Char Dham / କରିପାରିବେନି ରିଲ୍ସ, ବ୍ଲଗ; ମନ୍ଦିର ପରିସରରେ ବ୍ୟାନ୍ ହେଲା ମୋବାଇଲ୍ ଫୋନ ଓ କ୍ୟାମେରା

ନୂଆଦିଲ୍ଲୀ: ଚାରିଧାମ ଦର୍ଶନ କରୁଥିବା ଶ୍ରଦ୍ଧାଳୁଙ୍କ ପାଇଁ ଆସିଲା ପ୍ରତିବନ୍ଧକ । ଏଣିକି ମନ୍ଦିର ପରିସରରେ ବ୍ୟବହାର କରିପାରିବେନି ମୋବାଇଲ ଫୋନ୍ ଏବଂ କ୍ୟାମେରା । ଦର୍ଶନ କରିବା ପୂର୍ବରୁ ମନ୍ଦିର ପରିସରରେ ଶ୍ରଦ୍ଧାଳୁଙ୍କ ଫୋନ୍ ଏବଂ କ୍ୟାମେରା ଜମା କରାଯିବ ।

ଉତ୍ତରାଖଣ୍ତର ଚାରିଧାମ ଯାତ୍ରା ସମୟରେ ଏହି ମୋବାଇଲ ଫୋନ୍ ଏବଂ କ୍ୟାମେରା ସମ୍ପୂର୍ଣ୍ଣ ବ୍ୟାନ କରାଯିବ । ଯାହାକି ଚଳିତ ବର୍ଷଠାରୁ ଲାଗୁ କରାଯିବ । ଚାରିଧାମ ଦର୍ଶନ କରୁଥିବା ଶ୍ରଦ୍ଧାଳୁଙ୍କ ପାଇଁ ବଡ଼ କଟକଣା ଲଗା ଯାଇଛି । ବଦ୍ରିନାଥ, କେଦାରନାଥ, ଗଙ୍ଗୋତ୍ରୀ, ଯମୁନୋତ୍ରୀରେ ବନାଇପାରିବେ ନାହିଁ ରିଲ୍ ଓ ବ୍ଲଗ୍ ।

ଏଥିସହ ପଢ଼ନ୍ତୁ: ଅରବିନ୍ଦଙ୍କୁ ବିଶ୍ଵାସଘାତକ ପ୍ରମାଣିତ କରିବାକୁ ବିଜେଡିକୁ ଲାଗିଗଲା ୨୨ ମାସ

ଉତ୍ତରାଖଣ୍ତର ଚାରିଧାମ ଯାତ୍ରା ସମୟରେ ମୋବାଇଲ ଫୋନ୍ ଏବଂ କ୍ୟାମେରା ସମ୍ପୂର୍ଣ୍ଣ ବ୍ୟାନ କରାଯିବ । ଜିଲ୍ଲା ମାଜିଷ୍ଟ୍ରେଟ, ବରିଷ୍ଠ ପୋଲିସ ଅଧୀକ୍ଷକ ଏବଂ ବିଭାଗୀୟ ଅଧିକାରୀଙ୍କ ସହିତ ଏକ ସମୀକ୍ଷା ବୈଠକ ହୋଇଛି । ଯାହାପରେ ଗଡ଼ୱାଲ କମିଶନର ବିନୟ ଶଙ୍କର ପାଣ୍ଡେ କହିଛନ୍ତି, "ମୋବାଇଲ ଫୋନ୍ ଏବଂ କ୍ୟାମେରାକୁ ଅନୁମତି ଦେବା ଦ୍ୱାରା ଦର୍ଶନରେ ବହୁ ବାଧା ଉପୁଜୁଛି ।"

ଧାର୍ମିକ ସ୍ଥଳରେ ରିଲ୍‌ ଏବଂ ବ୍ଲଗ କରିବା ନେଇ ବଢ଼ୁଥିବା ବିବାଦକୁ ଦୃଷ୍ଟିରେ ରଖି, ଚଳିତ ବର୍ଷ ବଦ୍ରିନାଥ, କେଦାରନାଥ, ଗଙ୍ଗୋତ୍ରୀ ଏବଂ ଯମୁନୋତ୍ରୀ ମନ୍ଦିର ଭିତରେ ମୋବାଇଲ ନିଷେଧ କରିବାକୁ ନିଷ୍ପତ୍ତି ନିଆଯାଇଛି ।

ଏଥିସହ ପଢ଼ନ୍ତୁ: ଭାରତୀୟ ଖେଳାଳିଙ୍କ ଭିତରେ ଫାଟ, ଧ୍ରୁବଙ୍କ ଉପରେ ରାଗି ହାତ ଉଠାଇଲେ ଜୟସୱାଲ !

ଏହି ନିଷ୍ପତ୍ତି ଅନାବଶ୍ୟକ ବିବାଦକୁ ରୋକିବା ସହିତ ଭକ୍ତମାନଙ୍କୁ ସମ୍ପୂର୍ଣ୍ଣ ଭକ୍ତି ଏବଂ ଏକାଗ୍ରତାର ସହିତ ତୀର୍ଥଯାତ୍ରା କରିବାକୁ ମଧ୍ୟ ଅନୁମତି ଦେବ । ସରକାର ପୂଜାସ୍ଥଳର ପବିତ୍ରତା ଏବଂ ଧାର୍ମିକ ଶୃଙ୍ଖଳାକୁ ବିଚାରକୁ ନେଇ ପଦକ୍ଷେପ ନେଇଛନ୍ତି ବୋଲି କହିଛନ୍ତି ଗଡ଼ୱାଲ କମିଶନର ।

ଗତ ବର୍ଷ ୫୦ ଲକ୍ଷ ଭକ୍ତ ଚାରିଧାମ ଦର୍ଶନ କରିଥିଲେ । ଚଳିତ ବର୍ଷ ତୀର୍ଥଯାତ୍ରାକୁ ଆହୁରି ସୁଗମ ଏବଂ ସହଜ କରିବା ପାଇଁ ପ୍ରୟାସ କରାଯିବାକୁ ପ୍ରଶାସନ ଉଦ୍ୟମ କରିବା ସହ ଅନେକ ପଦକ୍ଷେପ ଗ୍ରହଣ କରିଛି ।