Narendra Modi / ମୋଦିଙ୍କ ମିଶନ ପୂର୍ବୋଦୟ, ଫୋକସରେ ଓଡ଼ିଶା...ଝାରସୁଗୁଡ଼ା ଯୁବ ସମାବେଶରେ ଯୋଗ ଦେବେ ପ୍ରଧାନମନ୍ତ୍ରୀ
Key Points
ମୋଦିଙ୍କ ମିଶନ ପୂର୍ବୋଦୟ, ଫୋକସରେ ଓଡ଼ିଶା । କାଲି ଝାରସୁଗୁଡ଼ା ଯୁବ ସମାବେଶରେ ଯୋଗ ଦେବେ ପ୍ରଧାନମନ୍ତ୍ରୀ...16 ମାସରେ PMଙ୍କ ସପ୍ତମ ଗସ୍ତ ।
ଆଉ କିଛି ଘଣ୍ଟାର ଅପେକ୍ଷା, ଓଡ଼ିଶା ଆସିବେ ପ୍ରଧାନମନ୍ତ୍ରୀ । ଓଡ଼ିଶାରେ ବିଜେପି ସରକାର ଗଠନ ପରେ ରାଜ୍ୟକୁ PMଙ୍କ ସପ୍ତମ ଗସ୍ତ । ଏଥିପାଇଁ ଝାରସୁଗୁଡ଼ାରେ ହୋଇଛି ବଡ଼ ଆୟୋଜନ । ଅମଲିପାଲିସ୍ଥିତ ପଡ଼ିଆରେ ବିଶାଳ ଯୁବ ସମାବେଶକୁ ସମ୍ବୋଧନ କରିବା ସହ ରାଜ୍ୟ ପାଇଁ ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିବେ । ମୁଖ୍ୟତଃ ଓଡ଼ିଶାକୁ ୧୭୦୦ କୋଟିର ରେଳ ପ୍ରକଳ୍ପ ଭେଟି ଦେବେ ମୋଦି । ଏହା ମଧ୍ୟରେ ରହିଛି ୨୭୩ କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ସମ୍ବଲପୁର-ସରଲା ରେଲୱେ ଫ୍ଲାଇଓଭର ପାଇଁ ଭିତ୍ତି ସ୍ଥାପନ ।
ସେହିପରି ୪୮୧ କୋଟିରେ ନିର୍ମିତ ୩୪ କିମି ଦୀର୍ଘ କୋରାପୁଟ - ବାଇଗୁଡ଼ା ରେଳ ଲାଇନର ଦୋହରୀକରଣ ଓ ୯୫୫ କୋଟିରେ ନିର୍ମିତ ୮୨ କିମି ଦୀର୍ଘ ମାନାବାର-କୋରାପୁଟ-ଗୋରାପୁର ମଧ୍ୟରେ ଦୋହରୀକରଣ ହୋଇଥିବା ରେଳ ଲାଇନର ଲୋକାର୍ପଣ କରିବେ ପ୍ରଧାନମନ୍ତ୍ରୀ ।
ଅଧିକ ପଢ଼ନ୍ତୁ: ପ୍ରିୟାଂଶୁ ପାଲ୍ ଙ୍କୁ ଶୁଭେଚ୍ଛା ଜଣାଇଲେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
ଏହାଛଡ଼ା ବ୍ରହ୍ମପୁର ଏବଂ ସୁରଟର ଉଧନା ମଧ୍ୟରେ ଅମୃତ ଭାରତ ଏକ୍ସପ୍ରେସ ଚଳାଚଳର ଶୁଭାରମ୍ଭ କରିବେ, ଯାହା ସିଧାସଳଖ ଓଡ଼ିଶାକୁ ଗୁଜରାଟ ସହ ସଂଯୋଗ କରିବ । ଅନ୍ତ୍ୟୋଦୟ ଯୋଜନାରେ ଓଡ଼ିଶା ପାଇଁ ୫୦ ହଜାର ଘର ବାଣ୍ଟିବା ସହ BSNL 4G ସେବାର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ। MKCG ଓ ଭୀମସାରକୁ ସୁପର ସ୍ପେଶାଲିଟି ହସ୍ପିଟାଲ ମାନ୍ୟତା ଏବଂ ୮ଟି IITର ସମ୍ପ୍ରସାରଣ, ନ୍ୟାସନାଲ ସ୍କିଲ୍ ଡେଭଲପମେଣ୍ଟ ପ୍ରୋଗ୍ରାମର ଶୁଭାରମ୍ଭ କରିବାର ରହିଛି କାର୍ଯ୍ୟକ୍ରମ ।
📱 Get Argus News App
✨
ବାୟୁସେନାର ସ୍ୱତନ୍ତ୍ର ବିମାନରେ ସକାଳ ୯ଟା୨୦ରେ ନୂଆଦିଲ୍ଲୀରୁ ବାହାରି ପୂର୍ବାହ୍ନ ୧୧ଟା ୧୦ ମିନିଟରେ ଝାରସୁଗୁଡା ବିମାନବନ୍ଦରରେ ପହଞ୍ଚିବେ ପ୍ରଧାନମନ୍ତ୍ରୀ । ସେଠାରୁ ସଡ଼କ ପଥରେ ଯାଇ ୧୧ଟା ୨୫ ମିନିଟରେ ଅମଲିପାଲି ସ୍ଥିତ ପଡିଆରେ ପହଞ୍ଚିବେ । PMଙ୍କ ଯୁବ ସମାବେଶରେ ପଶ୍ଚିମ ଓଡ଼ିଶାର ୧୦ ଜିଲ୍ଲା ଏବଂ ପଡ଼ୋଶୀ ରାଜ୍ୟ ଛତିଶଗଡ଼, ଝାଡ଼ଖଣ୍ଡର ଲକ୍ଷାଧିକ ଲୋକ ସାମିଲ ହେବେ । ସୁରକ୍ଷା ବ୍ୟବସ୍ଥା ସହ ଟ୍ରାଫିକ୍ ପରିଚାଳନା ଓ ଲୋକଙ୍କୁ ସୁବିଧା ଯୋଗାଇବାକୁ ପ୍ରଶାସନ-ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।
ଗତକାଲିଠାରୁ ମୁଖ୍ୟମନ୍ତ୍ରୀ ମୋହନ ମାଝୀ, ମୁଖ୍ୟ ଶାସନ ସଚିବ, ଡିଜିପି ପ୍ରମୁଖ ଝାରସୁଗୁଡ଼ାରେ ପହଞ୍ଚି ପ୍ରସ୍ତୁତିର ଅନୁଧ୍ୟାନ କରିଛନ୍ତି । ପ୍ରଧାନମନ୍ତ୍ରୀଙ୍କ ଗସ୍ତ ପୂର୍ବରୁ ଝାରସୁଗୁଡା ସହର ଏବେ ମୋଦିମୟ । ସବୁଠି ଛାଇ ଯାଇଛି PMଙ୍କ ପୋଷ୍ଟର, ବ୍ୟାନର ଆଉ କଟ ଆଉଟ୍ । ମୋଦିଙ୍କ ସଭା ସଫଳ କରିବାକୁ ବିଜେପିର ବରିଷ୍ଠ ନେତା ଝାରସୁଗୁଡାରେ ଡେରା ପକାଇଛନ୍ତି ।
ନବରାତ୍ରି ଚାଲିଥିବା ବେଳେ PM ନୂଆ GST ସ୍ଲାବ ଉପହାର ଦେଇ ଦେଶବାସୀଙ୍କୁ ଦେଇଛନ୍ତି ବଡ଼ ଆଶ୍ବସ୍ତି । ଅନ୍ୟପଟେ ମୋଦି ପ୍ରତିଥର ଓଡ଼ିଶା ଗସ୍ତରେ ଆସି କିଛି ନା କିଛି ବଡ଼ ଘୋଷଣା କରିଛନ୍ତି। ଏଥର ଓଡ଼ିଶାବାସୀଙ୍କୁ କଣ କହିବେ ପ୍ରଧାନମନ୍ତ୍ରୀ ତା ଉପରେ ସମସ୍ତଙ୍କ ନଜର ।
Related Topics
Explore more stories