Asia Cup / Asia Cupକୁ ନେଇ ପାକିସ୍ତାନର ମନ୍ତ୍ରୀ ନକଭୀଙ୍କ ନୂଆ ନିର୍ଦ୍ଦେଶ
Key Points
ଆଜି ସୁଦ୍ଧା ଏସିଆ କପ୍ ଟ୍ରଫି ଦୁବାଇ ସ୍ଥିତ ACC କାର୍ଯ୍ୟାଳୟରେ ରଖାଯାଇଛି । ଏଥିସହ ଏସିଆ କପ୍ ଟ୍ରଫି ଯେଭଳି ଅନ୍ୟତ୍ର ସ୍ଥାନାନ୍ତର କିମ୍ବା ଅନ୍ୟ କାହାରିକୁ ହସ୍ତାନ୍ତର ହେବ ନାହିଁ ସେ ନେଇ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି ନକ୍ଭୀ । ସେ କହିଛନ୍ତି, ତାଙ୍କ ଅନୁମତି ବିନା ଏବଂ ଅନୁପସ୍ଥିତିରେ କେହି ଟ୍ରଫି ନେଇ ପାରିବେ ନାହିଁ ।
ନୂଆଦିଲ୍ଲୀ: ଭାରତ ଏସିଆ କପ୍-୨୦୨୫ର ଚାମ୍ପିଅନ୍ ହୋଇଥିବା ବେଳେ ଏଯାଏଁ ମିଳିନି ଟ୍ରଫି । ପାକିସ୍ତାନକୁ ଭାରତ ଫାଇନାଲ୍ରେ ହରାଇବା ସହ ଚାମ୍ପିଅନ୍ ହୋଇଥିଲା । ହେଲେ ଏସିଆନ୍ କ୍ରିକେଟ୍ କାଉନସିଲ୍ (ACC) ଅଧ୍ୟକ୍ଷ ମୋହସିନ ନକଭୀଙ୍କ ଠାରୁ ଭାରତ ଟ୍ରଫି ନେବାକୁ ମନା କରିଥିଲା ।
ଯାହା ପରେ ଟ୍ରଫିକୁ ଦୁବାଇ ସ୍ଥିତ ACC ମୁଖ୍ୟାଳୟରେ ଚାବି ପକାଇ ରଖାଯାଇଛି । ଚାବି ପକାଇବା ସହ ACC ଅଧ୍ୟକ୍ଷଙ୍କ ବିନା ଅନୁମତିରେ ଟ୍ରଫିକୁ ସ୍ଥାନାନ୍ତର କିମ୍ବା ଅନ୍ୟ କାହାରିକୁ ଦିଆଯାଇ ପାରିବ ନାହିଁ ବୋଲି ନିର୍ଦ୍ଦେଶନାମା ଦିଆଯାଇଛି ।
ଏଥିସହ ପଢ଼ନ୍ତୁ: 'ଅଦୃଶ୍ୟ ଟ୍ରଫି' ସହ ସେଲିବ୍ରେସନ୍ କରିବାକୁ କହିଥିଲେ କେଉଁ ଖେଳାଳି, ଖୁଲାସା କଲେ ବରୁଣ
ଏବେ ଟ୍ରଫି ACC କାର୍ଯ୍ୟାଳୟରେ ରଖା ଯାଇଥିବା ବେଳେ ନକଭୀଙ୍କ ନୂଆ ନିର୍ଦ୍ଦେଶକୁ ନେଇ ବିବାଦ ତେଜିଲାଣି । ସେପ୍ଟେମ୍ବର ୨୮ ତାରିଖରେ ଦୁବାଇରେ ଏସିଆ କପ୍ର ଫାଇନାଲ୍ ମ୍ୟାଚ୍ରେ ଭାରତ, ପାକିସ୍ତାନକୁ ହରାଇଥିଲା । ଭାରତ, ନକଭୀଙ୍କ ହାତରୁ ଟ୍ରଫି ନେବାକୁ ମନା କରିବା ପରେ ସେ ମଧ୍ୟ ପଳାଇଥିଲେ ।
ACC ଅଧ୍ୟକ୍ଷ ଥିବା ନକଭୀ ମଧ୍ୟ ପାକିସ୍ତାନ କ୍ରିକେଟ୍ ବୋର୍ଡ (PCB)ର ଅଧ୍ୟକ୍ଷ ଅଛନ୍ତି । ଏଥିସହ ପାକିସ୍ତାନର ଆଭ୍ୟନ୍ତରୀଣ ମନ୍ତ୍ରୀ ଅଛନ୍ତି ମୋହସିନ ନକଭୀ । ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ-ପାକିସ୍ତାନ ସମ୍ପର୍କ ଚରମରେ ପହଞ୍ଚିଛି ।
📱 Get Argus News App
✨ଏଥିସହ ପଢ଼ନ୍ତୁ: ଟ୍ରଫି ଚୋରଙ୍କୁ ପାକିସ୍ତାନରେ ସମ୍ମାନ ! ମୋହସିନ୍ ନକଭିଙ୍କୁ ମିଳିବ ଗୋଲ୍ଡ ମେଡାଲ
ଆଜି ସୁଦ୍ଧା ଏସିଆ କପ୍ ଟ୍ରଫି ଦୁବାଇ ସ୍ଥିତ ACC କାର୍ଯ୍ୟାଳୟରେ ରଖାଯାଇଛି । ଏଥିସହ ଏସିଆ କପ୍ ଟ୍ରଫି ଯେଭଳି ଅନ୍ୟତ୍ର ସ୍ଥାନାନ୍ତର କିମ୍ବା ଅନ୍ୟ କାହାରିକୁ ହସ୍ତାନ୍ତର ହେବ ନାହିଁ ସେ ନେଇ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି ନକ୍ଭୀ । ସେ କହିଛନ୍ତି, ତାଙ୍କ ଅନୁମତି ବିନା ଏବଂ ଅନୁପସ୍ଥିତିରେ କେହି ଟ୍ରଫି ନେଇ ପାରିବେ ନାହିଁ ବୋଲି ପିଟିଆଇ ସୂତ୍ରରୁ ଉଲ୍ଲେଖ କରିଛି ।
ପିଟିଆଇ ଖବରର ସୂତ୍ର ଅନୁସାରେ, BCCI କିମ୍ବା ଭାରତୀୟ ଦଳକୁ ନକଭୀଙ୍କ ଉପସ୍ଥିତିରେ ହିଁ ଟ୍ରଫି ପ୍ରଦାନ କରିବାକୁ ସେ ନିର୍ଦ୍ଦେଶ ଦେଇଛନ୍ତି । ୨୦୨୫ ଏସିଆ କପ୍ ଭାରତ-ପାକିସ୍ତାନକୁ ନେଇ ବିବାଦୀୟ ରହିଥିଲା । ପ୍ରଥମେ ଭାରତୀୟ ଦଳ ଗ୍ରାଉଣ୍ଡରେ ପାକିସ୍ତାନ ଖେଳାଳିଙ୍କ ସହ ହାତ ମିଳାଇବାକୁ ମନା କରିଥିଲା । ଯାହାକୁ ନେଇ ବିବାଦ ସୃଷ୍ଟି ହୋଇଥିଲା ।
ଏଥିସହ ପଢ଼ନ୍ତୁ: ଫାଇନାଲ ଡ୍ରାମା ନେଇ ମୁହଁ ଖୋଲିଲେ ସୂର୍ଯ୍ୟକୁମାର, କହିଲେ, ଟ୍ରଫି ନେଇ ପଳେଇଲେ ପାକିସ୍ତାନ ମନ୍ତ୍ରୀ
ଟ୍ରଫିକୁ ନେଇ ନକଭୀ ତାଙ୍କ ସୋସିଆଲ୍ ମିଡିଆ ପେଜ୍ରେ ଅନେକ ମନ୍ତବ୍ୟ ଦେଇଥିଲେ । ଯାହାକୁ BCCI ଦୃଢ଼ ନିନ୍ଦା କରିବା ସହ ଟ୍ରଫି ନେଇ ନଥିଲା । ଏନେଇ ICCର ପରବର୍ତ୍ତୀ ବୈଠକରେ ପ୍ରସଙ୍ଗ ଉଠାଇବ ବୋଲି BCCI କହିଛି । ଏପରିକି ICCର ନିର୍ଦ୍ଦେଶକ ପଦରୁ ନକଭୀଙ୍କୁ କାଢ଼ିବା ନେଇ BCCI ଦାବି କରିପାରେ ବୋଲି ଚର୍ଚ୍ଚା ହେଉଛି ।
ତେବେ ଦେଖିବାର କଥା ଏବେ PCB ଓ ନକଭୀ କ'ଣ କରୁଛନ୍ତି । କାରଣ BCCIର କହିବା କଥା ଟ୍ରଫି ନେଇ ନକଭୀଙ୍କ କୌଣସି ଅଧିକାର ନାହିଁ କି BCCIକୁ ପ୍ରଦାନ ପାଇଁ ସେ ମନା କରିପାରିବେ ନାହିଁ ।
Related Topics
Explore more stories