ସମ୍ପତ୍ତିବାଡ଼ିକୁ ନେଇ ଘରେ ଘରେ କଳି । ବାପା ପୁଅରେ କଳି.. ଭାଇ-ଭାଇରେ କଳି.. ଭଉଣୀ-ଭାଇରେ କଳି । ସ୍ୱାମୀ-ସ୍ତ୍ରୀରେ ବି କଳି । ଏମିତି ସବୁ କଳିର ସମାଧନ ପାଇଁ ଆମ ନ୍ୟାୟିକ ପ୍ରଣାଳୀରେ ରହିଛି ସ୍ୱତନ୍ତ୍ର ବ୍ୟବସ୍ଥା । ଯାହାଦ୍ୱାରା ସମ୍ପତ୍ତିକୁ ନେଇ ହେଉଥିବା କଳିର ସମାଧାନ କରାଯାଏ । ହେଲେ ଏମିତି କଳି, ଘର ମାନଙ୍କରେ ନହେବା ପାଇଁ ଆମ ସମସ୍ତଙ୍କୁ...ଏହି ନ୍ୟାୟ ବ୍ୟବସ୍ଥା ବିଷୟରେ ଟିକେ ଜାଣିବାକୁ ପଡ଼ିବ ।

ଆଜି ଆମେ ଜାଣିବା ଗୋଟିଏ ଘରେ ବୋହୁର ଅଧିକାର କେତେ । ଶ୍ୱଶୁର ସମ୍ପତିକୁ ନିଜର ବୋଲି ଦାବି କରିପାରିବ କି ବୋହୂ ? 

ଅନେକ କହନ୍ତି ବିବାହ ପରେ... ବୋହୂ ହୋଇଯାଏ ଶ୍ୱଶୁର ଘର ସମ୍ପତ୍ତିର ମାଲିକ । କିନ୍ତୁ ନ୍ୟାୟିକ ବ୍ୟବସ୍ଥା ଅନୁସାରେ ଏହା ସେମିତି ଜମାରୁ ନୁହେଁ । କାରଣ ଶ୍ୱଶୁର ଘର ସମ୍ପତ୍ତିରେ ରହିଥାଏ ସେଇ ବାପର...ଜନ୍ମ କଲା ପୁଅ-ଝିଅଙ୍କ ଅଧିକାର । ଆଉ ପୁଅକୁ ବିବାହ କରି ଯେଉଁ ବୋହୂ ଘରକୁ ଆସେ ସେ କେବଳ ତାଙ୍କ ସ୍ୱାମୀଙ୍କ ଭାଗରେ ପଡ଼ିଥିବା ସମ୍ପତ୍ତିର ମାଲିକ ହୋଇପାରିବ । କିନ୍ତୁ ସମ୍ପୂର୍ଣ୍ଣ ଶ୍ୱଶୁର ଘର ସମ୍ପତ୍ତିର ମାଲିକାଣି ନୁହେଁ...।

ଏହି ବାସ୍ତବତାକୁ ବୁଝିବା ପାଇଁ, ଆଇନଗତ ବ୍ୟବସ୍ଥାଗୁଡ଼ିକୁ ବୁଝିବା ଗୁରୁତ୍ୱପୂର୍ଣ୍ଣ । ଉପଯୁକ୍ତ ସୂଚନା ଅଭାବରୁ ପରିବାର ମଧ୍ୟରେ ପ୍ରାୟତଃ ବିବାଦ ସୃଷ୍ଟି ହୁଏ । ତେଣୁ, ଭାରତୀୟ ଆଇନରେ ସ୍ପଷ୍ଟ ଭାବରେ ସମ୍ପତ୍ତି ଅଧିକାର ନିୟମ ରହିଛି ।

ଏହାସହ ପଢ଼ନ୍ତୂ:- ଶ୍ୱଶୁର ଘର ସମ୍ପତ୍ତିରୁ ବୋହୁ ମାଗିପାରିବ କି ହକ୍ ?

ହିନ୍ଦୁ ଉତ୍ତରାଧିକାରୀ ଆଇନ, 1956 ଅନୁଯାୟୀ ପିତାଙ୍କ ସମ୍ପତ୍ତି...ତାଙ୍କ ପୁଅ ଏବଂ ଝିଅମାନେ ହିଁ ଉତ୍ତରାଧିକାରୀ ଭାବରେ ପାଆନ୍ତି । ଝିଅ ବିବାହିତ କିମ୍ବା ଅବିବାହିତ ହେଉ...ସବୁବେଳେ ବାପାଙ୍କ ସମ୍ପତ୍ତିରେ ଝିଅର ଅଧିକାର ରହିଛି । କିନ୍ତୁ ଅନେକ କିଛି କ୍ଷେତ୍ରରେ ଝିଅର ଦାବିକୁ ମଧ୍ୟ କୋର୍ଟ ଖାରଜ କରିବାର ନଜିର ରହିଛି । କିନ୍ତୁ ଏହି ଆଇନ ଅନୁଯାୟୀ ସମ୍ପତ୍ତିର ଉତ୍ତରାଧିକାରୀ ହେବା ପାଇଁ ବୋହୂଙ୍କ ନାମ ସିଧାସଳଖ ଅନ୍ତର୍ଭୁକ୍ତ ନୁହେଁ । ଏହାର ଅର୍ଥ ହେଉଛି ଘରର ବୋହୂ ତାଙ୍କ ଶ୍ୱଶୁରଙ୍କ ସମ୍ପତ୍ତିରେ ସିଧାସଳଖ ଅଂଶୀଦାର ନୁହଁନ୍ତି ।

ତାଙ୍କ ସ୍ୱାମୀଙ୍କ ଭାଗରେ ଯେତିକି ସମ୍ପତ୍ତି ରହିବ, ସେଇ ସମ୍ପତ୍ତି ଉପରେ ସେ ଅଧିକାର ଜାହିର କରିପାରିବେ । ସ୍ୱାମୀ ବଞ୍ଚିଥିବା ପର୍ଯ୍ୟନ୍ତ, ବୋହୂଙ୍କର ତାଙ୍କ ଶ୍ୱଶୁରଙ୍କ ସମ୍ପତ୍ତିରେ କୌଣସି ସିଧାସଳଖ ଅଧିକାର ନାହିଁ। ସେ କେବଳ ତାଙ୍କ ସ୍ୱାମୀଙ୍କ ଅଂଶ ମାଧ୍ୟମରେ ପରୋକ୍ଷ ଭାବରେ ଜଡ଼ିତ । କିନ୍ତୁ ଯଦି ସ୍ୱାମୀଙ୍କ ମୃତ୍ୟୁ ହୁଏ, ତେବେ ପରିସ୍ଥିତି ପରିବର୍ତ୍ତନ ହୁଏ। ଏପରି ପରିସ୍ଥିତିରେ, ବୋହୂ ତାଙ୍କ ସ୍ୱାମୀଙ୍କ ଅଂଶ ପାଇପାରିବେ।

ଏହାସହ ପଢ଼ନ୍ତୂ:- ପୋଲିସର ସାଂଘାତିକ ଅଭିଯୋଗ, ବିଜୟଙ୍କ ପାଇଁ ଏତେ ସବୁ କାଣ୍ଡ ଘଟିଲା !

ତଥାପି, ଏହା ଧ୍ୟାନ ଦେବା ଉଚିତ ଯେ ଜଣେ ବୋହୂଙ୍କ ଅଧିକାର କେବଳ ସ୍ୱାମୀଙ୍କ ଅଂଶ ପର୍ଯ୍ୟନ୍ତ ସୀମିତ, ସମଗ୍ର ପରିବାରର ସମ୍ପତ୍ତି ପାଇଁ ନୁହେଁ। ଯଦି ଜଣେ ବୋହୂ ତାଙ୍କ ଶ୍ୱଶୁରଙ୍କ ସମ୍ପତ୍ତି ନିଜ ନାମରେ ଦାବି କରନ୍ତି, ତେବେ ଏହା ଆଇନଗତ ଭାବରେ ବୈଧ ହେବ ନାହିଁ। କୋର୍ଟରେ ମଧ୍ୟ, ଏପରି ଦାବି କେବଳ ସେତେବେଳେ ବୈଧ ହେବ ଯଦି ସ୍ୱାମୀଙ୍କ ଅଂଶ ପ୍ରତିଷ୍ଠିତ ହୁଏ।