Car Hits Elderly Couple / ଫିଲ୍ମ ପରି ଉଡ଼ିକି ପଡ଼ିଲେ; କାର ଧକ୍କାରେ ବୃଦ୍ଧ ଦମ୍ପତି ଗୁରୁତର, ଦେଖନ୍ତୁ ଭିଡିଓ

ନୂଆଦିଲ୍ଲୀ: ପ୍ରଥମେ ଧକ୍କା ମାରିଲେ । କ୍ରେଟାରୁ ବାହାରି ଦେଖିଲେ । ତା' ପରେ ଗାଡ଼ି ଧରି ଫେରାର ମାରିଲେ । ସେପଟେ ରକ୍ତ ଜୁଡୁବୁଡୁ ଅବସ୍ଥାରେ ତଳେ ପଡ଼ିଥିଲେ ବୃଦ୍ଧ ଦମ୍ପତି । ପଶ୍ଚିମ ଦିଲ୍ଲୀର କୀର୍ତ୍ତି ନଗର ଅଞ୍ଚଳରେ ଅକ୍ଟୋବର ୨ ତାରିଖ ସକାଳେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଥିଲା । ଏକ ଦ୍ରୁତଗାମୀ ହୁଣ୍ଡାଇ କ୍ରେଟା କାର ଧାର୍ମିକ ସ୍ଥଳରୁ ଫେରୁଥିବା ବୃଦ୍ଧ ଦମ୍ପତିଙ୍କୁ ପଛପଟୁ ଧକ୍କା ଦେଇଥିଲା । ଧକ୍କା ଏତେ ଜୋରରେ ଥିଲା ଯେ ଦୁଇ ବୃଦ୍ଧ ଦମ୍ପତି ଆକାଶରେ ଫିଲ୍ମ ଷ୍ଟାଇଲ ପରି ଉଡ଼ି ଛିଟିକି ପଡ଼ି ରାସ୍ତାରେ ପଡ଼ିଯାଇଥିଲେ ଏବଂ ଗୁରୁତର ଆହତ ହୋଇଛନ୍ତି ।

ସମ୍ପୂର୍ଣ୍ଣ ଘଟଣାଟି ପାଖରେ ଥିବା ଏକ ସିସିଟିଭି କ୍ୟାମେରାରେ କଏଦ ହୋଇଛି । ପୋଲିସ ଶୀଘ୍ର ପଦକ୍ଷେପ ନେଇ କାର୍ ଚଳାଉଥିବା ୪୯ ବର୍ଷୀୟା ମହିଳାଙ୍କୁ ଗିରଫ କରିବା ସହିତ ଦୁର୍ଘଟଣାରେ ଜଡିତ କ୍ରେଟା କାରକୁ ଜବତ କରିଛି । ମହିଳାଙ୍କ ଅମାନବିକତାକୁ ସମସ୍ତେ ସମାଲୋଚନା କରିଛନ୍ତି । ସେ କେବଳ କାରକୁ ଓହ୍ଲାଇ ବୃଦ୍ଧ ଦମ୍ପତିଙ୍କୁ ଉପର ଠାଉରିଆ ଦେଖି ଚମ୍ପଟ ମାରିଥିଲେ ।

• ସକାଳୁ ସକାଳୁ ଦୁର୍ଘଟଣା

ରିପୋର୍ଟ ଅନୁଯାୟୀ, ୨ ଅକ୍ଟୋବର ସକାଳ ପ୍ରାୟ ୦୮.୪୭ ସମୟରେ ଏହି ଦୁର୍ଘଟଣା ଘଟିଥିଲା । ୭୯ ବର୍ଷୀୟ ଦୟାନନ୍ଦ ଏବଂ ତାଙ୍କ ୭୯ ବର୍ଷୀୟ ପତ୍ନୀ କୁସୁମ ନିକଟବର୍ତ୍ତୀ ଏକ ଧାର୍ମିକ ସ୍ଥଳରୁ ପ୍ରାର୍ଥନା କରିବାକୁ ଘରକୁ ଫେରିଥିଲେ । ସେ ସମ୍ପୂର୍ଣ୍ଣ ରାସ୍ତାକଡ଼ରେ ଚାଲୁଥିଲେ । ଏହି ସମୟରେ ପଛରୁ ଆସୁଥିବା ଏକ ଦ୍ରୁତଗାମୀ କ୍ରେଟା କାର ସେମାନଙ୍କୁ ପଛପଟୁ ଧକ୍କା ଦେଇଥିଲା । ଧକ୍କା ଦେବା ପରେ, ଉଭୟ ବୃଦ୍ଧ ଦମ୍ପତି ରାସ୍ତା ଉପରେ ଛିଟିକି ପଡ଼ିଥିଲେ । ଦୟାନନ୍ଦଙ୍କ ମୁଣ୍ଡରେ ଗମ୍ଭୀର ଆଘାତ ଲାଗିଥିଲା, ଯେତେବେଳେ ତାଙ୍କ ସ୍ତ୍ରୀ କୁସୁମ ସାମାନ୍ୟ ଆଘାତ ପାଇଥିଲେ । ଉଭୟଙ୍କୁ ତୁରନ୍ତ ନିକଟସ୍ଥ ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ଡାକ୍ତରମାନେ କହିଛନ୍ତି ଯେ ସେମାନେ ବିପଦ ବାହାରେ ଅଛନ୍ତି ।

🚨 ఢిల్లీలో ఘోరం.. రోడ్డు మీద నడుస్తున్న సీనియర్ సిటిజన్స్ ను ఢీ కొట్టిన మహిళా డ్రైవర్ తీవ్ర గాయాలతో ఆసుపత్రి పాలైన సీనియర్ సిటిజన్స్ మహిళ అరెస్టు #NewDelhi https://t.co/P3NHzTkvbV

— UttarandhraNow (@UttarandhraNow) October 4, 2026

• ସିସିଟିଭିରେ କଏଦ ପୂରା ଘଟଣା

ଘଟଣାର ଭୟଙ୍କର ସିସିଟିଭି ଫୁଟେଜ୍ ସାମ୍ନାକୁ ଆସିଛି । ଫୁଟେଜରେ ସ୍ପଷ୍ଟ ଭାବରେ ଦେଖାଯାଉଛି ଯେ ଦୁର୍ଘଟଣା ପରେ କାର ଚଳାଉଥିବା ମହିଳା ଜଣକ କିଛି ସମୟ ପାଇଁ ଗାଡ଼ିରୁ ବାହାରକୁ ବାହାରି ଆସିଥିଲେ । ସେ ବୃଦ୍ଧ ଦମ୍ପତିଙ୍କୁ ତଳେ ଛଟପଟ ହେଉଥିବାର ଦେଖିଲେ, କିନ୍ତୁ ସେମାନଙ୍କୁ ହସ୍ପିଟାଲ ନେବା କିମ୍ବା କୌଣସି ମାନବିକ ସହାୟତା ଦେବା ପରିବର୍ତ୍ତେ ସେ ତୁରନ୍ତ ତାଙ୍କ କାରରେ ବସି ଘଟଣାସ୍ଥଳରୁ ଫେରାର ମାରିଥିଲେ ।

ପଢନ୍ତୁ ଏହି ଖବର: ପାର୍ବଣ ପୂର୍ବରୁ ଗଡ଼ିଲା ମୁଣ୍ଡ; ସାଙ୍ଗର ଗଳା କାଟିଲା ସାଙ୍ଗ

• ୪୯ ବର୍ଷୀୟ ମହିଳା ଗିରଫ

ପୋଲିସ ତଦନ୍ତରୁ ଜଣାପଡିଛି ଯେ କାରଟି ନବଲୀନ ନାମକ ଜଣେ ୪୯ ବର୍ଷୀୟ ମହିଳା ଚଳାଉଥିଲେ, ଯିଏକି ପେଶାରେ ଜଣେ ଗୃହିଣୀ । ସିସିଟିଭି ଫୁଟେଜ୍ ଏବଂ କାର ନମ୍ବର ଆଧାରରେ କୀର୍ତ୍ତି ନଗର ପୋଲିସ ଷ୍ଟେସନ ଅଭିଯୁକ୍ତ ମହିଳା ନବଲୀନଙ୍କୁ ଗିରଫ କରିଛି । ପୋଲିସ ଦୁର୍ଘଟଣାଗ୍ରସ୍ତ କ୍ରେଟା କାରକୁ ଜବତ କରି ଅଧିକ ତଦନ୍ତ ଜାରି ରଖିଛି । ମହିଳାଙ୍କ ବିରୁଦ୍ଧରେ ଦୁର୍ଘଟଣା ଜନିତ ଧାରା ରୁଜୁ କରାଯାଇ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।