ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରିଛନ୍ତି ବଡ଼ ଦାବି । ଛାତି ବାଡ଼େଇ ବାଡ଼େଇ ଟ୍ରମ୍ପ କହିଛନ୍ତି, "ମୁଁ ରୋକିଛି ଯୁଦ୍ଧ ।" ବିଶ୍ଵରେ ଚାଲିଥିବା ୮ରୁ ୫ଟି ଯୁଦ୍ଧକୁ ଟ୍ରମ୍ପ ଟାରିଫ୍ ଭୟ ଦେଖାଇ ବନ୍ଦ କରି ଦେଇଥିବା ଦାବି କରିଛନ୍ତି ।

ଟ୍ରମ୍ପ କହିଛନ୍ତି, "ବିଶ୍ଵବ୍ୟାପୀ ବିଭିନ୍ନ ରାଷ୍ଟ୍ର ଉପରେ ଆମେରିକା ଟାରିଫ୍ ଲଗାଇ ଅରବ ଡଲାର୍ କମାଉଛି । ଯାହା ଫଳରେ ଆର୍ଥିକ ଭାବେ ଲାଭାନ୍ଵିତ ହେଉଛି ଆମେରିକା ।" ନିଜ ସୋସିଆଲ୍ ମିଡିଆ ଟ୍ରୁଥ୍‌ରେ ଏ ସମ୍ପର୍କିତ ଦୀର୍ଘ ପୋଷ୍ଟ କରିଛନ୍ତି ଡୋନାଲ୍ଡ ଟ୍ରମ୍ପ ।

ଏଥିସହ ପଢ଼ନ୍ତୁ: ନମ୍ବର ବିହୀନ ଗାଡ଼ିରେ ଖସି ପଳାଇଥିଲା ସିକନ୍ଦର, ମାଟି ତଳେ ପୋତିଥିଲା ପାସପୋର୍ଟ

ଯେଉଁଠି ଟ୍ରମ୍ପ ଲେଖିଛନ୍ତି, "ଆମେ ବିଦେଶୀଙ୍କ ଉପରେ ଟାରିଫ୍ ଏବଂ ନିବେଶ ଭାବେର ଅରବ ଡଲାର କମାଉଛୁ । ମୁଁ ୮ଟିରୁ ୫ଟି ଯୁଦ୍ଧକୁ ଟାରିଫ୍ ଧମକ ଦେଇ ବନ୍ଦ କରିଛି । ଯଦି ସେମାନେ ଲଢ଼ିବା ବନ୍ଦ ନ କରିବେ ଅଥବା ପୁଣି ଲଢ଼ିବେ ତ ଟାରିଫ୍ ଲଗାଇ ଦେବି ।"

ପୂର୍ବରୁ ଅନେକଥର ଟ୍ରମ୍ପ, ଭାରତ-ପାକିସ୍ତାନ ମଧ୍ୟରେ ସୈନ୍ୟ ତିକ୍ତତା ରୋକିଥିବା ଦାବି କରି ସାରିଛନ୍ତି । ତେବେ ଟ୍ରମ୍ପ କରିଥିବା ଅସ୍ତ୍ରବିରତି ଦାବି ସହ ଭାରତ କେବେ ସହମତ ହୋଇ ନାହିଁ । ଆମେରିକାର ପୂର୍ବତନ ରାଷ୍ଟ୍ରପତି ଜୋ ବାଇଡେନଙ୍କୁ କଟାକ୍ଷ କରିଛନ୍ତି ଡୋନାଲ୍ଡ ଟ୍ରମ୍ପ ।

ନିଜକୁ ସାବାସୀ ଦେଇ ଟ୍ରମ୍ପ କହିଛନ୍ତି, "ଏବେ ଆମେରିକାରେ ଦରବୃଦ୍ଧି ନାହିଁ । ଯେତେବେଳେ କି ବାଇଡେନ୍ ସମୟରେ ମୁଦ୍ରାସ୍ଫୀତି ଆମେରିକା ଇତିହାସରେ ସବୁଠୁ ଖରାପ ସ୍ତରରେ ଥିଲା । ଷ୍ଟକ୍ ମାର୍କେଟ୍ ୯ ମାସରେ ୪୮ ସ୍ତର ସର୍ବୋଚ୍ଚ ସ୍ତରରେ ପହଞ୍ଚିଛି । ଯେଉଁ ଦେଶ ବର୍ଷ ବର୍ଷ ଧରି ଟାରିଫ୍ ଜରିଆରେ ଆମେରିକାକୁ ଲୁଟୁଥିଲେ, ଏବେ ସେମାନଙ୍କୁ ଆମ ବିଚାର ବ୍ୟବସ୍ଥା ଆମେରିକାକୁ ବରବାଦ କରିବାକୁ ଅନୁମତି ଦେବ ନାହିଁ ।"

ଏଥିସହ ପଢ଼ନ୍ତୁ: ମାଆର ମୃତ୍ୟୁ ପରେ ଝିଅ ଭରୁଥିଲା ଋଣ କିସ୍ତି, ଗାଁ ଦାଣ୍ଡରେ ଗୋଡ଼ାଇ ଗୋଡ଼ାଇ ମାଡ଼ ମାରିଲେ SHG ସଦସ୍ୟା

କାହା ଉପରେ କେତେ ଟାରିଫ୍ ?

ଟ୍ରମ୍ପ ଦୃଢ଼ ଭାବେ କହିଛନ୍ତି, ଆମେରିକାର ଇତିହାସରେ ସବୁଠୁ ଧନୀ, ସବୁଠୁ ମଜଭୁତ ଏବଂ ସବୁଠୁ ସମ୍ମାନିତ ଦେଶ । ଏହା ପଛର କାରଣ ୨୦୨୪ ନଭେମ୍ବର ୫ (ଆମେରିକା ରାଷ୍ଟ୍ରପତି ନିର୍ବାଚନ ତାରିଖ) ଏବଂ ଟାରିଫ୍ । ଦ୍ଵିତୀୟ କାର୍ଯ୍ୟକାଳରେ ଟ୍ରମ୍ପ ଅନ୍ତର୍ଜାତୀୟ ଜରୁରୀକାଳୀନ ଆର୍ଥିକ ସ୍ଥିତି ଅଧିନିୟମର ଉପଯୋଗ କରି ଟାରିଫ୍ ଲଗାଇଥିଲେ ।

ଯେଉଁଥିରେ ସମସ୍ତ ଆମଦାନୀ ଉପରେ ୧୦ ପ୍ରତିଶତ ବେସଲାଇନ୍ ଟାରିଫ୍ ସାମିଲ୍ । ଯେତେବେଳେ କି ଅଧିକ ବାଣିଜ୍ୟ କରୁଥିବା ଦେଶ ଉପରେ ଅତିରିକ୍ତ ଟାରିଫ୍ ଲଗାଇଥିଲେ । ଯାହାକି ୧୫ରୁ ନେଇ ୪୧ ପ୍ରତିଶତ ଥିଲା । ଚୀନ ଉପରେ ମୋଟ ୫୪ ପ୍ରତିଶତ, ଭାରତ ଓ ବ୍ରାଜିଲ୍ ଉପରେ ୫୦ ପ୍ରତିଶତ, ୟୁରୋପୀୟ ସଂଘ-ଜାପାନ ଉପରେ ୧୫ ପ୍ରତିଶତ ଓ କାନାଡ଼ା ଉପରେ ୩୫ ପ୍ରତିଶତ ଟାରିଫ୍ ଲାଗିଛି ।