଦ୍ରକ ରେ ଚହଳ ସୃଷ୍ଟି ହୋଇଛି.ପୋଲିସ ବିଭିନ୍ନ ସ୍ଥାନରେ ଛାନଭିନ୍ନ କରିବା ସହିତ ସେହି ମହିଳାଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଆରମ୍ଭ କରିଛି ।

ଗତ କିଛିଦିନ ତଳେ ରାଜଧାନୀ ଭୁବନେଶ୍ଵରରେ ଏକ ଛାତ୍ରୀ ଅପହରଣ ଚାଞ୍ଚଲ୍ୟ ସୃଷ୍ଟି କରିଥିଲା । ଚଳନ୍ତା ଅଟୋରେ ଯୁବତୀଙ୍କୁ ବେହୋସ୍ କରିବାକୁ ଉଦ୍ୟମ କରାଯାଇଥଇଲା । ହେଲେ ନିଜର ଜୀବନ ବଞ୍ଚାଇବାକୁ ଅଟୋରୁ ଡେଇଁ ପଡିଥିଲେ ଯୁବତୀଜଣକ । ଜୟଦେବ ବିହାରରେ ଘଟିଥିଲା ଏହି ଘଟଣା ।

ଆହୁରି ପଢନ୍ତୁ : ପୁଅ ଆଗରେ ନିଜ ଶାଶୁକୁ ପିଟିଲା ବୋହୁ, ଭିଡିଓ ରେକର୍ଡ କରି ଥାନାରେ ଅଭିଯୋଗ କଲା ନାତି

ଯୁବତୀଙ୍କ ଭାଇ କହିଥିଲେ, ଅଟୋରେ ପୂର୍ବରୁ ବସିଥିବା ଜଣେ ମହିଳା ହଠାତ୍ ଯୁବତୀଙ୍କ ଟଣା ଓଟରା କରିଥିଲେ । ମୋବାଇଲ୍ ଛଡ଼ାଇ ନେବା ସହ ମୁହଁରେ କପଡ଼ା ଗୁଡ଼ାଇ ବେହୋସ୍ କରିବାକୁ ଉଦ୍ୟମ କରିଥିଲେ । କୌଣସି ଉପାୟ ନ ପାଇ ଯୁବତୀ ଜଣଙ୍କ ଚଳନ୍ତା ଅଟୋରୁ ଡେଇଁ ପଡ଼ିଥିଲେ । ଯାହା ଫଳରେ ଯୁବତୀଙ୍କ ମୁଣ୍ଡ ସହ ହାତ ଓ ଗୋଡ଼ରେ ଆଘାତ ଲାଗିଥିଲା ।

ତେବେ ରାଜଧାନୀରେ ଅପହରଣ ନେଇ ଏହା ଗୋଟିଏ ଅଭିଯୋଗ ନୁହେଁ । ପ୍ରଥମେ କ୍ୟାବ୍ ଡ୍ରାଇଭର ପରେ ରୋଷେୟା, ଆଉ ପୁଣି ଯୁବତୀଙ୍କୁ ଅପହରଣ, ଆଉ ଏବେ ଭଦ୍ରକରେ ମହିଳାଙ୍କୁ ଅପହରଣ କରାଯାଇଛି ।