ଆଇସିସି ଟି-୨୦ ବିଶ୍ଵକପ୍ ୨୦୨୬ର ଫାଇନାଲ୍ ମୁକାବିଲା ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ରବିବାର ଅହମ୍ମଦାବାଦରେ ଖେଳାଯିବ । ଫାଇନାଲ୍ ଫାଇଟ୍ ପୂର୍ବରୁ ଉଭୟ ଦଳର ଖେଳାଳି ଅହମ୍ମଦାବାଦରେ ପହଞ୍ଚିସାରିଛନ୍ତି । ଏହାପୂର୍ବରୁ ଯେତେବେଳେ ଭାରତୀୟ ଟିମ ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚିଥିଲେ, ସେତେବେଳେର ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଭାରତୀୟ କ୍ରିକେଟ ଟିମର ଅଲରାଉଣ୍ଡର ହାର୍ଦ୍ଦିକ ନିଜ ନୂଆ ବାନ୍ଧବୀ ମାହିକା ଶର୍ମାଙ୍କୁ କୋଚ୍ ସାର୍ ଅର୍ଥାତ ଗୌତମ ଗମ୍ଭୀରଙ୍କ ସହିତ ପରିଚିତ କରାଇଥିଲେ । ଏହି ଭାଇରାଲ ଭିଡିଓରେ ଗମ୍ଭୀର ମାହିକାଙ୍କୁ ସାଇଡ୍ ହଗ୍ କରୁଥିବାର ଦେଖିବାକୁ ମିଳିଛି ।

• କିଏ ମାହିକା ଶର୍ମା ?

ମାହିକା ଶର୍ମା ଜଣେ ଭାରତୀୟ ଅଭିନେତ୍ରୀ, ମଡେଲ ଏବଂ ସୋସିଆଲ ମିଡିଆ ଇନଫ୍ଲୁଏନ୍ସର । ସେ ଇକୋନୋମିକ୍ସ ଏବଂ ଫାଇନାନ୍ସ କ୍ଷେତ୍ରରେ ଡିଗ୍ରୀ ହାସଲ କରିଛନ୍ତି । ମାହିକା ବର୍ତ୍ତମାନ ଜଣେ ମଡେଲ ଏବଂ ଅଭିନୟ ଉପରେ ଧ୍ୟାନ ଦେଉଛନ୍ତି । ସେ ମନୀଷ ମାଲହୋତ୍ରା, ଅନିତା ଡୋଙ୍ଗରେ ଏବଂ ତରୁଣ ତାହିଲିଆନିଙ୍କ ପରି ପ୍ରସିଦ୍ଧ ଡିଜାଇନରଙ୍କ ପାଇଁ ରାମ୍ପରେ ମଧ୍ୟ ଚାଲିଛନ୍ତି ।

ମାହିକା ଶର୍ମା ହାର୍ଦ୍ଦିକ ପାଣ୍ଡ୍ୟାଙ୍କଠାରୁ ବୟସରେ ପ୍ରାୟ ୮ ବର୍ଷ ସାନ । ପାଣ୍ଡ୍ୟା ୮ ଅକ୍ଟୋବର ୧୯୯୩ରେ ଗୁଜରାଟର ଚୋରୟାସିରେ ଜନ୍ମଗ୍ରହଣ କରିଥିବାବେଳେ ତାଙ୍କୁ ଏବେ ୩୨ ବର୍ଷ । ମାହିକାଙ୍କ ବୟସ ୨୪ ବର୍ଷ ।

View this post on Instagram

A post shared by Instant Bollywood (@instantbollywood)

• ଅନେକ ପ୍ରସିଦ୍ଧ ବିଜ୍ଞାପନ କରିଛନ୍ତି ମାହିକା

ମାହିକା ପ୍ରସିଦ୍ଧ ବ୍ରାଣ୍ଡର ଅନେକ ସଂଗୀତ ଭିଡିଓ ଏବଂ ବିଜ୍ଞାପନରେ ଅଭିନୟ କରିଛନ୍ତି । ତାଙ୍କର ନିଷ୍ଠା ଏବଂ କାର୍ଯ୍ୟକୁ ସ୍ୱୀକୃତି ଦେବା ପାଇଁ ତାଙ୍କୁ ଇଣ୍ଡିଆନ୍ ଫ୍ୟାଶନ୍ ପୁରସ୍କାରରେ "ବର୍ଷର ଶ୍ରେଷ୍ଠ ମଡେଲ୍" ଭାବରେ ସମ୍ମାନିତ ମଧ୍ୟ କରାଯାଇଥିଲା ।

• ହାର୍ଦ୍ଦିକଙ୍କ ପୂର୍ବ ସମ୍ପର୍କ

ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟାଙ୍କ ପୂର୍ବତନ ପତ୍ନୀ ହେଉଛନ୍ତି ସର୍ବିଆର ମଡେଲ ତଥା ଅଭିନେତ୍ରୀ ନତାଶା ଷ୍ଟାନକୋଭିକ, ଯାହାଙ୍କୁ ସେ ୨୦୨୦ ମେ ମାସରେ ବିବାହ କରିଥିଲେ । ସେମାନଙ୍କର ଅଗସ୍ତ୍ୟ ପାଣ୍ଡ୍ୟା ନାମକ ଜଣେ ପୁତ୍ର ଅଛନ୍ତି, ଯାହାଙ୍କର ଜନ୍ମ ୨୦୨୦ ମସିହାରେ ହୋଇଥିଲା । ପ୍ରାୟ ୪ ବର୍ଷର ବୈବାହିକ ଜୀବନରେ ରହିବା ପରେ ଉଭୟ ୧୮ ଜୁଲାଇ ୨୦୨୪ରେ ପରସ୍ପରଠାରୁ ଅଲଗା ହେବା ନେଇ ଘୋଷଣା କରିଥିଲେ । ସେମାନେ ବର୍ତ୍ତମାନ ମିଳିତ ଭାବେ ନିଜ ପୁଅର ଲାଳନପାଳନ କରୁଛନ୍ତି ।

ଅଧିକ ଖବର ପଢନ୍ତୁ...